° °

આજનું ઇ-પેપર
Wednesday, 14 April, 2021

મહારાષ્ટ્રમાં 28 ફેબ્રુઆરી સુધી લંબાયું લૉકડાઉન, આ છે ગાઈડલાઈન્સ

29 January, 2021 02:25 PM IST | Mumbai | Gujarati Mid-day Online Correspondent

મહારાષ્ટ્રમાં 28 ફેબ્રુઆરી સુધી લંબાયું લૉકડાઉન, આ છે ગાઈડલાઈન્સ

પ્રતીકાત્મક તસવીર

પ્રતીકાત્મક તસવીર

મહારાષ્ટ્ર સરકારે શુક્રવાર (29 જાન્યુઆરી)એ રાજ્યમાં કોરોના વાઈરસ લૉકડાઉનને 28 ફેબ્રુઆરી સુધી લંબાવી દીધું છે. રાજ્યના મુખ્ય સચિવ સંજય કુમારે લૉકડાઉનને એક મહિના સુધી વધારવાની સૂચના બહાર પાડી છે. મહત્વની વાત એ છે કે મહારાષ્ટ્ર સરકારે પહેલા કોવિડ-19 રોગચાળાને ધ્યાનમાં રાખીને 31 જાન્યુઆરી સુધી લૉકડાઉન લંબાવી દીધું હતું.

loxk-tweet

જણાવી દઈએ કે રાજ્યમાં છેલ્લા 24 કલાકમાં કોરોના સંક્રમણના 3537 નવા કેસ નોંધાયા, ત્યાર બાદ રાજ્યમાં કુલ સંક્રમિત દર્દીઓની સંખ્યા 19,28,603 સુધી પહોંચી ગઈ છે. 70 ચેપગ્રસ્ત લોકોના મોત બાદ રાજ્યમાં મૃત્યુની સંખ્યા 49,463 સુધી પહોંચી ગઈ છે.

મહત્વની વાત એ છે કે મહારાષ્ટ્રમાં કોરોના સંક્રમણના કારણે છેલ્લા 10 મહિનાથી બંધ રહેલી શાળાઓ પણ ખોલવામાં આવી છે. ગત બુધવારથી 5 થી 8 ધોરણના વિદ્યાર્થીઓએ શાળાએ જવાનું શરૂ કરી દીધું છે. જોકે આ સમયગાળા દરમિયાન સરકાર દ્વારા બહાર પાડવામાં આવેલી માર્ગદર્શિકાનું સંપૂર્ણપણે પાલન કરવામાં આવી રહ્યું છે. માસ્ક પહેરેલા વિદ્યાર્થીઓને જ શાળામાં પ્રવેશવાની છૂટ છે, કેટલીક શાળાઓમાં માસ્કની પણ વ્યવસ્થા કરવામાં આવી છે. તેમ જ શિક્ષકો અને વિદ્યાર્થીને નેગેટિવ આરટી-પીસીઆર ટેસ્ટ રિપોર્ટ જમા કરાવવા માટે કહેવામાં આવ્યું છે. મુંબઈમાં આ રોગચાળાના અધિક પ્રકોપને ધ્યાનમાં રાખીને અહીંની શાળાઓને હજી પણ બંધ રાખવામાં આવી છે.

રાજ્યની શાળાના શિક્ષણ પ્રધાન વર્ષા ગાયકવાડનું કહેવું છે કે જો શાળાઓ 5 થી 8 ધોરણ સુધી સરળતાથી ચલાવી શકે છે, તો મહારાષ્ટ્ર સરકાર 1 થી 4 ધોરણના વિદ્યાર્થીઓ માટે સ્કૂલને ફરીથી ખોલશે. મુંબઈથી લગભગ 515 કિલોમીટર દૂર પરભણી શહેરમાં એકલ પત્રકાર પરિષદમાં મંત્રીએ કહ્યું કે 5 થી 8 ધોરણ માટે શાળાને ખોલવા પહેલા મોટાભાગના શિક્ષકોની આરટી-પીસીઆર ટેસ્ટ કરવામાં આવી હતી.

29 January, 2021 02:25 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

મહારાષ્ટ્ર CM: 15 દિવસ માટે રાજ્યમાં 144ની કલમ લાગુ કરાઇ

બ્રેક ધ ચેઇન અભિયાનની શરૂઆત મહારાષ્ટ્રમાં આવતીકાલે રાતે આઠ વાગ્યાથી થશે. આવતી કાલથી એટલે કે બુધવારે રાત્રે, જરૂરી સેવાઓ સિવાય બધું બંધ રહેશે. રાજ્યમાં આગામી 15 દિવસ માટે કલમ 144 લાગુ કરવામાં આવી છે

13 April, 2021 09:53 IST | Mumbai | Gujarati Mid-day Online Correspondent
મુંબઈ સમાચાર

Chaitra Navratri 2021: આજે નવરાત્રિ અને ગુડી પાડવાના દિવસે કરો આ કામ

માતા શક્તિની ઉપાસનાનો તહેવાર મંગળવાર એટલેકે આજથી શરૂ થઈ રહ્યો છે. આ મહાપર્વને લઈને મંદિરોમાં ઉત્તેજનાનું વાતાવરણ સર્જાયું છે. ઘર-ઘરમાં ચૈત્ર નવરાત્રીના પહેલા દિવસે કળશ સ્થાપનાની તૈયારીઓ પણ ચાલી રહી છે.

13 April, 2021 01:40 IST | Mumbai | Gujarati Mid-day Online Correspondent
મુંબઈ સમાચાર

લૉકડાઉનના ભય વચ્ચે ખરીદી માટે થઈ પડાપડી

કરિયાણું, શાકભાજી અતિઆવશ્યક સેવામાં હોવા છતાં વીક-એન્ડ લૉકડાઉન સોમવારે પૂરું થતાં જ લોકો સંપૂર્ણ સેકન્ડ લૉકડાઉનના ડરે ઘરમાં જોઈતી વસ્તુઓનો સ્ટૉક કરવા નીકળી પડ્યા

13 April, 2021 02:04 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK