° °

આજનું ઇ-પેપર
Saturday, 13 August, 2022


બગાસું ખાતાં પતાસું મળ્યું

01 July, 2022 11:30 AM IST | Mumbai
Gujarati Mid-day Correspondent | feedbackgmd@mid-day.com

શરદ પવારે કહ્યું કે શિંદેએ પણ નહીં વિચાર્યું હોય કે તેમને સીએમનું પદ મળશે

ફાઇલ તસવીર

ફાઇલ તસવીર

રાજ્યના મુખ્ય પ્રધાનપદે એકનાથ શિંદેએ અને નાયબ મુખ્ય પ્રધાનપદે દેવેન્દ્ર ફડણવીસે સોગંદ લીધા બાદ એનસીપીના વડા શરદ પવારે પ્રેસ કૉન્ફરન્સ લીધી હતી. શરદ પવારે પત્રકારોને સંબોધતાં કહ્યું હતું કે ‘શિવસેનાના જે વિધાનસભ્યો ગુવાહાટી ગયા હતા તેમની માગણી નેતૃત્વ બદલવાની હતી. એટલું જ નહીં, તેમના નેતા એકનાથ શિંદેએ પણ ડેપ્યુટી સીએમ કરતાં વધુ ઊંચું પદ તેમને મળે એવી ધારણા રાખી હોય એવું મને લાગતું નથી. એકનાથ શિંદેને સીએમ બનાવાશે એવી કલ્પના કદાચ તેમને પણ નહીં હોય.

શરદ પવારે વધુમાં કહ્યું હતું કે ‘એક વાર પાંચ વર્ષ સુધી મુખ્ય પ્રધાનપદે રહ્યા બાદ દેવેન્દ્ર ફડણવીસે નાયબ મુખ્ય પ્રધાન તરીકે સોગંદ લેવા પડ્યા. તેમણે પાર્ટીના અધ્યક્ષે આપેલા આદેશોનું પાલન કર્યું હતું. એક વાર આદેશ આવે એટલે પાળવો જ પડે એ દેવેન્દ્ર ફડણવીસે કરી બતાવ્યું. આરએસએસના સંસ્કારોને કારણે તેમણે આ પદભાર સ્વીકાર્યો છે. જોકે એ વખતે તેમના ચહેરા પર ખુશીનો અભાવ હતો. એક વાર મુખ્ય પ્રધાનનો પદભાર સ્વીકાર્યા પછી એ જ રાજ્યની બીજી વખતની સરકારમાં એનાથી ઓછો હોદ્દો સ્વીકારાયો હોય એવું આ પહેલાં પણ બન્યું છે. શંકારરાવ ચવાણ અને અન્યો સાથે આવું બન્યું છે. એથી દેવેન્દ્ર ફડણવીસને ડેપ્યુટી સીએમ બનાવાયા એમાં મને કોઈ આશ્ચર્ય થયું નથી. મેં એકનાથ શિંદેને શુભેચ્છાઓ આપી છે. મને આશા છે કે રાજ્યની જનતાની સમસ્યાઓનો તેઓ ઉકેલ લાવશે.’

01 July, 2022 11:30 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

શિંદે સરકાર છ મહિનામાં જ પડી જવાની શરદ પવારની ભવિષ્યવાણી

એકનાથ શિંદે જૂથમાં અનેક અસંતુષ્ટ વિધાનસભ્યો છે

04 July, 2022 11:15 IST | Mumbai | Gujarati Mid-day Correspondent
મુંબઈ સમાચાર

`શિંદેએ મને કહ્યું હોત તો મેં ઉદ્ધવજી સાથે વાત કરીને મુખ્યપ્રધાન બનાવ્યા હોત`

મને મૂળ ભાજપ માટે ખરાબ લાગે છે: અજિત પવાર

03 July, 2022 02:25 IST | Mumbai | Gujarati Mid-day Online Correspondent
મુંબઈ સમાચાર

અજિત પવાર કોરોના પૉઝિટિવ થવાથી હોમ ક્વૉરન્ટીન થયા

તેમના ઘરમાં બેસવાથી મહાવિકાસ આઘાડી સરકારને ફટકો પડી શકે : ભુજબળને પણ કોરોનાનું સંક્રમણ

28 June, 2022 01:37 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK