° °

આજનું ઇ-પેપર
Monday, 17 January, 2022


ખંડણીના કેસમાં જૅકલિન ફર્નાન્ડિસની મુંબઈ ઍરપોર્ટ પર કરવામાં આવી અટક

06 December, 2021 10:49 AM IST | Mumbai | Gujarati Mid-day Correspondent

તેની સામે ૨૦૦ કરોડના ખંડણીના કેસની તપાસમાં લુકઆઉટ નોટિસ જાહેર કરાઈ હતી

જૅકલિન ફર્નાન્ડિસ

જૅકલિન ફર્નાન્ડિસ

બૉલીવુડની અભિનેત્રી જૅકલિન ફર્નાન્ડિસને ગઈ કાલે મુંબઈ ઍરપોર્ટ પર ઇમિગ્રેશનના અધિકારીઓએ દુબઈ એક શૉમાં જતાં અટકાવીને ડિટેન કરી હોવાનું જાણવા મળ્યું હતું. કૉનમૅન સુકેશ ચંદ્રશેખરને સાંકળતા ૨૦૦ કરોડના ખંડણી કેસની તપાસ એન્ફોર્સમેન્ટ ડિરેક્ટરેટ (ઈડી) કરી રહી છે અને એમાં આ ઍક્ટ્રેસ સામે લુકઆઉટ નોટિસ જાહેર કરવામાં આવી હોવાથી તેની સામે આ કાર્યવાહી કરવામાં આવી હોવાનું કહેવાય છે.
સૂત્રોના જણાવ્યા મુજબ જૅકલિન ગઈ કાલે મુંબઈ ઍરપોર્ટ પર વિદેશ જવા માટે ફ્લાઇટની પ્રોસેસમાં હતી ત્યારે ઇમિગ્રેશનના અધિકારીઓએ તેની સામે લુકઆઉટ નોટિસ હોવાનું કહીને તેને અટકાવી હતી. થોડા સમય પહેલાં જૅકલિનની ઈડીએ પૂછપરછ કરવાની સાથે તેનું નિવેદન નોંધ્યું હતું. આ સિવાય તાજેતરમાં ઈડીએ સુકેશ ચંદ્રશેખર સામે ચાર્જશીટ દાખલ કરી હતી એમાં જૅકલિન ફર્નાન્ડિસનું નામ હતું. જાણવા મળ્યું હતું કે આરોપી સુકેશ જ્યારે જેલમાં હતો ત્યારે તેણે જૅકલિનને ૧૦ કરોડ રૂપિયાની‌ ગિફ્ટ મોકલી હતી અને તે જામીન પર હતો ત્યારે તેણે મુંબઈથી ચેન્નઈ જવા ચાર્ટર ફ્લાઇટ જૅકલિન માટે બુક કરાવી હતી. ઈડીને શંકા છે કે આરોપી સુકેશે એક બિઝનેસમૅનની પત્ની પાસેથી મોટી ખંડણી લીધી હતી જે તેણે જૅકલિનને ડાઇવર્ટ કરી હતી. જોકે તપાસમાં જૅ‌કલિને કહ્યું હતું કે તે પીડિત છે અને તપાસમાં પૂરતો સહયોગ કરશે.
ઉલ્લેખનીય છે કે આરોપી સુકેશ ચંદ્રશેખર તિહાર જેલમાં હતો ત્યારે તેણે એક બિઝનેસમૅનની પત્ની પાસેથી ૨૦૦ કરોડ રૂપિયાની કથિત ખંડણી લીધી હતી. ઉચ્ચ અધિકારી હોવાનું કહીને પતિ સામે નોંધાયેલા લિગલ કેસમાં મદદ કરવાના નામે એક વર્ષમાં આ રૂપિયા વસૂલ્યા હોવાનો આરોપ છે.

06 December, 2021 10:49 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Mumbai Airport: જ્યારે એક પુશબૅક ટ્રકમાં લાગી ગઇ આગ

એર ઈન્ડિયાની આ ફ્લાઈટ મુંબઈથી જામનગર જઈ રહી હતી. છત્રપતિ શિવાજી મહારાજ ઇન્ટરનેશનલ એરપોર્ટના એક અધિકારીએ આ માહિતી આપી હતી.

10 January, 2022 09:48 IST | Mumbai | Gujarati Mid-day Online Correspondent
મુંબઈ સમાચાર

Mumbai:એરપોર્ટ પર તમામ આંતરરાષ્ટ્રીય મુસાફરો માટે RT-PCR ટેસ્ટ ફરજિયાત, જાણો વધુ

મુંબઈ મ્યુનિસિપલ કોર્પોરેશન (BMC) એ મુંબઈ ઈન્ટરનેશનલ એરપોર્ટ પર આવતા તમામ આંતરરાષ્ટ્રીય મુસાફરો માટે રેપિડ RT-PCR ટેસ્ટ ફરજિયાત બનાવ્યો છે. આ માહિતી સુધારેલી માર્ગદર્શિકામાંથી પ્રાપ્ત થઈ છે.

05 January, 2022 12:20 IST | Mumbai | Gujarati Mid-day Online Correspondent
મુંબઈ સમાચાર

18 મહિલાઓ આવી રીતે છુપાવીને લઈ જતી હતી 1.55 કરોડનું સોનુ, કસ્ટમવાળાએ પકડી પાડી

મુંબઇ કસ્ટમ્સની એર ઇન્ટેલિજેન્સ યૂનિટે કેન્યાની 18 મહિલાઓને છત્રપતિ શિવાજી મહારાજ ઇન્ટરનેશનલ ઍરપૉર્ટ પર અટકાવવામાં આવી. આ મહિલાઓ પાસે 3.85 કિલો સોનું હતું, જેનું મૂલ્ય લગભગ 1.55 કરોડ રૂપિયા જણાવવામાં આવ્યું.

21 December, 2021 02:41 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK