° °

આજનું ઇ-પેપર
Wednesday, 26 January, 2022


વિલે પાર્લેમાં ઑફિસમાં લાગેલી આગે ગુજરાતીના ફ્લૅટને પણ ચપેટમાં લીધો

11 January, 2022 11:29 AM IST | Mumbai | Gujarati Mid-day Correspondent

ફાયર-કન્ટ્રોલના જણાવ્યા અનુસાર પાંચ ફાયર-એન્જિન અને ૪ જમ્બો ટૅન્કર ઘટનાસ્થળે ધસી ગયાં હતાં

આગની તારાજી બાદ ઘરવખરી ભેગી કરી રહેલો ગુજરાતી પરિવાર

આગની તારાજી બાદ ઘરવખરી ભેગી કરી રહેલો ગુજરાતી પરિવાર

વિલે પાર્લે-ઈસ્ટમાં સ્ટેશનની સામે જ આવેલી માર્કેટના મોંઘીબાઈ રોડ પર આવેલા સાગર કૉમ્પ્લેક્સમાં આવેલી ઑનલાઇન માર્કેટિંગની ઑફિસમાં ગઈ કાલે સવારે ૯ વાગ્યે આગ ફાટી નીકળી હતી. તરત જ સોસાયટીની ઇલેક્ટ્રિક સપ્લાય સિસ્ટમ બંધ કરી દેવાઈ હતી અને ફાયર-બ્રિગેડ તથા વિલે પાર્લે પોલીસને જાણ કરાઈ હતી. 
થોડી જ વારમાં વિલે પાર્લે પોલીસ અને ફાયર-બ્રિગેડ ત્યાં પહોંચી ગઈ હતી. માર્કેટ વિસ્તાર હોવાને કારણે કેટલાક ફેરિયાઓએ ઑલરેડી ધંધો લગાવી દીધો હતો. જોકે જેવી આગની જાણ થઈ કે તરત જ તેમણે પણ પોતાનો પથારો સંકેલી લીધો હતો અને ફાયર-બ્રિગેડ માટે જગ્યા ખાલી કરી આપી હતી.
ફાયર-કન્ટ્રોલના જણાવ્યા અનુસાર પાંચ ફાયર-એન્જિન અને ૪ જમ્બો ટૅન્કર ઘટનાસ્થળે ધસી ગયાં હતાં. દોઢ કલાકની જહેમત બાદ આગ પર કાબૂ મેળવી લેવાયો હતો. 
જોકે આગની જ્વાળાઓની ચપેટમાં લક્ષ્મીલાલ જૈનની ઑનલાઇન માર્કેટિંગની ઑફિસ તો આવી જ હતી, પણ આગ ફેલાતાં બાજુનો ગાળો અને ઉપરના માળે રહેતા ગુજરાતી પરિવારનો ફ્લૅટ પણ એની ચપેટમાં આવી ગયો હતો અને તેમના ફ્લૅટને પણ નુકસાન થયું હતું. આગને કારણે થોડું અને ફાયર બ્રિગેડના પાણીના મારાને કારણે પણ થોડું ઘણું નુકસાન થયું હતું. સદ્ભાગ્યે આગમાં કોઈ જાનહાનિ કે કોઈના જખમી થવાના અહેવાલ નથી, પણ ઑફિસનો અને ઘરનો મળી લાખો રૂપિયાનો માલ બળીને ખાખ થઈ ગયો હતો. સવારે ૧૦.૩૫ વાગ્યે આગ પર કાબૂ મેળવી ફાયર-બ્રિગેડે ઑપરેશન આટોપી લીધું હતું.   

11 January, 2022 11:29 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

સિનિયર સિટિઝનની બનાવટી સહી કરીને જમીન પડાવી લેવાના આરોપસર પોલીસમાં થઈ ફરિયાદ

સિનિયર સિટિઝન ફરિયાદી જેરોમ ડિસોઝાએ પહેલાં ઍરપોર્ટ પોલીસનો સંપર્ક કર્યો હતો અને ત્યાર બાદ મૅજિસ્ટ્રેટ કોર્ટમાં ફરિયાદ કરી હતી

19 January, 2022 09:53 IST | Mumbai | Gujarati Mid-day Correspondent
મુંબઈ સમાચાર

Mumbai News:વિલે પાર્લેમાં ત્રણ માળની ઈમારતમાં લાગી આગ, કોઈ જાનહાની નહીં

આ ઘટના અંગે ફાયર બ્રિગેડને જાણ કરતાં 20 ફાયર બ્રિગેડની ગાડી ઘટનાસ્થળે પહોંચી ગઈ છે.

19 November, 2021 01:42 IST | mumbai | Gujarati Mid-day Online Correspondent
મુંબઈ સમાચાર

Maharashtra: બાઇક પર સવાર દંપતીને ટક્કર મારી છૂ થઈ ગયેલ પોલીસકર્મીની ધરપકડ

પોલીસ અધિકારીની ઓળખ સુહાસ એચ ખરમાટે તરીકે થઈ છે.

07 November, 2021 12:33 IST | Mumbai | Shirish Vaktania

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK