° °

આજનું ઇ-પેપર
Thursday, 30 June, 2022


ગયા પૈસા નાળામાં

16 May, 2022 09:04 AM IST | Mumbai
Gujarati Mid-day Correspondent | feedbackgmd@mid-day.com

સુધરાઈના કમિશનરે નક્કી કરેલી ૧૫ મેની સમયમર્યાદા સુધી નાળાંની સફાઈ પૂરી નથી થઈ. વેસ્ટર્ન સબર્બ્સની ગટરોનું તો કામ જ હજી શરૂ કરવામાં નથી આવ્યું

ધારાવીમાં આવેલા નાળાની ચોમાસું નજીક આવ્યા છતાં આવી હાલત છે

ધારાવીમાં આવેલા નાળાની ચોમાસું નજીક આવ્યા છતાં આવી હાલત છે

બીએમસી એની સફાઈ માટેની સમયમર્યાદા ચૂકી ગયું છે એ જોતાં પૂરની સ્થિતિ અનિવાર્ય જણાઈ રહી છે. શહેરના દક્ષિણ ભાગની ગટરમાંથી રવિવાર સુધી ફક્ત ૩૯ ટકા કચરો જ હટાવાયો હતો. પૂર્વીય સબર્બ્સમાંથી ૬૬ ટકા અને પશ્ચિમી સબર્બ્સમાંથી ૬૦ ટકા કચરો દૂર કરાયો હતો. બીએમસીના કમિશનરે ગાળ કાઢવાનું કામ ૧૫ મે સુધી પૂરું કરવાની સમયમર્યાદા આંકી હતી, પણ કેટલાંય નાળાં અને ગટરોમાંથી કચરો દૂર કરવાનું કામ હજી શરૂ પણ નથી થયું.

બીએમસી મીઠી નદીની સફાઈ સહિત ચોમાસા અગાઉ નદી-નાળાં અને ગટરમાંથી કચરો દૂર કરવા પાછળ ૧૬૨ કરોડ રૂપિયાનો ખર્ચ કરશે. નાળાંની સફાઈ કરવાના વાર્ષિક લક્ષ્યાંકમાંથી ચોમાસા પહેલાં સફાઈની ૭૫ ટકા કામગીરી કરવાનો, ચોમાસા દરમ્યાન ૧૦ ટકા કામનો અને ૧૦ ટકા કામ ચોમાસા પછી હાથ ધરવાનો લક્ષ્યાંક નક્કી કરવામાં આવ્યો છે. આ વર્ષે બીએમસીએ નાળાંમાંથી ૪.૬૩ લાખ ટન ગાળ અને મીઠી નદીમાંથી ૨.૭૫ લાખ ટન ગાળ દૂર કરવાનો લક્ષ્યાંક નક્કી કર્યો છે. બીએમસીના સત્તાવાર રેકૉર્ડ અનુસાર મીઠી નદીમાંથી કચરો હટાવવાનું ૮૮ ટકા કામ પૂરું થઈ ગયું હતું, પણ અન્ય વિસ્તારોમાં કામ નિર્ધારિત સમય પ્રમાણે નથી થઈ રહ્યું. બીએમસીએ ગટરમાંથી ૭૦ ટકા કચરો દૂર કર્યાનો દાવો કર્યો હતો.

મુંબઈ કૉર્પોરેશનના એક અધિકારીએ જણાવ્યું કે ‘મીઠી નદી, નાની ગટર અને પશ્ચિમી તથા પૂર્વીય સબર્બ્સનું કામ શિડ્યુલ પ્રમાણે થયું છે. જૂના શહેરમાં કામમાં વિલંબ થયો છે, પણ અમે મેના અંત સુધી, ચોમાસા પહેલાં લક્ષ્યાંક પૂરો કરીશું.’

ખાસ કરીને પશ્ચિમી સબર્બ્સની ગટરોનું સફાઈકામ હજી શરૂ થવાનું બાકી છે. એમાંની મોટા ભાગની ગટરો ગોરેગામ, મલાડ અને કાંદિવલી વિસ્તારમાં છે. 

જ્યાં કામ શરૂ થવાનું બાકી છે એવાં નાળાં

ક્લિવલૅન્ડ બંદર, વરલી
એલઆઇસી બૉક્સ ડ્રેઇન, અંધેરી-વેસ્ટ
નંદાદીપ નાળું, ગોરેગામ
બિંબિસાર નગર, ગોરેગામ
નેસ્કો નાળું, ગોરેગામ
રેડિયમ-પહાડી નાળું, ગોરેગામ
જ્ઞાનેશ્વરનગર નાળું, ગોરેગામ
રામનગર નાળું, મલાડ
પંચોલિયા નાળું, કાંદિવલી
અખિલ નાળું, કાંદિવલી

16 May, 2022 09:04 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

મુંબઈગરાંઓ પર પીવાનાં પાણીનું તોળાઈ રહ્યું છે સંકટ, BMC પાસે ઓછો છે સ્ટોક

બૃહન્મુંબઈ મ્યુનિસિપલ કોર્પોરેશન (BMC) ના ડેટાએ મુંબઈમાં પીવાના પાણીની સંભવિત અછતનો સંકેત આપ્યો છે, જેમાં માત્ર 38 દિવસનો પાણીનો સ્ટોક છે.

23 June, 2022 07:57 IST | Mumbai | Gujarati Mid-day Online Correspondent
મુંબઈ સમાચાર

International Yoga Day: BMC વૉર્ડ મધ્ય વૉર્ડે શિવ યોગ કેન્દ્રની કરી શરૂઆત

આ યોગ કેન્દ્ર સોમવારથી મંગળવારે સવારે સાતથી આઠ વાગ્યા સુધી ખુલ્લા રહેશે. યોગ શીખવવા માટે પ્રશિક્ષકોની નિયુક્તિ કરી દેવામાં આવી છે.

21 June, 2022 01:30 IST | Mumbai | Gujarati Mid-day Online Correspondent
મુંબઈ સમાચાર

બીએમસીના ગાર્ડનમાં તમારાં બાળકો જશે તો વાંચતાં થઈ જશે

મુંબઈ સુધરાઈ એમાં કરશે મસ્તમજાનો પ્રયોગ : તમામ ૨૪ વૉર્ડના ગાર્ડનમાં ઓપન લાઇબ્રેરી બનાવશે જેમાં ઇંગ્લિશ, હિન્દી, મરાઠી, ગુજરાતી ભાષાનાં પુસ્તકો, વાર્તાઓ, નૉવેલ અને મૅગેઝિન હશે : અત્યાર સુધીમાં સાત વૉર્ડમાં એ શરૂ થઈ ગઈ છે

19 June, 2022 11:31 IST | Mumbai | Bakulesh Trivedi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK