° °

આજનું ઇ-પેપર
Sunday, 05 February, 2023


આયુર્વેદના પ્રસારને ફરી માન્યતા મળી રહી છે : મોહન ભાગવત

13 November, 2022 11:49 AM IST | Mumbai
Gujarati Mid-day Correspondent | feedbackgmd@mid-day.com

આયુષ મંત્રાલય દ્વારા આયોજિત આંતરરાષ્ટ્રીય પરિષદ ‘આયુર્વેદ પર્વ’માં બોલતાં મોહન ભાગવતે આ વાત કહી હતી

ફાઇલ તસવીર

ફાઇલ તસવીર

રાષ્ટ્રીય સ્વયંસેવક સંઘના વડા મોહન ભાગવતે ગઈ કાલે જણાવ્યું હતું કે ‘વિદેશી આક્રમણકારોને કારણે અગાઉ આયુર્વેદનો પ્રચાર અટકી ગયો હતો, પરંતુ હવે આ પ્રાચીન ચિકિત્સાપદ્ધતિને ફરી માન્યતા મળી રહી છે. જોકે આયુર્વેદને વૈશ્વિક માન્યતા મળે એ માટે પગલાં લેવાની આવશ્યકતા છે.’  

આયુષ મંત્રાલય દ્વારા આયોજિત આંતરરાષ્ટ્રીય પરિષદ ‘આયુર્વેદ પર્વ’માં બોલતાં મોહન ભાગવતે આ વાત કહી હતી. આ પરિષદમાં કેન્દ્રીય આયુષપ્રધાન સરબનંદ સોનોવાલ અને ગોવાના મુખ્ય પ્રધાન પ્રમોદ સાવંત પણ ઉપસ્થિત હતા. આયુર્વેદ, યોગ, નેચરોપથી, યુનાની, સિદ્ધા અને હોમિયોપથી મળીને આયુષ થાય છે.

આયુર્વેદને કેવી રીતે આગળ લઈ જઈ શકીએ? એવા પોતે  રજૂ કરેલા પ્રશ્નના જવાબમાં તેમણે કહ્યું હતું કે દરેકને સસ્તી અને સરળ તબીબી સારવાર મળવી જોઈએ અને આ માટે આયુર્વેદથી સારો કોઈ વિકલ્પ નથી. વધુમાં તેમણે ઉમેર્યું હતું કે આયુર્વેદની એના શુદ્ધ સ્વરૂપમાં પ્રૅક્ટિસ થવી જોઈએ, જેથી એને આંતરરાષ્ટ્રીય માન્યતા મળી શકે.

આ પ્રસંગે કેન્દ્રીય આયુષપ્રધાન સરબનંદ સોનોવાલે કહ્યું હતું કે છેલ્લાં સાત વર્ષથી આયુર્વેદને આંતરરાષ્ટ્રીય માન્યતા મળી રહી છે. આયુર્વેદને પ્રોત્સાહન આપવા માટે વિશેષ આયુષ મંત્રાલય બનાવવા માટે તેમણે વડા પ્રધાન નરેન્દ્ર મોદીની પ્રશંસા કરતાં કહ્યું હતું કે સારવારની આ પદ્ધતિની અગાઉ અવગણના કરવામાં આવી હતી. 

13 November, 2022 11:49 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

વડા પ્રધાનની મુંબઈ મુલાકાતને લઈને અત્યારથી પોલીસ-બંદોબસ્ત વધારાયો

વડા પ્રધાન નરેન્દ્ર મોદી ૧૦ ફેબ્રુઆરીએ વહોરા સમાજ દ્વારા બનાવવામાં આવેલી અલ જમિયા તસ સૈફિયા યુનિવર્સિટીનું ઉદ્ઘાટન કરવા માટે ફરી આવી રહ્યા છે

31 January, 2023 11:17 IST | Mumbai | Gujarati Mid-day Correspondent
મુંબઈ સમાચાર

નરેન્દ્ર મોદી પર બનેલી વિવાદાસ્પદ ડૉક્યુમેન્ટરી જોવા પર થઈ બબાલ

ટીઆઇએસએસમાં ભારે વિરોધ વચ્ચે સ્ટુડન્ટ્સે કૅમ્પસની અંદર લૅપટૉપમાં બીબીસીની આ ડૉક્યુમેન્ટરી જોઈ : બીજેપીના કાર્યકરોએ એની સામે વિરોધ-પ્રદર્શન કર્યું

29 January, 2023 08:33 IST | Mumbai | Dipti Singh
મુંબઈ સમાચાર

આશિષ શેલારને ધમકીનો પત્ર

મુંબઈ બીજેપીના અધ્યક્ષ અને બાંદરા-પશ્ચિમના વિધાનસભ્ય ઍડ. આશિષ શેલારની ઑફિસમાં ગઈ કાલે એક ધમકીભર્યો પત્ર મળ્યો હતો,

28 January, 2023 08:44 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK