° °

આજનું ઇ-પેપર
Wednesday, 12 May, 2021


લૉકડાઉનના ભય વચ્ચે ખરીદી માટે થઈ પડાપડી

13 April, 2021 02:04 PM IST | Mumbai | Priti Khuman Thakur

કરિયાણું, શાકભાજી અતિઆવશ્યક સેવામાં હોવા છતાં વીક-એન્ડ લૉકડાઉન સોમવારે પૂરું થતાં જ લોકો સંપૂર્ણ સેકન્ડ લૉકડાઉનના ડરે ઘરમાં જોઈતી વસ્તુઓનો સ્ટૉક કરવા નીકળી પડ્યા

વિરારની ભાજી માર્કેટની બહાર ટૂ-વ્હીલર પાર્ક કરીને લોકો અંદર ખરીદી કરવા ગયા હતા એથી લોકો કેટલી મોટી સંખ્યામાં ઊમટ્યા હશે એ સમજી શકાય છે

વિરારની ભાજી માર્કેટની બહાર ટૂ-વ્હીલર પાર્ક કરીને લોકો અંદર ખરીદી કરવા ગયા હતા એથી લોકો કેટલી મોટી સંખ્યામાં ઊમટ્યા હશે એ સમજી શકાય છે

એક-બે દિવસમાં સંપૂર્ણ મહારાષ્ટ્રમાં લૉકડાઉન જાહેર થવાનું છે એટલે બધું ખરીદી લો. આવા શબ્દો ગઈ કાલે મુંબઈ, કલ્યાણ-ડોમ્બિવલી સહિત વસઈ-વિરારમાં મોટી સંખ્યામાં લોકોના મોઢેથી સાંભળવા મળ્યા હતા. વીક-એન્ડ લૉકડાઉન જેમ સોમવારે સવારે પૂરું થયું કે ગઈ કાલે સવારના માર્કેટ પરિસર ગ્રાહકોથી ધમધમતો દેખાઈ આવ્યો હતો. ફક્ત શાકભાજીવાળા પાસે જ નહીં પણ કરિયાણાની નાની-મોટી દુકાનમાં પણ અનાજ-કઠોળ ભરવા માટે લોકોની લાઈન જોવા મળી હતી. જોકે નવાઈની વાત એ છે કે શાકભાજી, કરિયાણા સહિતની આઇટમો જીવનજરૂરિયાતની હોવાથી લૉકડાઉન દરમ્યાન પણ મળે એમ હોવા છતાં લોકોએ એ લેવા માટે પડાપડી કરી હતી.

માર્કેટમાં શાકભાજી એક નહીં પણ અનેક થેલીઓ ભરીને લઈ જતાં વિરારનાં રહેવાસી જાગૃતિ મહેતાએ જણાવ્યું કે ‘કોરોનાની સંખ્યાને જોતાં અમને ધ્યાન જ છે કે લૉકડાઉન એક-બે દિવસમાં જાહેર થશે. લૉકડાઉન વિશે પહેલાનો અનુભવ અમારા માટે કાફી છે, લૉકડાઉનને કારણે ઘરની બહાર નીકળતા પણ ડર લાગે છે. લૉકડાઉનમાં પોલીસ દંડ કરશે કે મારે તો એના ભયથી ઘરમાં ભરીને રાખવું સારું કહેવાય. ઘરે ફ્રીજમાં શાકભાજીઓ કાગળમાં નાખીને મૂકી દેશું તો સારું રહેશે.’

ઓપેરા હાઉસમાં રહેતાં જિજ્ઞાબહેન શાહે ‘મિડ-ડે’ને કહ્યું હતું કે ‘લૉકડાઉન થાય એ પહેલાં બધું ઘરમાં ભરી લઈએ તો સારું પડે, કારણ કે અમારા ઘરે બાળકો છે. આપણે એક વખત ચલાવી લઈએ પણ બાળકોને ન ચાલે. અમે પણ ખરીદી કરવા ગયાં હતાં પરંતુ ભીડ જોતાં ડર લાગી ગયો હતો. લોકો ચાર-ચાર થેલી ભરીને શાકભાજી ખરીદી રહ્યા હતા. શાકભાજીવાળા, ફળવાળાઓએ પણ ભાવ વધારી દીધા હતા. જ્યાં ૨૦ રૂપિયા કે ૨૫ રૂપિયા પા કિલો શાક મળતું ત્યાં ૩૦ રૂપિયા ભાવ થઈ ગયો હતો.’

Market

ભાઈંદરમાં રહેતાં રુચિતા શાહે ‘મિડ-ડે’ને કહ્યું કે ‘પહેલાં તો કરિયાણાની દુકાનમાં સામાન લખાવી દેતાં તો એ આવી જતો હતો, પરંતુ હવે ત્યાં એટલી ભીડ થઈ જાય છે કે તેઓ ડિલિવરી કરવા આવી શકતા નથી. લૉકડાઉન થાય કે કોરોનાની સંખ્યા વધવા જેવી પરિસ્થિતિ ઊભી થાય તો રિસ્ક લઈને કોણ નીચે ઊતરીને દુકાને જાય. અમે તો ઘરમાં બનતી વસ્તુઓ જ ખાઈએ છીએ એટલે બધું ભરીને જ રાખ્યું છે.’

ભાઈંદર-વેસ્ટમાં ભાજી ગલીમાં સાડીની દુકાન ધરાવતા એક દુકાનદારે કહ્યું કે ‘મારી દુકાન ભાજી માર્કેટમાં છે અને મારા મિત્રનો ફોન આવ્યો હતો કે તેની દુકાનની આખી ગલીમાં ખૂબ ભીડ છે. એથી તપાસ કરી તો ખબર પડી કે જાણે મેળો લાગ્યો હોય એમ લોકો રસ્તા પર ઊતરી પડ્યા હતા. જાણે પછી કંઈ મળવાનું જ નથી એમ ખરીદી કરવા લાગ્યા હતા.’

13 April, 2021 02:04 PM IST | Mumbai | Priti Khuman Thakur

અન્ય લેખો

મુંબઈ સમાચાર

હાશ! પૅનિક ઘટશે

૧૮થી ૪૪ વયજૂથનાઓને વૅક્સિનેશન આપવાનું હાલ મોકૂફ રાખવાના મહારાષ્ટ્ર સરકારના નિર્ણયની આ છે પૉઝિટિવ સાઇડ ઇફેક્ટ

12 May, 2021 07:30 IST | Mumbai | Somita Pal
મુંબઈ સમાચાર

આને કહેવાય ખરી હિંમત : હૉસ્પિટલોએ ના પાડી તો ઘરે 99 વર્ષનાં બાને સાજાં કર્યાં

ઘાટકોપરનાં નીલમ ભટ્ટને ૯૯ વર્ષનાં કોરોનાગ્રસ્ત સાસુને હૉસ્પિટલ એકલાં મૂકવા નહોતાં અને હૉસ્પિટલ તેમને સાથે રાખવા તૈયાર નહોતી. અધૂરા પૂરું દીકરાને પણ કોરોના થયો. નીલમબહેને હિંમત હાર્યા વિના બંનેની સારવાર ઘરે જ કરાવી અને આજે બંને કોરોના-મુક્ત છે

12 May, 2021 07:05 IST | Mumbai | Rohit Parikh
મુંબઈ સમાચાર

45 પ્લસમાંના 50 ટકાનો વીકમાં ડ્યુ સેકન્ડ ડોઝ તેમને મળશે ખરો?

શહેરમાં રસીની તીવ્ર અછત સર્જાતાં ઉદ્ભવેલી સમસ્યાઓનો કોઈ ઉકેલ દેખાઈ રહ્યો નથી એમાં નાગરિકો સામે હવે નવો પડકાર ઊભો થયો છે.

12 May, 2021 07:07 IST | Mumbai | Prajakta Kasale

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK