° °

આજનું ઇ-પેપર
Thursday, 08 December, 2022


નકલી નોટનું કૌભાંડ નોટબંધીની અગાઉથી પુરજોશમાં ચાલતું હતું?

05 October, 2022 10:03 AM IST | Mumbai
Bakulesh Trivedi | bakulesh.trivedi@mid-day.com

ઘણાં વર્ષોથી આ કૌભાંડ ચાલી રહ્યું હોવાની શંકા : દહિસરથી પકડાયેલી કુલ ૨૨૭ કરોડની બનાવટી નોટોમાં ૬૭ કરોડની નોટો તો નોટબંધી વખતે રદ થયેલી નોટો છે

પકડાયેલા આરોપીઓ સાથે સુરત પોલીસના ઉચ્ચ અધિકારીઓ, જપ્ત કરાયેલી નોટમાં નોટબંધીમાં રદ કરાયેલી નોટોનો પણ સમાવેશ છે

પકડાયેલા આરોપીઓ સાથે સુરત પોલીસના ઉચ્ચ અધિકારીઓ, જપ્ત કરાયેલી નોટમાં નોટબંધીમાં રદ કરાયેલી નોટોનો પણ સમાવેશ છે

સુરતની કામરેજ પોલીસમાં નોંધાયેલી ફરિયાદના આધારે સુરત પોલીસે દહિસરના આનંદનગરમાં આવેલા આદિત્ય પાર્કમાં પાડેલી રેઇડ દરમિયાન કુલ ૨૨૭,૦૪,૫૦,૦૦૦ રૂપિયાની ભારતીય ચલણની બનાવટી નોટો મળી આવી હતી. નવાઈની વાત એ છે કે એમાં ૬૭ કરોડની બનાવટી નોટો તો નોટબંધી વખતે રદ થઈ ગયેલી નોટો છે. એનો અર્થ એ થયો કે આ કૌભાંડ એ પહેલાંથી જ ચાલુ હતું. તપાસ દરિમયાન એવું જાણવા મળ્યું છે કે ઉત્તર ભારતમાં આવી નોટો છપાતી હતી. આરોપી વિકાસ જૈને તેની વી. આર. લૉજિસ્ટિક (આંગડિયા પેઢી)ની અનેક બ્રાંચ ગુજરાત, મહારાષ્ટ્ર, મધ્ય પ્રદેશ, દિલ્હી વગેરે જગ્યાએ ખોલી હતી. મોટા ભાગે આંગડિયા પેઢી દ્વારા કૅશની પણ હેરફેર થતી હોય છે. એથી આંગડિયાના કામકાજ હેઠળ કેટલીક સાચી નોટોને કાઢીને એની જગ્યાએ આ બનાવટી નોટો ગોઠવી મોટા પાયે છેતરિપંડી કરાઈ હોવાની શક્યતા નકારી શકાતી નથી. સુરત પોલીસ હાલ આ કેસની ઝીણવટભરી તપાસ કરી રહી છે.  

સુરત પોલીસે આ કેસમાં કુલ છ જણની ધરપકડ કરીને ૩૧૬,૯૮,૫૪,૦૦૦ રૂપિયાની નોટો પકડી પાડી છે. સુરતની કામરેજ પોલીસે દીકરી એજ્યુકેશન ટ્રસ્ટની ઍમ્બ્યુલન્સમાં હેરફેર કરાતી ૨૫.૮૦ કરોડની નોટો સાથે પહેલાં હિતેશ કોટડિયાને ઝડપ્યો હતો. એ પછી તેની પૂછપરછ દરિમયાન તે આ નોટો મુંબઈમાં વી. આર. લૉજિસ્ટિક ચલાવતા વિકાસ જૈન પાસેથી લાવ્યો હોવાનું કબૂલ્યું હતું. એથી સુરત પોલીસે દહિસર-ઈસ્ટના એન. એલ. હિમાલયા કૉમ્પ્લેક્સમાં રહેતા વિકાસ જૈનના આંનદનગરના આદિત્ય પાર્કમાં આવેલા ફ્લૅટ જેનો ઉપયોગ તે ગોડાઉન તરીકે કરતો હતો એના પર છાપો માર્યો હતો અને ૨૨૭ કરોડની ફેક નોટો જપ્ત કરી હતી. વિકાસ જૈન સામે આ પહેલાં પણ ગોરેગામ-ઈસ્ટના વનરાઈ પોલીસ સ્ટેશનમાં ફેક કરન્સીને લગતો ગુનો ૨૦૨૦માં નોંધાયો હતો. એથી તે આ કૌભાંડનો મૂળ સૂત્રધાર અને રીઢો ગુનેગાર હોવાનું જણાઈ આવ્યું છે. હાલ સુરત પોલીસ દ્વારા કેસની ઝીણવટભરી તપાસ હાથ ધરાઈ છે.

સુરતની એક એવી પણ પાર્ટી છે જેને આ ટોળકીએ ૧.૫૦ કરોડ જેટલી રકમ સાથે છેતરી છે. એના દ્વારા ફરિયાદ પણ કરાઈ છે અને એ ટ્રાન્ઝૅક્શનની પણ તપાસ ચાલી રહી છે.   

05 October, 2022 10:03 AM IST | Mumbai | Bakulesh Trivedi

અન્ય લેખો

મુંબઈ સમાચાર

કપોળ વિદ્યાનિધિ સ્કૂલના વાલીઓની લડતમાં આગેકૂચ

હાઈ કોર્ટે વાલીઓએ કરેલી રિટ પિટિશન દાખલ કરી. કોરોના વખતે સ્કૂલ બંધ હોવા છતાં જે ઍક્ટિવિટી કરાવાતી નહોતી એની ફી પણ ટોટલ ફીમાં ઇન્ક્લુડ કરીને લેવામાં આવતાં પેરન્ટ્સ કરી રહ્યા છે વિરોધ

07 December, 2022 09:20 IST | Mumbai | Bakulesh Trivedi
મુંબઈ સમાચાર

ધંધા માટે કયો હીરો સાચો?

હીરાબજારમાં ફરી રહેલા મેસેજોથી વેપારીઓમાં આવી મૂંઝવણ : જોકે તેમનું કહેવું છે કે આવતો દસકો સાચા હીરાનો નહીં પણ લૅબગ્રોન ડાયમન્ડ્સનો રહેશે : હકીકત એ છે કે લૅબગ્રોન ડાયમન્ડની માર્કેટ કૂદકે ને ભૂસકે વધી રહી છે

05 December, 2022 09:35 IST | Mumbai | Bakulesh Trivedi
મુંબઈ સમાચાર

છતે ઘરે થશે બેઘર

સર્વોચ્ચ અદાલતે પણ અરજી ઠુકરાવી દેતાં નવી મુંબઈના ૧૬૦ પરિવારો પર આભ તૂટી પડ્યું : છ મહિનામાં ખાલી કરવી પડશે જગ્યા

28 November, 2022 09:41 IST | Mumbai | Bakulesh Trivedi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK