° °

આજનું ઇ-પેપર
Saturday, 19 June, 2021


મુંબઈમાં કોરોનાનો મૃતાંક થયો બમણો

08 May, 2021 10:40 AM IST | Mumbai | Chetna Sadadekar

એપ્રિલના પહેલા પખવાડિયામાં રોજના સરેરાશ ૩૧ જણનાં મૃત્યુ થતાં હતાં જે વધીને અત્યારે ૬૭ થઈ ગયાં છે

ફાઈલ તસવીર

ફાઈલ તસવીર

શહેરમાં કોરોનાને કારણે ૧૪ એપ્રિલથી ૬ મે દરમ્યાન દૈનિક સરેરાશ ૬૭ મોત સાથે કુલ ૧૫૦૦ કરતાં વધુ મોત નોંધાયાં હતાં. એપ્રિલના પ્રથમ પખવાડિયાની તુલનામાં સરેરાશ મોતનો આંક લગભગ બમણો થઈ ગયો છે, કારણ કે પ્રથમ પખવાડિયામાં સરેરાશ ૩૧ મોત નોંધાયાં હતાં.

ડેટા અનુસાર ૧થી ૧૩ એપ્રિલ દરમ્યાન દૈનિક ૩૧ની સરેરાશ સાથે આશરે ૪૦૨ મોત નોંધાયાં હતાં. જોકે ૧૪ એપ્રિલથી ૬ મે સુધીમાં ૧૫૩૨ મોત નોંધાયાં હતાં. આ બે ગાળામાં કેસ ઝડપથી વધ્યા નથી, ત્યારે વિધાનસભ્યએ દાવો કર્યો હતો કે એ માટે ટેસ્ટિંગની ઘટેલી સંખ્યા જવાબદાર છે.

બીજેપીના વિધાનસભ્ય અમિત સાટમે બીએમસીના કમિશનરને શુક્રવારે લખેલા પત્રમાં જણાવ્યું હતું કે ‘એપ્રિલના પ્રથમ પખવાડિયાની તુલનામાં સરેરાશ ટેસ્ટિંગ પણ ૨૦ ટકા જેટલું ઘટ્યું છે, જેના કારણે કેસ ઘટ્યા છે, પણ એની સામે મૃત્યુનો આંકડો બમણો થઈ ગયો છે. સુધરાઈએ અત્યારે પોતાની પીઠ થાબડવાને બદલે મૃત્યુનો દર કઈ રીતે ઓછો થાય એના પર ધ્યાન કેન્દ્રિત કરવું જોઈએ. કોરોનાની લડાઇમાં લોકોનો જીવ બચાવવો એ સૌથી મહત્વનું છે.’

એક તરફ સુધરાઈના બીકેસી જમ્બો સેન્ટર અને એના ડીન ડૉ. રાજેશ ઢેરેની ટીકા થઈ હતી તો બીજી તરફ ગાયિકા લતા મંગેશકરે સેન્ટરની કામગીરી સુચારુ રીતે સંભાળવા બદલ અને રાજ્ય તથા શહેર માટે દિવસ-રાત જોયા વિના ફરજ બજાવવા બદલ ડૉ. રાજેશ ઢેરેને બિરદાવીને તેમને અભિનંદન આપ્યાં હતાં.

08 May, 2021 10:40 AM IST | Mumbai | Chetna Sadadekar

અન્ય લેખો

મુંબઈ સમાચાર

ઈન્દોરથી ગ્રીન ફંગસના દર્દીને વધુ સારવાર માટે મુંબઈ કરાયો શિફ્ટ

ઈન્દોરના 34 વર્ષિય વિશાલ શ્રીધરને કોવિડ ઇન્ફેક્શનથી સાજા થયાને દોઢ મહિના બાદ ગ્રીન ફંગસ મળી આવ્યો હતો. જેને સારવાર માટે મુંબઈ લાવવામાં આવ્યો હતો.

18 June, 2021 06:19 IST | mumbai | Gujarati Mid-day Online Correspondent
મુંબઈ સમાચાર

કાંદિવલી વેક્સિનેશન સ્કેમઃ ચાર જણની ધરપકડ, વેક્સિનેશન કેમ્પને નામે છેતરપિંડી

મુંબઈના કાંદિવલી વિસ્તારમાં હાઈપ્રોફાઇલ હિરાનંદાની હેરિટેજ બિલ્ડિંગમાં બનાવટી વેક્સિંન ડ્રાઇવના કેસમાં ચોંકાવનારો ઘટસ્ફોટ થયો છે. મુંબઈ પોલીસે એ રેકેટનો ભાંડો ફોડ્યો છે અને 4 લોકોની ધરપકડ કરી છે.

18 June, 2021 05:51 IST | Mumbai | Gujarati Mid-day Online Correspondent
મુંબઈ સમાચાર

‘તારક મહેતા...’ની બબીતાજી ઉર્ફ મુનમુન દત્તાને સુપ્રીમ કોર્ટે આપી રાહત

ટીવી અભિનેત્રી મુનમુન દત્તા પર ચાર રાજ્યોમાં કેસ કરવામાં આવ્યા હતા, આ તમામ કેસ પર સ્ટે મુકવામાં આવ્યો છે

18 June, 2021 04:40 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK