° °

આજનું ઇ-પેપર
Thursday, 16 September, 2021


દાદર સ્ટેશન બહાર અડિંગો જમાવી બેઠેલા ફેરિયાઓ દૂર થતાં બેસ્ટની સર્વિસ ફરી શરૂ થઈ

15 September, 2021 08:55 AM IST | Mumbai | Rajendra B Aklekar

અભિનેતા ખુરશીદ જે. લૉયર અને સિનિયર સિટિઝન શેખરચંદ્ર પવાર જેવા સ્થાનિક નાગરિકોએ બેસ્ટ, સુધરાઈ અને પોલીસની સક્રિયતાથી રાહત થઈ હોવાનું જણાવ્યું હતું.

સુધરાઈ દ્વારા દાદર રેલવે સ્ટેશન પાસેના રસ્તા પરથી ફેરિયાઓને હટાવવામાં આવ્યા હતા મંગળવારે સવારે દાદર રેલવે સ્ટેશન પાસેના ફેરિયાઓ હટાવીને બેસ્ટનો બસવ્યવહાર ફરી શરૂ કરાયો હતો.

સુધરાઈ દ્વારા દાદર રેલવે સ્ટેશન પાસેના રસ્તા પરથી ફેરિયાઓને હટાવવામાં આવ્યા હતા મંગળવારે સવારે દાદર રેલવે સ્ટેશન પાસેના ફેરિયાઓ હટાવીને બેસ્ટનો બસવ્યવહાર ફરી શરૂ કરાયો હતો.

બેસ્ટ અન્ડરટેકિંગના અધિકારીઓએ ગઈ કાલે મુંબઈ મહાનગરપાલિકા અને મુંબઈ પોલીસની મદદથી દાદર (પશ્ચિમ)માં રેલવે સ્ટેશન પાસેથી ફેરિયાઓ હટાવ્યા હતા. અડ્ડો જમાવીને બેઠેલા ગેરકાયદે ફેરિયાઓ બસવ્યવહારમાં નડતરરૂપ બનતા હોવાથી તેમને હટાવવામાં આવ્યા હતા. બેસ્ટના જનરલ મૅનેજર લોકેશ ચંદ્રાએ ઘણા દિવસોથી જે રૂટ્સની બસોની અવરજવરમાં મુશ્કેલી હતી એ રૂટ્સમાં ગઈ કાલે સવારે ૭.૧૫ વાગ્યાથી રાબેતા મુજબ અને સરળતાથી બસો દોડતી હોવાનું જણાવ્યું હતું. અભિનેતા ખુરશીદ જે. લૉયર અને સિનિયર સિટિઝન શેખરચંદ્ર પવાર જેવા સ્થાનિક નાગરિકોએ બેસ્ટ, સુધરાઈ અને પોલીસની સક્રિયતાથી રાહત થઈ હોવાનું જણાવ્યું હતું. જોકે તેમણે લાંબા વખતના અનુભવોના આધારે ફેરિયાઓ ફરી એ જગ્યા પર પાછા આવવાની શક્યતા પણ દર્શાવી હતી.
બેસ્ટના પ્રવક્તા મનોજ વરદેએ જણાવ્યું હતું કે ‘દાદર (પશ્ચિમ)માં રેલવે સ્ટેશન પાસેના એમ. સી. જાવળે રોડ પર બેઠેલા ફેરિયાઓ બેસ્ટની બસોની અવરજવરમાં અવરોધરૂપ બનતા હતા. ખાસ કરીને દાદર સ્ટેશનથી વરલી સુધીના રૂટ નંબર એ-૧૧૮ની હેરફેર મુશ્કેલ બની હતી. ગણેશોત્સવની ભીડમાં પરિસ્થિતિ વધારે વણસી હતી, તેથી એ-૧૧૮ના પ્રારંભના ઠેકાણેથી ફેરિયાઓ હટાવવાની કાર્યવાહી મુંબઈ મહાનગરપાલિકાના ડિમોલિશન સ્ક્વૉડ અને પોલીસની મદદથી પાર પાડવામાં આવી હતી. હવે એ વિસ્તારમાં બેસ્ટનો બસવ્યવહાર સરળ બન્યો છે. જોકે આ કાર્યવાહી પહેલાં બેસ્ટે દાદર સ્ટેશનથી સર્વિસ બંધ કરી દીધી હતી.’  

15 September, 2021 08:55 AM IST | Mumbai | Rajendra B Aklekar

અન્ય લેખો

મુંબઈ સમાચાર

સાહિલ ખાને મનોજ પાટીલના આત્મહત્યાના પ્રયાસના કેસમાં મૌન તોડ્યું, કહી આ વાત

સાહિલે આ મામલે પોતાનું મૌન તોડ્યું છે અને સત્તાવાર નિવેદન જાહેર કર્યું છે.

16 September, 2021 07:54 IST | Mumbai | Gujarati Mid-day Online Correspondent
મુંબઈ સમાચાર

મહારાષ્ટ્રના પાલઘરમાં પાણીની ડોલમાં પડી જવાથી એક વર્ષની બાળકીનું મોત

મહારાષ્ટ્રના પાલઘર જિલ્લામાં આકસ્મિક રીતે પાણીની ડોલમાં પડી જતાં એક વર્ષની બાળકીનું મોત નીપજ્યું હતું.

16 September, 2021 07:48 IST | mumbai | Gujarati Mid-day Online Correspondent
મુંબઈ સમાચાર

બીજી વાર ઈન્કમ ટેક્સની ટીમ સોનુ સૂદના ઘરે પહોંચી, ખર્ચ-આવકની તપાસ હાથ ધરી

ગુરુવારે સવારે ફરી એક વખત આવકવેરા વિભાગની ટીમ સર્વે માટે સોનુ સૂદના ઘરે પહોંચી હતી.

16 September, 2021 06:34 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK