° °

આજનું ઇ-પેપર
Thursday, 16 September, 2021


બનાવટી રસીનો ભોગ બનનારા લોકોને ફરીથી રસી આપવાની BMCની યોજના

31 July, 2021 12:02 PM IST | Mumbai | Gujarati Mid-day Correspondent

બનાવટી રસીનો ભોગ બનનારા લોકોને ફરીથી રસી આપવાની બીએમસીની યોજનાને મંજૂરી આપવા માટે હાઈ કોર્ટનો કેન્દ્રને હુકમ

પ્રતીકાત્મક તસવીર

પ્રતીકાત્મક તસવીર

બૉમ્બે હાઈ કોર્ટે થોડા મહિના પહેલાં શહેરના વિવિધ ભાગોમાં સંખ્યાબંધ બનાવટી ઍન્ટિ કોરોનાવાઇરસ રસીકરણ કૅમ્પનો ભોગ બનેલા લોકોને ફરી રસી આપવાની બીએમસીની સૂચિત યોજનાને મંજૂર કરવાનો કેન્દ્ર સરકારને હુકમ કર્યો હતો.
ચીફ જસ્ટિસ દીપાંકર દત્તા અને જસ્ટિસ જી. એસ. કુલકર્ણીની બેન્ચે કેન્દ્રને ફેરફાર સાથે કે એ વિના સાત દિવસની અંદર બીએમસીના પ્લાનને મંજૂર કરવાનો હુકમ કર્યો હતો.
બીએમસીના વકીલ સિનિયર કાઉન્સેલ અનિલ સાખરેએ ચાલુ મહિનાના પ્રારંભમાં હાઈ કોર્ટને જણાવ્યું હતું કે ૨,૦૫૩ લોકોને કોરોનાની રસીને બદલે સલાઇન વૉટર અપાયું હતું.
અનિલ સાખરેએ અદાલતને જણાવ્યું હતું કે ‘કાંદિવલીના હીરાનંદાનીમાં ૩૯૧ કેસમાંથી ૩૬૩ લોકોને ટ્રેસ કરાયા હતા, જેમાંથી ૧૬૧ને નવેસરથી રસી અપાઈ હતી. અમે બાકીના ૨,૦૫૩ લોકોની કોવિન પોર્ટલ પર પુનઃ નોંધણી કરાવવાની પ્રક્રિયા હાથ ધરી છે, જેથી તેમને યોગ્ય રીતે રસી આપી શકાય. જોકે કેન્દ્રની મંજૂરી વિના તેમનું પુનઃ રજિસ્ટ્રેશન કરી શકાશે નહીં.’
કેન્દ્ર સરકારના ઍડિશનલ સૉલિસિટર જનરલ અનિલ સિંહે હાઈ કોર્ટને જણાવ્યું હતું કે પોર્ટલમાંથી ડી-રજિસ્ટ્રેશન કરાવવું હાલ શક્ય ન હોવા છતાં કેન્દ્ર એના પર ધ્યાન આપશે. ત્યારે હાઈ કોર્ટે જણાવ્યું હતું કે ‘બીએમસીના સૂચિત પ્લાન વિશે વિચારણા કરીને બનતી કાર્યવાહી કરો. પીડિતોને પુનઃ રસીકરણ માટે તેમની ઓળખ કરીને થોડી નોંધ સાથે નવેસરથી રજિસ્ટ્રેશનની પરવાનગી આપી શકાય.’

31 July, 2021 12:02 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

સાહિલ ખાને મનોજ પાટીલના આત્મહત્યાના પ્રયાસના કેસમાં મૌન તોડ્યું, કહી આ વાત

સાહિલે આ મામલે પોતાનું મૌન તોડ્યું છે અને સત્તાવાર નિવેદન જાહેર કર્યું છે.

16 September, 2021 07:54 IST | Mumbai | Gujarati Mid-day Online Correspondent
મુંબઈ સમાચાર

મહારાષ્ટ્રના પાલઘરમાં પાણીની ડોલમાં પડી જવાથી એક વર્ષની બાળકીનું મોત

મહારાષ્ટ્રના પાલઘર જિલ્લામાં આકસ્મિક રીતે પાણીની ડોલમાં પડી જતાં એક વર્ષની બાળકીનું મોત નીપજ્યું હતું.

16 September, 2021 07:48 IST | mumbai | Gujarati Mid-day Online Correspondent
મુંબઈ સમાચાર

બીજી વાર ઈન્કમ ટેક્સની ટીમ સોનુ સૂદના ઘરે પહોંચી, ખર્ચ-આવકની તપાસ હાથ ધરી

ગુરુવારે સવારે ફરી એક વખત આવકવેરા વિભાગની ટીમ સર્વે માટે સોનુ સૂદના ઘરે પહોંચી હતી.

16 September, 2021 06:34 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK