° °

આજનું ઇ-પેપર
Sunday, 29 January, 2023


કન્યાદાન પહેલાં આપ્યું જીવનદાન

23 January, 2023 07:19 AM IST | Mumbai
Priti Khuman Thakur | priti.khuman@mid-day.com

૫૩ વર્ષના પિતાએ પોતાની કિડની આપીને બન્ને કિડની ગુમાવી ચૂકેલી દીકરીને નવું જીવન આપ્યું

પિતાએ પોતાની કિડની આપીને દીકરીને નવું જીવન આપ્યું હતું

પિતાએ પોતાની કિડની આપીને દીકરીને નવું જીવન આપ્યું હતું

મુંબઈ : મીરા-ભાઈંદર મ્યુનિસિપલ કૉર્પોરેશનમાં સિપાઈ તરીકે કામ કરતા વિનાયક પાટીલે તેમની ૨૦ વર્ષની દીકરીની ગંભીર બીમારીને કારણે બન્ને કિડની ફેલ થઈ જતાં પોતાની એક કિડની આપીને નવું જીવન આપ્યું છે.

૫૩ વર્ષના વિનાયક પાટીલની દીકરી શ્રદ્ધા છેલ્લા કેટલાક મહિનાથી ગંભીર બીમારીનો સામનો કરી રહી હતી. ડૉક્ટરે નિદાન કર્યું કે આ બીમારીને કારણે તેની બન્ને કિડની ફેલ થઈ ગઈ છે. આ જાણ થતાં પાટીલ પરિવાર પર દુઃખનો ડુંગર તૂટી પડ્યો હતો. કોઈ પણ રીતે શ્રદ્ધાને બચાવવા માટે પિતા તૈયાર હતા. તેનો જીવ બચાવવા માટે ઓછામાં ઓછી એક કિડનીની જરૂર હતી. એટલે પિતાએ દીકરીને પોતાની કિડની આપવાનો નિર્ણય લીધો હતો.

વિરાર-ઈસ્ટના નારંગી વિસ્તારમાં રહેતા વિનાયક પાટીલની દીકરી શ્રદ્ધા ૧૪મા ધોરણમાં અભ્યાસ કરે છે અને એક દીકરો છે. સિપાઈની નોકરીમાં મળતા ઓછા પગારને કારણે તેમની આર્થિક સ્થિતિ નબળી હોવા છતાં વિનાયકે ડૉક્ટરની સલાહથી મુંબઈની નાણાવટી હૉસ્પિટલમાં દાખલ થઈને કિડનીની ટ્રાન્સપ્લાન્ટ સર્જરી કરાવી હતી અને દીકરીને જીવનદાન આપ્યું હતું. આ સર્જરી સફળ રહી છે અને બન્નેની હાલત સ્થિર છે. આર્થિક તનાવ સામે ઝઝૂમી રહ્યા હોવા છતાં વિનાયક પાટીલના ચહેરા પર ખુશી છલકાઈ રહી છે. ખૂબ ભાવુક થઈને તેમણે કહ્યું હતું કે ‘મારી દીકરીનાં લગ્ન સારા પરિવારમાં થાય અને તે ખુશ રહે એ ખુશી સામે મારો દુખાવો કંઈ મોટો નથી.’

23 January, 2023 07:19 AM IST | Mumbai | Priti Khuman Thakur

અન્ય લેખો

મુંબઈ સમાચાર

સપના મેરા ટૂટ ગયા

મૉડલ બનવા હરિયાણાથી ઘર છોડીને મુંબઈ આવેલી મહિલા ડૉક્ટર રસ્તા પર બેઘર હાલતમાં મળી : ડિપ્રેશનમાં સરી પડેલી આ યુવતીને સામાજિક સંસ્થાએ સારવાર આપી અને તેના પરિવારને શોધીને તેની મુલાકાત કરાવી આપી

26 January, 2023 12:45 IST | Mumbai | Priti Khuman Thakur
મુંબઈ સમાચાર

મર્યા પછી પણ શાંતિ નહીં

ખાલિંગખુર્દ ગામમાં રસ્તો ન હોવાથી સ્મશાનયાત્રા સાંકડા રસ્તા પરથી અને ૧૦ ફુટ ઊંચી પાઇપલાઇન પરથી લઈ જવી પડે છે : અહીંથી પસાર થતી વખતે મૃતદેહ ખભા પર નહીં, પણ હાથમાં પકડીને લઈ જવા લોકો બને છે મજબૂર

26 January, 2023 10:48 IST | Mumbai | Priti Khuman Thakur
મુંબઈ સમાચાર

અમે ગુજરાતી છીએ, મોદી અમારા ભાઈ છે : તેમની કાર પણ જોઈશું તો અમારું જીવન ધન્ય થશે

ગઈ કાલે વડા પ્રધાનની એક ઝલક જોવા માટે મોટી સંખ્યામાં લોકો આવું પોલીસને કહેતા હતા : કાંદિવલીના ૬૫ વર્ષના કાકા વિડિયોગ્રાફી કરવા માટે બપોરથી ગુંદવલી સ્ટેશનથી ખસ્યા નહોતા

20 January, 2023 11:31 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK