લોઅર કોર્ટે આ માર્ચમાં સલમાન ખાન અને તેના બૉડીગાર્ડ નવાઝ શેખને પાંચની એપ્રિલ સુધીમાં હાજર થવા જણાવ્યું હતું
ફાઇલ તસવીર
બૉમ્બે હાઈ કોર્ટે ગઈ કાલે ૨૦૧૯માં પત્રકાર સાથે કથિત ગેરવર્તન કરવાના મામલે સલમાન ખાન સામે સ્થાનિક કોર્ટ દ્વારા બહાર પાડવામાં આવેલા સમન્સ પરના સ્ટેને ૧૩ જૂન સુધી લંબાવ્યો હતો. લોઅર કોર્ટે આ માર્ચમાં સલમાન ખાન અને તેના બૉડીગાર્ડ નવાઝ શેખને પાંચની એપ્રિલ સુધીમાં હાજર થવા જણાવ્યું હતું. આ આદેશ પત્રકાર અશોક પાંડે દ્વારા આ બન્ને વિરુદ્ધ દાખલ કરવામાં આવેલી ફરિયાદના આધારે આપવામાં આવ્યો હતો, જેમાં તેણે આ બન્ને સામે ધમકી આપવાનો તેમ જ હુમલાનો આરોપ મૂક્યો હતો. સલમાન ખાને ગયા મહિને આ સમન્સને હાઈ કોર્ટમાં પડકાર્યો હતો. અશોક પાંડેએ એવો આરોપ મૂક્યો હતો કે એપ્રિલ ૨૦૧૯માં સલમાન ખાન અને નવાઝ શેખ મુંબઈના રસ્તા પર સાઇકલ ચલાવી રહ્યા હતા ત્યારે તેમનું શૂટિંગ કરવા બદલ તેમણે ખરાબ વર્તન કર્યું હતું તેમ જ હુમલો કર્યો હતો.
