° °

આજનું ઇ-પેપર
Monday, 17 January, 2022


લેટર પોસ્ટ સે ભેજ રહા હૂં, લેકિન અગલી બાર સીધી ગોલી ભેજુંગા

10 January, 2022 09:21 AM IST | Mumbai | Samiullah Khan

મલાડના વેપારીને આર્થર રોડ જેલમાં કેદ ગૅન્ગસ્ટરે એક કરોડની ખંડણી માગતો પત્ર મોકલ્યો

ગૅન્ગસ્ટર ઉદય પાઠક Crime News

ગૅન્ગસ્ટર ઉદય પાઠક

મલાડ-ઈસ્ટના એક બિઝનેસમૅનને ગુરુવારે એક કરોડ રૂપિયાની ખંડણીની માગણી કરતો પત્ર મળ્યો હતો, જે કથિત રીતે આર્થર રોડ જેલમાં કેદ એક ગૅન્ગસ્ટર દ્વારા મોકલાયો હતો.
આ ઘટનાની વિગત એવી છે કે મલાડ-ઈસ્ટમાં ‘રોકડિયા ટ્રેડર્સ’ નામની ઇમિટેશન શૉપ ધરાવતા ફરિયાદી બાબુલાલ દૂધચંદ જૈન (૫૩)ને ગુરુવારે દુકાનમાં પત્ર મળ્યો હતો, જેની આગળ તેમના પુત્ર વિકાસ જૈનનું અને પાછળ ગૅન્ગસ્ટર ઉદય પાઠક અને બીજા બે સાગરીતોનાં નામ લખેલાં હતાં. બાબુલાલે જણાવ્યા પ્રમાણે પત્રમાં નવા વર્ષની શુભેચ્છા પાઠવીને લખ્યું હતું, ‘મૈંને સોચા થા તુમ મુઝે મિલને આઓંગે, યા પૈસા દોગેં, નહીં દિયે. ઇસ બાર ગોલી કબાટ પર નહીં, સીધે સર મેં લગેંગી. લેટર પોસ્ટ સે ભેજ રહા હૂં, લેકિન અગલી બાર સીધી ગોલી ભેજુંગા.’
પત્ર વાંચ્યા બાદ બાબુલાલે કુરાર પોલીસમાં ઉદય પાઠક, રાહુલ મંત્રી અને વિકી પિસે સામે ફરિયાદ નોંધાવી હતી. કુરાર પોલીસ સ્ટેશનના અધિકારીએ જણાવ્યા પ્રમાણે અમે ખંડણીનો કેસ નોંધીને તપાસ આદરી છે.
કેદ ભોગવી રહેલા ગૅન્ગસ્ટર ઉદય પાઠક પર એક કરતાં વધુ કેસ છે, જેમાં જૂન ૨૦૧૧માં ચાર વ્યક્તિની હત્યાના કેસનો પણ સમાવેશ થાય છે.
ફેબ્રુઆરી ૨૦૨૦માં પાઠક ગૅન્ગના સાગરિતે બાબુલાલની દુકાન પર ફાયરિંગ કર્યું હતું. એ સમયે દુકાનમાંથી ચિઠ્ઠી મળી હતી, જેના પર ઉદય પાઠકની ગૅન્ગનું નામ લખ્યું હતું અને એક કરોડ રૂપિયાની ખંડણી માગી હતી.
ઉદય સામેના ખંડણીના ત્રણ કેસમાં પણ સમાન પ્રકારની કાર્યપદ્ધતિ વપરાઈ હતી.
પત્ર મુંબઈની પોસ્ટ ઑફિસમાંથી પોસ્ટ કરાયો હતો.
પોલીસ સંબંધિત પોસ્ટ ઑફિસની વિગતો શોધી રહી છે અને સીસીટીવી કૅમેરાનાં ફુટેજ માટે પણ તપાસ કરી રહી છે.
આ પત્ર ઉદય પાઠક અને એની ગૅન્ગને કોઈ કાવતરાથી ફસાવવાના ઇરાદે મોકલાયો છે કે વાસ્તવમાં ઉદયે જ પત્ર મોકલ્યો છે એની તપાસ કરાશે, એમ અધિકારીએ ઉમેર્યું હતું.

10 January, 2022 09:21 AM IST | Mumbai | Samiullah Khan

અન્ય લેખો

મુંબઈ સમાચાર

વસઈ-વિરાર સુધરાઈનો એકદમ રેઢિયાળ કારભાર

ડૉક્ટર ન હોવા છતાં ઑપરેશન કરીને દરદીઓને મુશ્કેલીમાં મૂકનાર બોગસ ઑર્થોપેડિક ડૉક્ટરની વસઈ પોલીસે કરી ધરપકડ : ચીટિંગ સહિતના કેસમાં પકડાયેલા આ ડૉક્ટરે કોરોનાના સમયમાં મીરા-ભાઈંદરની સરકારી હૉસ્પિટલમાં એક વર્ષ કામ કર્યું હતું

16 January, 2022 12:22 IST | Mumbai | Gujarati Mid-day Correspondent
મુંબઈ સમાચાર

બે દિવસથી ગાયબ માતા અને પુત્રના મૃતદેહ નાળામાંથી મળ્યા

નેહરુનગરના આ રહેવાસીઓ બે દિવસથી ગાયબ હતા : સીસીટીવી કૅમેરાનાં ફુટેજ પરથી જાણ થઈ : સસરા અને દિયરની કરવામાં આવી ધરપકડ

16 January, 2022 11:25 IST | Mumbai | Gujarati Mid-day Correspondent
મુંબઈ સમાચાર

પતિએ પત્નીનો સ્નાન કરતો વિડિયો ઉતારીને વૉટ્સઍપ સ્ટેટસ પર મૂક્યો

આ ઉપરાંત પોલીસે દહેજ માટે પજવણી કરવા બદલ પતિ સહિત કુલ આઠ વ્યક્તિ સામે કેસ દાખલ કર્યો હતો

15 January, 2022 09:54 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK