° °

આજનું ઇ-પેપર
Thursday, 13 May, 2021


મુંબઈમાં ૫૦ રૂપિયામાં વેચાય છે ૧૦૦ રૂપિયાની નકલી નોટ

12 October, 2012 05:30 AM IST |

મુંબઈમાં ૫૦ રૂપિયામાં વેચાય છે ૧૦૦ રૂપિયાની નકલી નોટ

મુંબઈમાં ૫૦ રૂપિયામાં વેચાય છે ૧૦૦ રૂપિયાની નકલી નોટ



વિનય દળવી

મુંબઈ, તા. ૬

મુંબઈ પોલીસના ઍન્ટિ-નાર્કોટિક્સ સેલે બુધવારે માહિમ અને વિરારમાંથી ૩ યુવકોની ધરપકડ કરીને બનાવટી ચલણી નોટોના ગોરખધંધાના મોટા ઇન્ટર સ્ટેટ રૅકેટનો પર્દાફાશ કર્યો હતો. ગુજરાતમાં ડિસેમ્બર મહિનામાં ઇલેક્શન છે એને પગલે મોટા પ્રમાણમાં બનાવટી નોટો ગુજરાતમાં વપરાશે અને એથી બંગલા દેશથી આવતી આવી બનાવટી નોટો આસાનીથી ગુજરાતમાં ઘુસાડવામાં આવી રહી છે. આવી નોટો પહેલાં ગુજરાતથી મુંબઈ આવતી હતી, પણ હાલમાં એ મુંબઈથી ગુજરાત લઈ જવામાં આવી રહી છે.

પોલીસે માહિમથી એક અને વિરારથી બે જણની ધરપકડ કરીને ૫૦,૦૦૦ રૂપિયાની કિંમતનું ૫૦૦ ગ્રામ ચરસ અને ૩,૫૦,૦૦૦ રૂપિયાની બનાવટી ચલણી નોટો જપ્ત કરી હતી. આ આરોપીઓની પૂછપરછમાં આ રૅકેટનો પર્દાફાશ થયો હતો.

ઍન્ટિ-નાર્કોટિક્સ સેલના વરલી યુનિટના પોલીસ-ઇન્સ્પેક્ટર રાજેન્દ્ર સાંગલેએ કહ્યું હતું કે ‘આરોપીઓએ અમને કહ્યું હતું કે હાલમાં ગુજરાતમાં બનાવટી નોટોની અછત છે. ૧૩ અને ૧૭ ડિસેમ્બરે ઇલેક્શન છે અને એમાં વધુ બનાવટી નોટોની ડિમાન્ડ છે એથી બધી બનાવટી નોટોને ગુજરાત લઈ જવામાં આવી રહી છે. બંગલા દેશની સરહદથી આ નોટો ભારતમાં ઘુસાડવામાં આવે છે. આ ગોરખધંધો પાકિસ્તાન અને દુબઈથી વાયા બંગલા દેશ ચલાવવામાં આવે છે.’

આ અગાઉ પણ એક અઠવાડિયા પહેલાં શહેરમાં બનાવટી ચલણી નોટોના ગુજરાતને સંડોવતા એક કેસનો પર્દાફાશ થયો હતો. બનાવટી નોટો વેચવાનું રૅકેટ ચલાવતા એક આરોપીની ધરપકડ કરવામાં આવતાં તેણે કહ્યું હતું કે મેં માટુંગામાં એક વ્યક્તિને નોટો વેચી છે. આ માહિતીના આધારે જામનગરની લોકલ ક્રાઇમ બ્રાન્ચે માટુંગાના એક બિઝનેસમૅન ધીરજલાલ મણિલાલની બનાવટી નોટો ખરીદતી વખતે ધરપકડ કરી હતી. તેણે ૯૩,૦૦૦ રૂપિયાની નોટો ખરીદી હતી.

કેટલામાં મળે છે બનાવટી નોટો?

બનાવટી નોટો પશ્ચિમ બંગાળથી ખરીદવામાં આવે તો ૪૦ રૂપિયામાં ૧૦૦ રૂપિયાની એક બનાવટી નોટ મળે છે. આ નોટ મુંબઈમાં ૫૦ રૂપિયામાં વેચવામાં આવે છે. મુંબઈમાં અત્યાર સુધી ૧૨,૦૦,૦૦૦ રૂપિયાની બનાવટી નોટો વેચાઈ ચૂકી છે. મુંબઈમાં બનાવટી નોટોનો ધંધો કરનારા લોકો હવે પશ્ચિમ બંગાળ જઈને આવી નોટો ખરીદી રહ્યા છે.

12 October, 2012 05:30 AM IST |

અન્ય લેખો

મુંબઈ સમાચાર

નાયબ મુખ્ય મંત્રી અજિત પવારની પીઆર એજન્સી પર છ કરોડના ખર્ચાનો ઓર્ડર પાછો ખેંચાયો

રાજ્યના પ્રધાન નવાબ મલિકે આ મુદ્દે ભાજપ પર વળતો પ્રહાર કરતાં કહ્યું હતું કે, જે લોકો કથિત 6 કરોડ રૂપિયાના ખર્ચ તરફ આંગળી ચીંધે છે તેમણે અગાઉની સરકારમાં મુખ્ય પ્રધાન અને મંત્રીઓની જનસંપર્ક પ્રવૃત્તિઓ પર ખર્ચવામાં આવેલી રકમ તરફ ધ્યાન આપવું જોઈએ.

13 May, 2021 07:44 IST | Mumbai | Gujarati Mid-day Online Correspondent
મુંબઈ સમાચાર

Maharashtra : લૉકડાઉનના કડક નિયમોનું પાલન 1લી જૂન સુધી લંબાયુ

મહારાષ્ટ્ર સરકારે ગુરૂવારે લૉકડાઉન જેવા પ્રતિબંધો 1લી જૂન સુધી ચાલુ  રાખવાનો નિર્ણય લીધો છે. વાઇરસના ફેલાવાને અટકાવવા માટે સવારે સાત વાગ્યા સુધી બધું બંધ રખાશેનો નિર્ણય ચાલુ રખાયો છે.

13 May, 2021 01:11 IST | Mumbai | Gujarati Mid-day Online Correspondent
મુંબઈ સમાચાર

ડોમેસ્ટિક ગાર્મેન્ટ ઇન્ડસ્ટ્રીને મંજૂરી નહીં અપાય તો ખતમ થઈ જશે : સીએમએઆઇ

કોરોનાની બીજી બાદ ત્રીજી લહેર આવવાના ભય વચ્ચે કામકાજ ઠપ : ૭૭ ટકા મૅન્યુફૅક્ચરરો ૨૫ ટકા સ્ટાફ ઘટાડવાની ફિરાકમાં

13 May, 2021 09:07 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK