આજે ૨૦ જાન્યુઆરીથી એનું બુકિંગ આઇઆરસીટીસીની વેબસાઇટ પર અને પીઆરએસ કાઉન્ટર પર ખૂલશે
દુરૉન્તો એક્સપ્રેસ
વેસ્ટર્ન રેલવેએ યાત્રીઓની સુવિધા માટે મુંબઈ સેન્ટ્રલ – ન્યુ દિલ્હી દુરૉન્તો એક્સપ્રેસ ટ્રેન-નંબર ૨૨૨૦૯/૨૨૨૧૦માં વધુ એક સીટિંગ કોચ જોડ્યો છે. આજે ૨૦ જાન્યુઆરીથી એનું બુકિંગ આઇઆરસીટીસીની વેબસાઇટ પર અને પીઆરએસ કાઉન્ટર પર ખૂલશે. વેસ્ટર્ન રેલવેના ચીફ પીઆરઓ સુમિત ઠાકુરે આ વિશે કહ્યું હતું કે દુરૉન્તો એક્સપ્રેસમાં જોડાનારા આ કોચમાં કેટરિંગ સર્વિસ ઑફર નહીં થાય. દુરૉન્તો એક્સપ્રેસમાં માત્ર કન્ફર્મ ટિકિટ ધરાવતા પ્રવાસીઓને જ પ્રવાસ કરવા મળે છે. જે પ્રવાસીઓને આ વિશે વધુ માહિતી જોઈતી હોય તેઓ રેલવેની વેબસાઇટ www.enquiry.indianrail.gov.in પરથી એ મેળવી શકે છે.