કફ પરેડ પોલીસ-સ્ટેશનમાં કાર્યરત આરોપી એપીઆઇ ૨૦૧૨થી મહિલા પીએસઆઇ સાથે રિલેશનશિપ ધરાવતો હતો
પ્રતીકાત્મક તસવીર
મહિલા પોલીસ સબ-ઇન્સ્પેક્ટર (પીએસઆઇ)ને લગ્નનું વચન આપીને શારીરિક સંબંધ બાંધનાર અસિસ્ટન્ટ પોલીસ ઇન્સ્પેક્ટર (એપીઆઇ)એ પાછળથી ફરી જઈને અન્ય મહિલા સાથે લગ્ન કરી લેતાં મહિલા પીએસઆઇએ આ સંદર્ભે ડોંગરી પોલીસ-સ્ટેશનમાં ફરિયાદ કરતાં આખરે એપીઆઇ સામે જ પોલીસે બળાત્કાર અને અકુદરતી સંભોગ સહિતની કલમો હેઠળ ગુનો નોંધાયાની ઘટના બહાર આવી છે.
કફ પરેડ પોલીસ-સ્ટેશનમાં કાર્યરત આરોપી એપીઆઇ ૨૦૧૨થી મહિલા પીએસઆઇ સાથે રિલેશનશિપ ધરાવતો હતો. તેણે લગ્ન કરવાનું વચન આપીને મહિલા પીએસઆઇ સાથે શારીરિક સંબંધો બાંધ્યા હતા. એટલું જ નહીં, અકુદરતી સંભોગ પણ કર્યો હતો. જોકે તેણે થોડા જ દિવસ પહેલાં અન્ય મહિલા સાથે લગ્ન કરી લેતાં પોતાની સાથે છેતરપિંડી થઈ હોવાનું જણાતાં મહિલા પીએસઆઇએ તેની સામે ફરિયાદ કરી હતી. ડોંગરી પોલીસે તેની ધરપકડ કરી હતી.
