° °

આજનું ઇ-પેપર
Sunday, 20 June, 2021


નવી મુંબઈ અને પનવેલમાં લૉકડાઉન લંબાવાયું છતાં કેસમાં વધારો યથાવત

16 July, 2020 07:44 AM IST | Mumbai | Anurag Kamble

નવી મુંબઈ અને પનવેલમાં લૉકડાઉન લંબાવાયું છતાં કેસમાં વધારો યથાવત

નવી મુંબઈમાં લૉકડાઉન ૧૯ જુલાઈ સુધી લંબાવાયું હતું. ફાઇલ ફોટો

નવી મુંબઈમાં લૉકડાઉન ૧૯ જુલાઈ સુધી લંબાવાયું હતું. ફાઇલ ફોટો

રાજ્ય સરકારે લૉકડાઉનનાં નિયંત્રણો હળવા કરવાની જાહેરાત કર્યાના એકાદ મહિનામાં કેસની સંખ્યા વધતાં નવી મુંબઈ અને પનવેલ મહાનગરપાલિકાઓએ ૩ જુલાઈથી ફરી દસ દિવસના લૉકડાઉનની જાહેરાત કરી હતી, પરંતુ ૧૩મીએ એ દસ દિવસની મુદત પૂરી થયા પછી પણ પરિસ્થિતિમાં ખાસ ફેર પડ્યો નથી. નિયંત્રણો અમલમાં હોવા છતાં ઇન્ફેક્શનના પૉઝિટિવ રિપોર્ટ્સની સંખ્યા વધી રહી છે. એ સંજોગોમાં લૉકડાઉનની મુદત નવી મુંબઈમાં ૧૯ જુલાઈ સુધી અને પનવેલમાં ૨૪ જુલાઈ સુધી લંબાવવામાં આવી છે. ચિંતાજનક સ્થિતિ માટે સ્થાનિક રહેવાસીઓમાં નિયમોનું પાલન કરવાની ગંભીરતાનો અભાવ કારણભૂત હોવાનું બન્ને મહાનગરપાલિકાઓના અધિકારીઓ કહે છે.

નવી મુંબઈમાં કોરોના ઇન્ફેક્શનના અત્યાર સુધીમાં નોંધાયેલા કેસની સંખ્યા ૯૯૧૭ ઉપર પહોંચી છે. એમાંથી ૨૩૩૩ કોરોના પૉઝિટિવ કેસ છેલ્લા દસ દિવસમાં નોંધાયા હતા. એમાં એક્ટિવ કેસની સંખ્યા ૩૫૩૫ છે. પનવેલમાં અત્યાર સુધીમાં નોંધાયેલા કેસની સંખ્યા ૪૧૫૫ ઉપર પહોંચી છે. એમાંથી ૧૪૦૨ કેસ છેલ્લા દસ દિવસમાં નોંધાયા છે, એમાં એક્ટિવ કેસની સંખ્યા ૧૪૨૯ છે.

પનવેલ મહાનગરપાલિકાના કમિશનર સુધાકર દેશમુખે જણાવ્યું હતું કે ‘અમે ટેસ્ટિંગનું પ્રમાણ ચારગણું વધાર્યું હોવાથી વધારે કેસ નોંધાઈ રહ્યા છે. શહેરના નાગરિકોએ સામેથી આવીને ટેસ્ટ કરાવવી જોઈએ. ગઈ કાલે અમે શિવાજીનગરના રહેવાસીઓ માટે ૫૦ ફ્રી ટેસ્ટનું આયોજન કર્યું હતું, પરંતુ ફક્ત પાંચ જણ ટેસ્ટ કરાવવા આવ્યા હતા.’

16 July, 2020 07:44 AM IST | Mumbai | Anurag Kamble

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK