પરિવારને જાણતો હોવાનો તેણે લાભ લીધો હતો
પ્રતીકાત્મક તસવીર
ડોમ્બિવલીમાં સગીર વયની બાળકી પર ૩૦થી વધુ આરોપીઓએ રેપ કર્યો હોવાની ઘટના હજી તાજી જ છે ત્યાં ભાઈંદરમાં ફક્ત છ વર્ષની બાળકી પર રેપ થયો હોવાની ઘટના બહાર આવતાં રોષનું વાતાવરણ જોવા મળ્યું હતું.
ભાઈંદર-ઈસ્ટમાં ગોલ્ડન નેસ્ટ પરિસરમાં એક સોસાયટીમાં રહેતી છ વર્ષની બાળકી પર પાડોશમાં રહેતા અને પરિવારને જાણતા ૨૨ વર્ષના સચિન ચૌધરીએ બિલ્ડિંગના ટેરેસ પર લઈ જઈને બળાત્કાર કર્યો હોવાની ઘટના સામે આવી હતી. પરિવારને જાણતો હોવાનો તેણે લાભ લીધો હતો. સચિન પ્લમ્બર તરીકે કામ કરતો હતો. બાળકીને પેટમાં દુખાવો થવા લાગ્યો ત્યારે તેણે તેની માતાને ફરિયાદ કરી હતી. તે તેને તપાસ માટે ડૉક્ટર પાસે લઈ ગઈ ત્યારે આ ઘટના પ્રકાશમાં આવી હતી.
ADVERTISEMENT
નવઘર પોલીસ સ્ટેશનના અસિસ્ટન્ટ પોલીસ ઇન્સ્પેક્ટર ગણેશ કેકાણે જણાવ્યું હતું કે ‘બાળકીને સરકારી હૉસ્પિટલમાં દાખલ કરવામાં આવી છે અને તેના મેડિકલ રિપોર્ટની રાહ જોવામાં આવી રહી છે. આરોપી સામે નવઘર પોલીસે આઇપીસીની કલમ ૩૭૬, ૩૬૩, ૫૦૩ અને પોસ્કો હેઠળ ગુનો નોંધીને ધરપકડ કરવામાં આવી હતી. પોલીસે આરોપીને કોર્ટમાં લઈ જતાં તેને ચાર દિવસની પોલીસ-કસ્ટડીનો આદેશ આપવામાં આપ્યો છે.’