દિલ્હીમાં કોરોનાના કેસ વધવાના કારણે સંસદમાં સ્ટાફ-મેમ્બર્સની રૅન્ડમ કોરોના ટેસ્ટ્સ કરવાનો નિર્ણય લેવામાં આવ્યો હતો
પ્રતીકાત્મક તસવીર
બજેટસત્ર પહેલાં સંસદમાં કરવામાં આવેલા રૅન્ડમ ટેસ્ટિંગમાં ૪૦૦થી વધારે સ્ટાફ-મેમ્બર્સ કોરોના પૉઝિટિવ આવ્યા છે. મોટા ભાગના કેસમાં કોઈ લક્ષણો નથી. દિલ્હીમાં કોરોનાના કેસ વધવાના કારણે સંસદમાં સ્ટાફ-મેમ્બર્સની રૅન્ડમ કોરોના ટેસ્ટ્સ કરવાનો નિર્ણય લેવામાં આવ્યો હતો. ઇન્ફેક્શનને કન્ટ્રોલ કરવા માટે સંસદમાં આવનારી વ્યક્તિઓ માટે આ રીતે વધુ રૅન્ડમ ટેસ્ટિંગ કરવામાં આવશે. લોકસભાના સ્પીકર ઓમ બિરલા અને રાજ્યસભાના અધ્યક્ષ એમ. વેંકૈયા નાયડુએ આ પહેલાં તમામ સ્ટાફ-મેમ્બર્સને કોરોનાની રસીના બંને ડોઝ લેવા માટે વિનંતી કરી હતી. લગભગ ત્રણ અઠવાડિયાં બાદ સંસદનું બજેટસત્ર શરૂ થશે. કેન્દ્રીય બજેટને પહેલી ફેબ્રુઆરીએ રજૂ કરાય એવી શક્યતા છે.