Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > જાણીતી કંપનીનાં ડુપ્લિકેટ ટોનર વેચતો વેપારી પકડાયો

જાણીતી કંપનીનાં ડુપ્લિકેટ ટોનર વેચતો વેપારી પકડાયો

03 December, 2022 11:08 AM IST | Mumbai
Gujarati Mid-day Correspondent | feedbackgmd@mid-day.com

ફોર્ટમાં છાપો મારીને કેનન કંપનીનાં લેબલ લાગેલો આશરે ૨.૪૫ લાખ રૂપિયાનો માલ જપ્ત કર્યો હતો

પ્રતીકાત્મક તસવીર

પ્રતીકાત્મક તસવીર


મુંબઈના ફોર્ટ વિસ્તારમાં કેનન કંપની નામે ડુપ્લિકેટ ટોનર વેચાતાં હોવાની મળેલી બાતમીના આધારે પોલીસે તપાસ કરી હતી. એ પછી ફોર્ટમાં છાપો મારીને કેનન કંપનીનાં લેબલ લાગેલો આશરે ૨.૪૫ લાખ રૂપિયાનો માલ જપ્ત કર્યો હતો. એમઆરએ માર્ગ પોલીસે આ ઘટનાની ફરિયાદ નોંધીને તપાસ શરૂ કરી છે.

એમઆરએ માર્ગ પોલીસને માહિતી મળી હતી કે ફોર્ટની બજાર સ્ટ્રીટમાં આવેલા દાતાર નિવાસ બિલ્ડિંગમાં પહેલા માળે એક્સેલ ટેક્નૉલૉજીઝમાં કેનન કંપનીની ડુપ્લિકેટ આઇટમો રાખવામાં આવી છે. એ પછી ૩૦ નવેમ્બરે એમઆરએ માર્ગ પોલીસની ટીમે ઘટનાસ્થળે છાપો માર્યો હતો. ત્યાંથી આશરે ૨.૪૫ લાખ રૂપિયાનાં ડુપ્લિકેટ ટોનર મળી આવ્યાં હતાં. એના પર કેનન કંપનીનું નામ લખ્યું હતું. એમઆરએ માર્ગ પોલીસે બોરીવલીના ગોરાઈ વિસ્તારમાં રહેતા સવજી હાથિયા સામે ફરિયાદ નોંધીને તપાસ શરૂ કરી છે.



એમઆરએ માર્ગ પોલીસ સ્ટેશનના તપાસ અધિકારીએ ‘મિડ-ડે’ને કહ્યું હતું કે ‘અમે તમામ માલ જપ્ત કર્યો છે. આ માલ મુંબઈના નાના વેપારીઓને અહીંથી મોકલવામાં આવતો હોવાની પ્રાથમિક માહિતી અમારી પાસે આવી છે.’


Whatsapp-channel Whatsapp-channel

03 December, 2022 11:08 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK