° °

આજનું ઇ-પેપર
Friday, 16 April, 2021

ફ્લિપકાર્ટના ભેજાબાજ કર્મચારીએ કરી કંપની સાથે જ ગજબની છેતરપિંડી

28 February, 2021 09:41 AM IST | Mumbai | Gujarati Mid-day Correspondent

ફ્લિપકાર્ટના ભેજાબાજ કર્મચારીએ કરી કંપની સાથે જ ગજબની છેતરપિંડી

ફ્લિપકાર્ટના ભેજાબાજ કર્મચારીએ કરી કંપની સાથે જ ગજબની છેતરપિંડી

નવી મુંબઈની કોપરખૈરણે પોલીસે ઈ-કૉમર્સ કંપની ફ્લિપકાર્ટના ભેજાબાજ કર્મચારીને લાખો રૂપિયાની છેતરપિંડી કરવાના આરોપસર તેના બે સાગરીતો સાથે ઝડપી લીધો છે. તેની પાસેથી તફડંચી કરીને મેળવેલા જાણીતી કંપનીઓના ૮ લાખ રૂપિયા કરતાં વધુના મોબાઇલ ફોન અને અન્ય વસ્તુઓ જપ્ત કરવામાં આવ્યાં હતાં. નવાઈની વાત એ છે કે કંપનીને તેની સાથે આવી છેતરપિંડી થઈ છે એ વાતની જાણ જ નહોતી. કોપરખૈરણે પોલીસે જ્યારે એ કહ્યું ત્યાર બાદ તેમને એ વિશે જાણ થઈ હતી. 

ઑનલાઇન ગુડ્સ વેચતી કંપની ફ્લિપકાર્ટ સાથે કરવામાં આવેલી છેતરપિંડીના કેસ વિશે માહિતી આપતાં કોપરખૈરણે પોલીસ-સ્ટેશનના સિનિયર પીઆઇ પ્રદીપ તિડરે ‘મિડ-ડે’ને કહ્યું હતું કે ‘અમને ખબરી મારફત માહિતી મળી હતી કે ઘણસોલીના સેક્ટર-૧માં રહેતા વાજિદ શકીલ મોમિન પાસે અલગ-અલગ કંપનીના મોંઘા મોબાઇલ ફોન જોવા મળ્યા છે. એથી તેને તાબામાં લઈને તપાસ કરતાં તેની પાસેથી એક સૅમસંગ કંપનીનો ફોન અને એક આઇફોન-૧૧ મળી આવ્યા હતા. તેને જ્યારે આ ફોનનાં બિલ પ્રોડ્યુસ કરવા કહ્યું ત્યારે તે ગલ્લાંતલ્લાં કરવા માંડ્યો હતો અને આખરે ગુનો કબૂલી લીધો હતો. વાજિદ ફ્લિપકાર્ટમાં ઑફલોડ ટીમ-લીડર તરીકે કામ કરતો હતો. તે ખોટા ઍડ્રેસ પર વસ્તુઓ મગાવતો. એ ઍડ્રેસ જ્યારે ન મળ‍તું ત્યારે ડિલિવરી બૉય એ વસ્તુ પાછી લાવતો અને એને રિટર્ન ગુડ તરીકે જમા કરાવતો. પહેલાં એ પાર્સલ વાજિદ પોતાના ઘરે લઈ જતો. ત્યાર બાદ એમાંની ચીજો કાઢી લેતો અને એના જેટલા જ વજનનો સાબુ કે અન્ય ચીજ ગોઠવી દેતો. ત્યાર બાદ એ પાર્સલ ફરી કંપનીમાં ચાલ્યું જતું.’

કંપનીમાં રોજનાં લાખો પાર્સલની હેરફેર થતી એટલે આ બાબતે કોઈ ખાસ ધ્યાન આપતું નહીં એમ જણાવીને સિનિયર પીઆઇ પ્રદીપ તિડરે વધુમાં કહ્યું હતું કે ‘અમે જ કંપનીને એ વિશે જાણ કરી હતી. અમે વાજિદની અને તેને આ છેતરપિંડી કરવામાં મદદ કરનાર તેના બે સાગરીત સંઘપાલ મોરે અને જયંત ઉગલેની પણ ધરપકડ કરી છે. અમે ગુનો નોંધીને તેમની પાસેથી ૬ આઇફોન, ૩ રિયલ મીના મોબાઇલ ફોન, ૫ સૅમસંગ ફોન, ૩ વિવો, ૧ ટેક્નો, ૧ ઓપ્પોનો મોબાઇલ ફોન, ઍપલ અને લેનોવો કંપનીનાં ૧-૧ આઇપૅડ, ફોસિલ કંપનીની ૧ રિસ્ટવૉચ, એક અનેય રિસ્ટવૉચ, એક નિકોન કૅમેરા, એક સોની કૅમેરા, બે ટ્રાવેલિંગ બૅગ એમ કુલ મળીને ૮.૨૪ લાખ રૂપિયાનો માલ જપ્ત કર્યો હતો. આ છેતરપિંડી વિશે અમે ત્યાર બાદ ફ્લિપકાર્ટ કંપનીના ટીમ-લીડર પ્રદીપ ઉપાધ્યાયને જાણ કરી હતી. આરોપીઓને કોર્ટમાં હાજર કરતાં કોર્ટે તેમને આજ સુધીની પોલીસ-કસ્ટડી આપી હતી.’

28 February, 2021 09:41 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

કોરોનાનો ખોટો નેગેટિવ રિપોર્ટ બનાવવાના આરોપસર લૅબના ટેક્નિશ્યનની થઈ ધરપકડ

લોકો પાસેથી રિપોર્ટદીઠ ૧૦૦૦ રૂપિયા લઈને કોઈ પણ જાતની ટેસ્ટ વિના મોબાઇલ પર મોકલી આપતો

16 April, 2021 12:50 IST | Mumbai | Gujarati Mid-day Correspondent
મુંબઈ સમાચાર

પોલીસ સાથે ગેરવર્તન કરવાના અને અપશબ્દ બોલવાના આરોપસર મુલુંડના વેપારીની ધરપકડ

પોતાની ફરજ બજાવી રહેલા ટ્રાફિક પોલીસના અધિકારીઓ સાથે ગેરવર્તન કરવા બદલ મુલુંડ પોલીસે એક વેપારીની ધરપકડ કરી છે.

16 April, 2021 12:30 IST | Mumbai | Mehul Jethva
મુંબઈ સમાચાર

મુંબઈ: બ્રેક ધ ચેઇન ઇફેક્ટ : રસ્તાઓ પર બહુ જ પાંખી અવરજવર

કોરોનાને રોકવા સરકાર દ્વારા કડક પ્રતિબંધ લગાડવામાં આવ્યા હોવાથી ફરી એક વાર મુંબઈગરાનું જીવન સ્થગિત થઈ ગયું છે અને એ દેખાઈ રહ્યું છે. ટ્રેનોમાં માત્ર અત્યાવશ્યક સેવા, સરકારી કર્મચારીઓ અને બહુ જ જરૂરી કામ હોય તો જ લોકો પ્રવાસ કરે છે. રસ્તાઓ પણ ખાલીખમ

16 April, 2021 12:33 IST | Mumbai | Bakulesh Trivedi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK