° °

આજનું ઇ-પેપર
Monday, 06 December, 2021


આંદોલનમાં જે ખેડૂતોનાં મોત થયા તેમને પીએમ કેર ફંડમાંથી વળતર આપો : સંજય રાઉત

21 November, 2021 04:58 PM IST | Mumbai | Gujarati Mid-day Online Correspondent

મુંબઈમાં પત્રકારો સાથે વાત કરતા, રાઉતે દાવો કર્યો હતો કે દિલ્હી નજીક વિરોધ સ્થળ પર ઘણા ખેડૂતો મૃત્યુ પામ્યા હત.

ફાઇલ ફોટો

ફાઇલ ફોટો

શિવસેનાના સાંસદ સંજય રાઉતે દાવો કર્યો હતો કે ત્રણ વિવાદિત કૃષિ કાયદા સામે વર્ષભરના વિરોધ પ્રદર્શન દરમિયાન 700થી વધુ ખેડૂતોના મોત થયા હતા. સંજય રાઉતે માગ કરી હતી કે મૃતકના પરિજનોને પીએમ કેર ફંડમાંથી આર્થિક સહાય આપવામાં આવે. વડાપ્રધાન નરેન્દ્રએ બે દિવસ પહેલાં ત્રણેય કૃષિ કાયદાઓ રદ કરવાની જાહેરાત કરી હતી.

મુંબઈમાં પત્રકારો સાથે વાત કરતા, રાઉતે દાવો કર્યો હતો કે દિલ્હી નજીક વિરોધ સ્થળ પર ઘણા ખેડૂતો મૃત્યુ પામ્યા હતા, જ્યારે કેટલાકે આત્મહત્યા કરી હતી અને અન્ય પોલીસ ગોળીબારમાં માર્યા ગયા હતા. લખીમપુર ખેરીમાં કેટલાકને કચડી નાખવામાં આવ્યા હતા. તેમણે કહ્યું કે આ તમામ લોકો કૃષિ કાયદાનો વિરોધ કરી રહ્યા છે.

રાઉતે કહ્યું કે “સરકારને હવે તેની ભૂલનો અહેસાસ થયો છે અને તેણે કૃષિ કાયદાને પાછો ખેંચી લીધો છે. દેશના વિવિધ ભાગોમાંથી એવી માગણી ઊઠી છે કે જીવ ગુમાવનારા ખેડૂતોના પરિવારોને આર્થિક વળતર આપવામાં આવે.” રાઉતે કહ્યું કે “પીએમ કેર ફંડમાં બિનહિસાબી નાણાં પડ્યાં છે. આ નાણાંનો ઉપયોગ મૃતક ખેડૂતોના સંબંધીઓ માટે એક્સ-ગ્રેશિયા તરીકે થવો જોઈએ.”

વડાપ્રધાનના ભાષણનો ઉલ્લેખ કરતા તેમણે કહ્યું કે “માત્ર ખેડૂતોની માફી માગવી પૂરતી નથી. તેમના પરિવારોને ટેકો આપવો મહત્ત્વપૂર્ણ છે.” સર્જરી બાદ હોસ્પિટલમાં સ્વસ્થ થઈ રહેલા મહારાષ્ટ્રના મુખ્યમંત્રી ઉદ્ધવ ઠાકરેના સ્વાસ્થ્ય વિશે પૂછવામાં આવતા રાઉતે કહ્યું કે “ઠાકરેની તબિયતમાં સુધારો થઈ રહ્યો છે. મેં ગઈકાલે (શનિવારે) ઉદ્ધવજી સાથે વાત કરી હતી. અમને લાગે છે કે તેમણે સંપૂર્ણ સ્વસ્થ થવું જોઈએ અને પછી કામ પર પાછા ફરવું જોઈએ.”

21 November, 2021 04:58 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

Omicron: પુનામાં વધુ 7 લોકો ઓમિક્રોનથી સંક્રમિત, મહારાષ્ટ્રમાં 8 પર આંક પહોંચ્યો

મહારાષ્ટ્રમાં ઓમિક્રોનથી સંક્રમિત થનાર લોકોની સંખ્યા હવે 8 પર પહોંચી છે.  

05 December, 2021 07:34 IST | Mumbai | Gujarati Mid-day Online Correspondent
મુંબઈ સમાચાર

મહારાષ્ટ્ર સરકારે પરમબીર સિંહ પર સુપ્રીમ કોર્ટમાં કહ્યું કે તે વ્હિસલ બ્લોઅર નથી

સરકારે સિંહની અરજીને ફગાવી દેવાની માંગ કરી, કારણ કે સિંહે તેમની બદલી પછી ભૂતપૂર્વ ગૃહ પ્રધાન અનિલ દેશમુખ સામેના કથિત ભ્રષ્ટાચાર વિશે માહિતી આપી હતી.

05 December, 2021 06:24 IST | Mumbai | Gujarati Mid-day Online Correspondent
મુંબઈ સમાચાર

શિવસેના સાંસદ પ્રિયંકા ચતુર્વેદીને રાજ્યસભામાં નિલંબિત કરાયા તો ભર્યુ આવું પગલુ

ચતુર્વેદી સહિત રાજ્યસભાના 12 સભ્યોને હાલના સત્રના બાકીના સમયગાળા માટે અધ્યક્ષ દ્વારા બેકાબૂ વર્તનને કારણે સસ્પેન્ડ કરવામાં આવ્યા છે.

05 December, 2021 06:26 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK