° °

આજનું ઇ-પેપર
Tuesday, 11 May, 2021


ખુલ્લા બોરવેલમાં પડી ગયેલી બાળકીને ડ્રાઇવરે બચાવી

20 February, 2021 09:23 AM IST | Mumbai | Gaurav Sarkar

ખુલ્લા બોરવેલમાં પડી ગયેલી બાળકીને ડ્રાઇવરે બચાવી

તસવીર: અનુરાગ અહિરે

તસવીર: અનુરાગ અહિરે

મંગળવારે સાંજે અંધેરી-વેસ્ટના લોખંડવાલા કૉમ્પ્લેક્સ વિસ્તારની નાલંદા કો-ઑપરેટિવ હાઉસિંગ સોસાયટી અને અપના ઘર સોસાયટી પરિસરના બોરવેલમાં આઠ વર્ષની બાળકી પડી ગઈ હતી, પરંતુ નજીકમાં જ હાજર એક ડ્રાઇવરે સમયસૂચકતા દાખવીને બોરવેલમાં કૂદીને બાળકીને બચાવી લીધી હતી. એ ઘટના બન્યા પછી સોસાયટીના રહેવાસીઓએ આ અકસ્માત માટે કમિટી મેમ્બર્સની બેદરકારીને કારણભૂત ગણાવી હતી. બીજી બાજુ કમિટી મેમ્બર્સ કહે છે કે ફ્લૅટધારકો ઇમર્જન્સી વગર રિપેરિંગ જેવી બાબતો માટે ફન્ડ આપવા ઉત્સુક નથી હોતા.

સોસાયટીના એક રહેવાસીએ નામ પ્રકાશિત ન કરવાની શરતે જણાવ્યું હતું કે ‘બોરવેલ પર ધાતુનું ઢાંકણું અકસ્માતની ઘટના બન્યા પછી ગોઠવવામાં આવ્યું છે. અગાઉ કાટ લાગવાથી નબળું પડી ગયેલું ઢાંકણું બોરવેલ પર હતું. એ ઢાંકણું રાખવાનો કોઈ અર્થ નહોતો. એની પાસે ચેતવણીરૂપ ફક્ત લાકડાનું ટેબલ રાખવામાં આવ્યું હતું. અંધારામાં જોખમ રહેતું હતું. બોરવેલ મકાનની પાછળના ભાગમાં હોવાથી સામાન્ય રીતે ત્યાં કોઈ હોતું નથી, પરંતુ મંગળવારે સાંજે એ ભાગમાં બાળકો રમતાં હતાં ત્યારે સદ્ભાગ્યે એક ડ્રાઇવર ત્યાં હાજર હતો એથી તેણે તાત્કાલિક બોરવેલમાં ઝંપલાવીને બાળકીને બચાવી લીધી હતી.’

બોરવેલમાં પડી ગયેલી બાળકીના ૩૭ વર્ષના પપ્પાએ જણાવ્યું હતું કે ‘અમે આ સોસાયટીના ફ્લૅટમાં ભાડા પર રહીએ છીએ એથી અમે કેવી રીતે આ મુદ્દે મૅનેજિંગ કમિટીને સવાલ પૂછી શકીએ? એટલે સોસાયટીમાં ફ્લૅટના માલિક અને કાયમી રહેવાસીઓએ મૅનેજિંગ કમિટી સમક્ષ આ મુદ્દે વાંધો ઉઠાવીને આવી સમસ્યાનો નિકાલ લાવવો જોઈએ, જેથી મારી દીકરી સાથે જે બન્યું એવી દુર્ઘટના ભવિષ્યમાં અન્ય કોઈની સાથે ન બને.’

નાલંદા સોસાયટીના ચૅરમૅન ડૉ. આશિષ ગાંધીએ જણાવ્યું હતું કે ‘આગલી કમિટીએ રિપેરિંગ માટે ઍન્યુઅલ જનરલ મીટિંગમાં મંજૂર કરાયેલી રકમ કરતાં ૧૧ લાખ રૂપિયા વધારે ખર્ચ કરતાં તેમની સામે રજિસ્ટ્રાર ઑફિસમાં કેસ નોંધવામાં આવ્યો હતો. એ કેસને કારણે એ કમિટીને હટાવવામાં આવી હતી. નવી કમિટીમાં મને ચૅરમૅન તરીકે અને આશિષ પારાશરને સેક્રેટરી તરીકે ચૂંટવામાં આવ્યા હતા, પરંતુ હાલમાં અનેક બાબતોમાં અસંમતિ અને ઝઘડા છે. અમે રિપેર કે મેઇન્ટેનન્સ માટે કોઈ પણ નિર્ણય લઈએ તો સોસાયટીના ઘણા સભ્યો પૈસા આપવાનો ઇનકાર કરે છે. એ લોકો કમિટીને કામ કરવા દેતા નથી અને અમને રાજીનામું આપવાનું કહે છે. ઇમર્જન્સી ન ઊભી થાય ત્યાં સુધી તેઓ કોઈ પણ કામ માટે ફન્ડ આપતા નથી. બોરવેલ પર ઢાંકણું ગોઠવવાની દરખાસ્ત નવેમ્બર મહિનામાં મૂકવામાં આવી હતી. ત્રણ મહિનામાં એ કામ થઈ જવું જોઈતું હતું.’

20 February, 2021 09:23 AM IST | Mumbai | Gaurav Sarkar

અન્ય લેખો

મુંબઈ સમાચાર

કૉન્સ્ટેબલના ધાવણ પર સચવાયેલા બાળકનો મેળાપ આખરે માં સાથે થયો

. એક માએ તેના બે મહિનાના બાળકને ગરીબીને કારણે ત્યજી દીધું હતું. પોલીસ સ્ટેશનમાં એક કોન્સ્ટેબલે આ બાળકને પોતાનું દૂધ પાઇને બચાવ્યું. આ કોન્સ્ટેબલની વાત ભલભલાના દીલ જીતી રહી છે

10 May, 2021 06:26 IST | Mumbai | Shirish Vaktania
મુંબઈ સમાચાર

મુંબઇમાં સતત બીજા દિવસે પણ કોવેક્સિનનો બીજો ડોઝ ન મળતા લોકો રોષે ભરાયા

મુંબઇના વેક્સિનેશન સેન્ટરમાં સોમવારે પણ કોવેક્સિન નો ડોઝિસ ન મળ્યા હોવાનો સતત બીજો દિવસ રહ્યો. કોવેક્સિન આઉટ ઑફ સ્ટૉક હોવાને કારણે આ પરિસ્થિતિ સર્જાઇ છે અને આ કારણે નાગરિકો  ભારે રોષે ભરાયા છે

10 May, 2021 04:56 IST | Mumbai | Gujarati Mid-day Online Correspondent
મુંબઈ સમાચાર

નવી મુંબઈમાં ઇલેક્ટ્રિક શૉક લાગતાં સગીર હેલ્પરનું મોત

નવી મુંબઈમાં આવેલી મહાપે એમઆઇડીસી ખાતેની મૅચવિલ સિન્ડિકેટ કંપનીમાં હેલ્પર તરીકે કામ કરી રહેલા ૧૩ વર્ષના કિશોરનું ગઈ કાલે ઇલેક્ટ્રિક શૉક લાગતાં મૃત્યુ થયું હતું.

10 May, 2021 09:15 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK