° °

આજનું ઇ-પેપર
Monday, 26 September, 2022


ઘાટકોપરના જ્વેલરની દુકાનમાં ૪૬ લાખની લૂંટ

23 September, 2022 11:25 AM IST | Mumbai
Rohit Parikh | rohit.parikh@mid-day.com

ચોર શોરૂમની પાછળથી એના મેડામાં આવી લાકડાની બારી તોડીને લૉકરમાં મૂકેલા ૨૬ લાખ રૂપિયાના ૭૦૦ ગ્રામ સોનાના દાગીના, ૧૬ લાખ રૂપિયાની ચાંદીની વસ્તુઓ અને સાડાત્રણ લાખ રૂપિયા રોકડા લઈને પલાયન થઈ ગયો

લૂંટ થયા બાદ પી. બી. જ્વેલર્સના શોરૂમની તપાસ કરી રહેલી પોલીસ Crime News

લૂંટ થયા બાદ પી. બી. જ્વેલર્સના શોરૂમની તપાસ કરી રહેલી પોલીસ

ઘાટકોપર-વેસ્ટના ૨૪ કલાક ધમધમતા વિસ્તાર મહાત્મા ગાંધી રોડ પર આવેલા પી. બી. જ્વેલર્સના શોરૂમની પાછળથી શોરૂમના મેડામાં આવીને લાકડાની બારી તોડીને મંગળવારે રાતના એેક વાગ્યાથી ચાર વાગ્યાની વચ્ચે લૉકરમાં મૂકેલા ૨૬,૬૦,૦૦૦ રૂપિયાના ૭૦૦ ગ્રામ સોનાના દાગીના, ૧૬,૦૦,૦૦૦ રૂપિયાની ચાંદીની વસ્તુઓ અને ૩,૫૦,૦૦૦ રૂપિયા રોકડા એેમ ૪૬,૧૦,૦૦૦ની લૂંટ કરવામાં આવી હતી. આ બનાવથી મહાત્મા ગાંધી રોડના જ્વેલરો સાવધાન થઈ ગયા હતા. પોલીસ કહે છે કે અમે લૂંટારાની નજીક પહોંચી ગયા છીએ.

આ બનાવની માહિતી આપતાં પી. બી. જ્વેલર્સના ૬૩ વર્ષના માલિક ચીતરમલ સિંઘવીએ ‘મિડ-ડે’ને કહ્યું હતું કે ‘અમે ૨૦ સપ્ટેમ્બરે રાતના ૧૦ વાગ્યે અમારા બધા જ સોનાના દાગીના લૉકરમાં અને ચાંદીની વસ્તુઓને ટેબલ નીચેના ડ્રૉઅરમાં મૂકીને ઘરે ગયા હતા. એની સાથે છેલ્લા ત્રણ દિવસમાં કરેલો ૩,૫૦,૦૦૦ રૂપિયાનો વકરો પણ ડ્રૉઅરમાં મૂકીને ઘરે ગયા હતા. અમે અમારા શોરૂમની નજીકમાં જ રહીએ છીએ. બુધવારે સવારે ૧૦ વાગ્યે મારો દીકરો દીપેશ અને મારો કર્મચારી શંકરસિંહ શોરૂમ ખોલીને અંદર આવ્યા તો જોયું કે દુકાનમાં સોનાના દાગીનાનાં બૉક્સ અસ્તવ્યસ્ત પડ્યાં હતાં. તરત જ તેણે મને ફોન કરીને શોરૂમમાં ચોરી થઈ હોવાની શંકા દર્શાવી હતી. હું તરત જ અમારી સામે આવેલા ઉપાશ્રયમાંથી દોડીને દુકાનમાં પહોંચ્યો હતો. અમે બધી તપાસ કરતાં અમને ખબર પડી કે પાછલાના ભાગની લાકડાની બારી તોડીને અજાણ્યા માણસો અમારી દુકાનને સાફ કરીને ભાગી ગયા હતા. અમે આ બાબતની ઘાટકોપર પોલીસને જાણકારી આપી હતી. ઘાટકોપર પોલીસ આ લૂંટના બનાવની તપાસ કરી રહી છે.’

આના સંદર્ભમાં પોલીસ અત્યારે તો કંઈ કહેવા તૈયાર નથી. જોકે, સૂત્રો પાસેથી જાણવા મળ્યું હતું કે પોલીસ આ કેસ સૉલ્વ કરવાની નજીક છે.

23 September, 2022 11:25 AM IST | Mumbai | Rohit Parikh

અન્ય લેખો

મુંબઈ સમાચાર

ભુલેશ્વરમાં ભરબપોરે થઈ આંગડિયાની ઑફિસમાંથી એક કરોડ રૂપિયાની ચોરી

બે આરોપીઓ બંધ ઑફિસનો દરવાજો તોડીને અંદર રાખેલી તિજોરીમાંથી કૅશ સાથે પલાયન થઈ ગયા : વી. પી. રોડ પોલીસે ફરિયાદ નોંધીને તપાસ હાથ ધરી

26 September, 2022 01:55 IST | Mumbai | Gujarati Mid-day Correspondent
મુંબઈ સમાચાર

મુંબઈના ત્રણને નોકરીની લાલચ આપીને મ્યાનમારમાં ગોંધી રખાયા

ત્રણ પૈકીના એકે મિત્રનો સંપર્ક કરતાં મિત્રએ પોલીસને ઘટનાની જાણ કરી હતી, જેને પગલે ક્રાઇમ બ્રાન્ચે અજાણી વ્યક્તિઓ વિરુદ્ધ એફઆઇઆર દાખલ કર્યો હતો

26 September, 2022 10:07 IST | Mumbai | Gujarati Mid-day Correspondent
મુંબઈ સમાચાર

પૌત્રી પાસે ભીખ મગાવવા બદલ ૮૨ વર્ષના વૃદ્ધ અને તેની પત્ની સામે ગુનો નોંધાયો

ડોમ્બિવલી રેલવે પોલીસના સિનિયર ઇન્સ્પેક્ટર મુકેશ ધાગેએ આપી માહિતી

26 September, 2022 10:02 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK