° °

આજનું ઇ-પેપર
Friday, 19 August, 2022


ભાજપના કિરીટ સોમૈયાની કાર પર હુમલોઃ સોમૈયાએ શિવસૈનિકો પર લગાવ્યો આ આરોપ

24 April, 2022 01:26 PM IST | Mumbai
Gujarati Mid-day Online Correspondent | gmddigital@mid-day.com

તેમણે આરોપ લગાવ્યો કે શિવસેનાના ગુંડાઓ તેને મારવા માગે છે.

ફાઇલ તસવીર

ફાઇલ તસવીર

ભારતીય જનતા પાર્ટી (BJP)ના કિરીટ સોમૈયાની કાર પર શનિવારે રાત્રે હુમલો થયો હતો. આ હુમલો શિવસૈનિકો દ્વારા કરવામાં આવ્યો હતો, જેમાં શિવસેનાના એક કાર્યકર્તાએ તેમની કાર પર ચંપલ અને પાણીની બોટલો ફેંકી હતી. ઘટના દરમિયાન શિવસૈનિકોએ તેમની કારને ઘેરી લીધી હતી, આ દરમિયાન કારનો કાચ પણ તૂટી ગયો હતો. દરમિયાન કારમાં બેઠેલા સોમૈયાને ઈજા થઈ હતી, તેમના મોઢામાંથી લોહી નીકળ્યું હતું. તેમણે આરોપ લગાવ્યો કે શિવસેનાના ગુંડાઓ તેને મારવા માગે છે.

સોમૈયાએ રાત્રે પત્રકારોને જણાવ્યું હતું કે “મુંબઈ પોલીસે અગાઉ તેમની એફઆઈઆર નોંધવાની ના પાડી હતી. તેમણે તેના બદલે બોગસ કેસ દાખલ કર્યો, એમ કહીને કે માત્ર એક જ પથ્થર ફેંકવામાં આવ્યો હતો. 70થી 80 શિવસૈનિકોએ મારા પર હુમલો કર્યો, પરંતુ મારા તરફથી માહિતી આપ્યા બાદ પણ ખાર પોલીસ દ્વારા કોઈ કાર્યવાહી કરવામાં આવી ન હતી. આ ત્રીજી વખત છે જ્યારે ઉદ્ધવ ઠાકરેએ મને મારવાનો પ્રયાસ કર્યો.”

વાસ્તવમાં, ભાજપના પૂર્વ સાંસદ કિરીટ સોમૈયા શનિવારે રાત્રે મુંબઈના ખાર પોલીસ સ્ટેશનથી પરત ફરી રહ્યા હતા ત્યારે તેમની એસયુવીને ઘેરી અને શિવસેનાના કાર્યકરો દ્વારા તેમના પર કથિત રીતે હુમલો કરવામાં આવ્યો હતો.

બીજેપી નેતાએ ટ્વિટ કર્યું હતું કે તે શિવસેનાના ‘ગુંડાઓ’ દ્વારા કરવામાં આવેલા હુમલામાં ઘાયલ થયા છે. જોકે, સોમૈયાની ફરિયાદના આધારે બાદમાં બાંદ્રા પોલીસ સ્ટેશનમાં આ અંગે ફરિયાદ નોંધવામાં આવી હતી. સોમૈયા અપક્ષ સાંસદ નવનીત રાણા અને તેમના ધારાસભ્ય પતિ રવિ રાણાને મળવા પોલીસ સ્ટેશન ગયા હતા.

મુંબઈ પોલીસે શનિવારે સાંજે અપક્ષ સાંસદ નવનીત રાણા અને તેના અપક્ષ ધારાસભ્ય પતિ રવિ રાણાની "વિવિધ જૂથો વચ્ચે નફરત ફેલાવવાના" આરોપમાં ધરપકડ કરી હતી. મુંબઈ ઉપનગર ખારમાં બંને નેતાઓના ઘરની સામે દિવસભર ચાલેલા ઘટનાક્રમ બાદ પોલીસે આ કાર્યવાહી કરી હતી.

મહારાષ્ટ્રના મુખ્ય પ્રધાન ઉદ્ધવ ઠાકરેના ખાનગી નિવાસસ્થાન `માતોશ્રી`ની સામે દંપતીએ હનુમાન ચાલીસાના પાઠ કરવાની યોજના મુલતવી રાખ્યાના કલાકો પછી ધરપકડ કરવામાં આવી હતી.

24 April, 2022 01:26 PM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

પન્નાસ ખોકે, એકદમ ઓકે

ગઈ કાલે એકનાથ શિંદે ગ્રુપના વિધાનસભ્યોએ વિધાનભવનમાં એન્ટ્રી મારી ત્યારે કૉન્ગ્રેસ-રાષ્ટ્રવાદી અને શિવસેનાના નેતાઓએ કરી આવી ઘોષણાબાજી

18 August, 2022 09:54 IST | Mumbai | Gujarati Mid-day Correspondent
મુંબઈ સમાચાર

અપના સ્ટ્રાઇક-રેટ ૧૦૦ પર્સન્ટ, અબ તાંડવ હોગા

બીજેપીના નેતા મોહિત કમ્બોજે અનિલ દેશમુખ અને નવાબ મલિક બાદ એનસીપીના એક મોટા નેતા જેલમાં જશે એવી ટ્વીટ કરતાં ખળભળાટ : સિંચાઈ કૌભાંડની તપાસ કરવાની માગણી કરતાં ઇશારો અજિત પવાર તરફ?

18 August, 2022 09:49 IST | Mumbai | Gujarati Mid-day Correspondent
મુંબઈ સમાચાર

‘આલે રે આલે, ગદ્દાર આલે’: વિપક્ષની સામે મહારાષ્ટ્ર વિધાનસભામાં ગુંજ્યો નારો

વિધાનસભા સત્રના પ્રથમ દિવસે વિપક્ષો વિધાનસભાની બહાર આક્રમક દેખાયા હતા

17 August, 2022 02:53 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK