° °

આજનું ઇ-પેપર
Friday, 01 July, 2022


તમારી સામે શું કામ કન્ટેમ્પ્ટ ઑફ કોર્ટની કાર્યવાહી ન કરવી?

21 June, 2022 10:31 AM IST | Mumbai
Bakulesh Trivedi | bakulesh.trivedi@mid-day.com

આર્બિટ્રેશનના આદેશનું પાલન ન કરવા બદલ આવું કહીને કોર્ટે કાંદિવલીની સોસાયટીના સભ્યોએ બિલ્ડર સામે કરેલી ફરિયાદના કેસમાં બિલ્ડરની આગોતરા જામીનઅરજી ફગાવી

કાંદિવલીની સદ્ગુરુ કો-ઑપરેટિવ હાઉસિંગ સોસાયટી

કાંદિવલીની સદ્ગુરુ કો-ઑપરેટિવ હાઉસિંગ સોસાયટી

કાંદિવલી-વેસ્ટના સરોજીની નાયડુ રોડ પર આવેલી રીડેવલપમેન્ટ કરાયેલી સદ્ગુરુ કો-ઑપરેટિવ હાઉસિંગ સોસાયટીના સભ્યોએ તેમના બિલ્ડર સાંઈ તસવીર ડેવલપર્સના જયેશ તન્ના, હિના જયેશ તન્ના, કમલ ઠક્કર, રીટા ઠક્કર સામે તેમને ભાડું ન આપવા બદલ અને મકાનનું ઓસી ન લઈ આપવા બદલ તેમ જ ધમકાવવા બદલ કાંદિવલી પોલીસ સ્ટેશનમાં ફરિયાદ કરી હતી. એ કેસમાં ડેવલપર જયેશ તન્નાએ આગોતરા જામીનની અરજી કરી હતી જે ગઈ કાલે દિંડોશી સેશન્સ કોર્ટે ફગાવી દીધી છે. એથી હવે ગમે ત્યારે તેની ધરપકડ થઈ શકે છે. એ સિવાય ડેવલપરે કોર્ટે નીમેલા આર્બિટ્રેટરે આદેશ આપ્યા છતાં ભાડાની ચુકવણી કરી નહોતી અને બાકી રહેલા સભ્યોનાં ઍગ્રીમેન્ટ બનાવી આપવાનો આદેશ આપ્યો હોવા છતાં એ ન કરતાં તેની સામે કોર્ટના અવમાનની નોટિસ પણ ઇશ્યુ કરાઈ છે. આજે બુધવારે હાઈ કોર્ટમાં એ સંદર્ભેની પણ સુનાવણી થવાની છે.

આ કેસમાં સોસાયટીના મેમ્બરો બિલ્ડરે ઓસી ન મેળવ્યું હોવા છતાં ઘરમાં રહેવા જતા રહ્યા છે. એટલું જ નહીં, સોસાયટીએ સાંઈ તસવીર ડેવલપર્સ સામે કોર્ટમાં કેસ કર્યો છે અને ડેવલપરે કોર્ટને પ્રૉમિસ કર્યા બાદ પણ મેમ્બરોને પેન્ડિંગ ભાડું, પર્મનન્ટ ઑલ્ટરનેટ ઍગ્રીમેન્ટ અને ઑક્યુપેશન સર્ટિફિકેટ જેવી સુવિધા હજી આપી ન હોવાથી તેમણે કન્ટેમ્પ્ટ ઑફ કોર્ટની અરજી કરી હતી જેની સુનાવણી દરમ્યાન હાઈ કોર્ટના જસ્ટિસ ગિરીશ કુલકર્ણીએ કારણદર્શક નોટિસ ઇશ્યુ કરીને ડેવલપર સામે આર્બિટ્રેશનના આદેશનું પાલન ન કરવા બદલ શું કામ કન્ટેમ્પ્ટની કાર્યવાહી ન કરવામાં આવે એવું પૂછ્યું હતું. તેમણે આ કેસની આગામી સુનાવણી ન થાય ત્યાં સુધી ડેવલપર અને તેના પાર્ટનર જયેશ તન્ના, હિના તન્ના અને રીટા ઠક્કરને મુંબઈ ન છોડવા પણ કહ્યું હતું. 

21 June, 2022 10:31 AM IST | Mumbai | Bakulesh Trivedi

અન્ય લેખો

મુંબઈ સમાચાર

કાંદિવલીના ગુજરાતીને કંપનીનો ડિરેક્ટર બનાવીને આપ્યો દગો

કંપનીના ડિરેક્ટરપદ પરથી રાજીનામું આપ્યું હોવા છતાં ભૂતપૂર્વ સાથી ડિરેક્ટરોએ કરેલી છેતરપિંડીને કારણે ઇન્કમ ટૅક્સ અને બૅન્કે આપી ૭૦ લાખ રૂપિયા ભરવાની નોટિસ

30 June, 2022 10:15 IST | Mumbai | Bakulesh Trivedi
મુંબઈ સમાચાર

સમસ્યાના સમાધાને સર્જી નવી જ જીવલેણ સમસ્યા

શિવસેના-બીજેપી વચ્ચે શ્રેય લેવાની જોરદાર હોડ વચ્ચે શરૂ થયેલા કોરા કેન્દ્રના નવા ફ્લાયઓવર પર કોઈ દુર્ઘટના ન થાય એ માટે કરો પ્રાર્થના

20 June, 2022 09:21 IST | Mumbai | Bakulesh Trivedi
મુંબઈ સમાચાર

ચારકોપથી ગુમ થયેલાં રંજન ભેદા અંધેરીથી મળી આવ્યાં

તેઓ ગુમ થયા બાદ વૉટ્સઍપ ગ્રુપ પર તેમની ડીટેલ સર્ક્યુલેટ કરવામાં આવી હતી

19 June, 2022 11:52 IST | Mumbai | Bakulesh Trivedi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK