° °

આજનું ઇ-પેપર
Wednesday, 01 December, 2021


ચંદીગઢમાં છે મુંબઈના ભૂતપૂર્વ પોલીસ કમિશનર પરમ બીર સિંહ: અહેવાલ

24 November, 2021 07:24 PM IST | Mumbai | Gujarati Mid-day Online Correspondent

મુંબઈ પોલીસે હાલમાં જ મુંબઈની એસ્પ્લેનેડ કોર્ટમાં પરમબીર સિંહને જાહેર ગુનેગાર જાહેર કરવા અરજી કરી હતી. જેને સ્વીકારીને કોર્ટે પરમબીર સિંહને ફરાર જાહેર કર્યો હતો.

ફાઇલ ફોટો

ફાઇલ ફોટો

મુંબઈના ભૂતપૂર્વ પોલીસ કમિશનર પરમબીર સિંહ ચંદીગઢમાં છે. તેણે પોતે સમાચાર ચેનલ એબીપી ન્યૂઝને આ માહિતી આપી હોવાનો અહેવાલ ચેનલે આપ્યો છે. એબીપી ન્યૂઝ સાથે વાત કરતાં તેણે કહ્યું કે “હું ચંદીગઢમાં છું અને કોર્ટના આદેશ અનુસાર આગળનાં પગલાં લઈશ.” અગાઉ મહારાષ્ટ્ર સરકારની માગ પર મુંબઈની એક કોર્ટે પરમબીર સિંહને ફરાર જાહેર કર્યો હતો.

મુંબઈ પોલીસે હાલમાં જ મુંબઈની એસ્પ્લેનેડ કોર્ટમાં પરમબીર સિંહને જાહેર ગુનેગાર જાહેર કરવા અરજી કરી હતી. જેને સ્વીકારીને કોર્ટે પરમબીર સિંહને ફરાર જાહેર કર્યો હતો. આ કેસની તપાસ કરી રહેલી મુંબઈ પોલીસની ક્રાઈમ બ્રાન્ચે ભારતીય પોલીસ સેવા (IPS) અધિકારી પરમબીર સિંહને “ફરાર જાહેર” કરવાની વિનંતી કરી હતી અને કહ્યું હતું કે તેની વિરુદ્ધ બિનજામીનપાત્ર વોરંટ જાહેર કરવામાં આવ્યો હતો. તે પછી પણ તે ભૂતપૂર્વ પોલીસ કમિશનરને શોધી શક્યા ન હતા.

રિકવરી કેસમાં પરમબીર સિંહ વિરુદ્ધ બિનજામીનપાત્ર વોરંટ જાહેર કરવામાં આવ્યું છે. તાજેતરમાં, તેણે સુપ્રીમ કોર્ટમાં અરજી કરી હતી અને કોર્ટ પાસે માગ કરી હતી કે તેમની સામે નોંધાયેલા તમામ કેસ રદ કરવામાં આવે અથવા સીબીઆઈને ટ્રાન્સફર કરવામાં આવે. આ માગ પર કોર્ટે નોટિસ જારી કરી અને તેની ધરપકડ પર પણ રોક લગાવી દીધી હતી. કોર્ટે પરમબીરને તપાસમાં સહકાર આપવા પણ જણાવ્યું છે.

18 નવેમ્બરે થયેલી સુનાવણીમાં સુપ્રીમ કોર્ટે પરમબીર સિંહની અરજી પર સુનાવણી કરવાનો ઈન્કાર કરી દીધો હતો. જસ્ટિસ સંજય કિશન કૌલ અને એમએમ સુંદરેશની બેન્ચે તેમના વકીલને પૂછ્યું હતું કે, “સૌથી પહેલા અમને જણાવો કે તે ક્યાં છે? શું તે દેશમાં છે કે તે ફરાર છે? આ માહિતી વિના આ મામલાની સુનાવણી થઈ શકે નહીં.”

ત્યારપછી જ્યારે 22 નવેમ્બરે આ મામલાની સુનાવણી શરૂ થઈ ત્યારે પૂર્વ પોલીસ કમિશનર તરફથી હાજર રહેલા વરિષ્ઠ વકીલ પુનીત બાલીએ ન્યાયાધીશોને કહ્યું કે “મેં તેમની સાથે અંગત રીતે વાત કરી છે. તે ભારતમાં છે, પરંતુ મહારાષ્ટ્રમાં પ્રવેશ કરતા તેમને જોખમ છે.” તેથી જ તેઓ દેખાતા નથી.

24 November, 2021 07:24 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

Omicron: હેં..! જોખમ વાળા દેશોમાંથી મહારાષ્ટ્ર આવેલા 6 યાત્રીઓ કોરોના પોઝિટિવ

કોરોનાથી સંક્રમિત 6 લોકોમાંથી ત્રણ લોકો મુંબઈના કલ્યાણ, ડોંબિવલી અને મીરા ભાયંદર વિસ્તારના હોવાનું જાણવા મળ્યું છે.

01 December, 2021 12:28 IST | mumbai | Gujarati Mid-day Online Correspondent
મુંબઈ સમાચાર

સિલિન્ડર બ્લાસ્ટમાં ચાર મહિનાના બાળક સહિત ચાર જણ દાઝી ગયા

સવારે ૭ વાગ્યે ગૅસનું સિલિન્ડર ફાટ્યું હતું ત્યારે બધા સૂતા હતા એટલે આગથી બચવા માટે તેઓ ઝડપથી ઘરની બહાર દોડી ન શકતાં સખત દાઝી ગયા હોવાનું જાણવા મળ્યું હતું. 

01 December, 2021 11:55 IST | Mumbai | Gujarati Mid-day Correspondent
મુંબઈ સમાચાર

મુંબઈમાં આજે ભારે વરસાદની આગાહી, હવામાન વિભાગે યલો એલર્ટ કર્યુ જાહેર

હવામાન વિભાગે મુંબઈ શહેરમાં આજે ભારે વરસાદ પડવાની આગાહી કરી છે.

01 December, 2021 11:38 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK