° °

આજનું ઇ-પેપર
Saturday, 20 August, 2022


એપીએમસીના ડ્રાયફ્રૂટ્સના વેપારી સાથે થઈ ૮૨ લાખ રૂપિયાની છેતરપિંડી

10 January, 2022 08:50 AM IST | Mumbai
Mehul Jethva | mehul.jethva@mid-day.com

પહેલાં ૧૫ લાખ રૂપિયાનાં કાજુ, બદામ, અંજીર વગેરે લીધા પછી વિશ્વાસ જીતીને ધીરે-ધીરે આટલા રૂપિયાનો માલ લીધો અને ગૂલ થઈ ગયો : તેની કંપનીનું ઍડ્રેસ પણ બોગસ નીકળ્યું

પ્રતીકાત્મક તસવીર Crime News

પ્રતીકાત્મક તસવીર

એપીએમસીની મસાલા માર્કેટમાં ડ્રાયફ્રૂટ્સના એક વેપારી પાસેથી એક યુવકે ૮૨ લાખ રૂપિયાનાં ડ્રાયફ્રૂટ્સ લઈને છેતરપિંડી કરી હોવાની ઘટના એપીએમસી પોલીસ સ્ટેશનમાં નોંધાવવામાં આવી છે. જોકે હાલમાં કોઈની ધરપકડ કરવામાં આવી નથી. આરોપીએ પહેલાં ૧૫ લાખ રૂપિયાનાં કાજુ, બદામ, અંજીર વગેરે ડ્રાયફ્રૂટ્સ લીધાં હતાં જેના પૈસા તેણે બીજા દિવસે આપી દીધા હતા. એ પછી વેપારીનો વિશ્વાસ જીતીને તેણે ૮૨ લાખ રૂપિયાનો માલ લીધો હતો અને એના પૈસા આપ્યા નહોતા. વેપારીએ તેનો સંપર્ક કરવાની કોશિશ કરી ત્યારે તેનો ફોન-નંબર બંધ આવ્યો હતો. તેણે આપેલા ઑફિસના ઍડ્રેસ પર તપાસ કરતાં ત્યાં તેની કોઈ ઑફિસ ન હોવાનું વેપારીને જાણવા મળ્યું હતું.
મસાલા માર્કેટમાં સેક્ટર ૧૦માં આવેલા એફ-૧૦માં વ્યવસાય કરતા વેપારી અમૃત ઢળવેની એક દલાલ મારફત અનિલ રાજગુરુકર સાથે મુલાકાત થઈ હતી. તેણે પોતાની ઑફિસ કોપરખૈરણેમાં હોવાનું જણાવ્યું હતું. અનિલે પોતાની ઓળખ ડ્રાયફ્રૂટ્સના સપ્લાયર તરીકે આપી હતી અને થાણે, મુંબઈ, નવી મુંબઈમાં તેનો માલ જતો હોવાનું કહ્યું હતું. એ પછી તેને ડ્રાયફ્રૂટ્સની જરૂર હોવાની માહિતી આપી હતી અને પહેલી વખત ૧૫ લાખ રૂપિયાનો માલ લીધો હતો જેનું પેમેન્ટ બીજા દિવસે કરી દીધું હતું. એ પછી વધુ માલ જોઈતો હોવાની લાલચ આપીને ૮૨ લાખ રૂપિયાનો માલ ધીમે-ધીમે કરીને અનિલે લીધો હતો જેના પૈસા આપવા માટે તે ટાળ-ટાળ કરતો હતો. માલ લીધા પછી અનિલે પોતાનો મોબાઇલ બંધ કરી દેતાં અમૃત ઢળવે તેની કંપનીના ઘનસોલી વિસ્તારના ઍડ્રેસ પર પહોંચ્યો હતો. ત્યાં તેને જાણવા મળ્યું કે અહીં આવી કોઈ કંપની જ નથી. એટલે પોતાની સાથે છેતરપિંડી થઈ હોવાનું જાણવા મળતાં તેણે એપીએમસી પોલીસ સ્ટેશનમાં ફરિયાદ નોંધાવી હતી.
એપીએમસી પોલીસ સ્ટેશન એક અધિકારીએ ‘મિડ-ડે’ને કહ્યું હતું કે ‘અમે છેતરપિંડીની ફરિયાદ નોંધીને તપાસ શરૂ કરી છે. જોકે હાલમાં કોઈની ધરપકડ કરવામાં આવી નથી.’

10 January, 2022 08:50 AM IST | Mumbai | Mehul Jethva

અન્ય લેખો

મુંબઈ સમાચાર

અખતરો બની ગયો ખતરો

ઑનલાઇન ઍપ્લિકેશનની જાહેરાત જોઈને ઝવેરી બજારના ગુજરાતી વેપારીએ એ ડાઉનલોડ કરી અને એમાં પોતાની માહિતી ભરી એ પછી મુસીબત શરૂ થઈ : પૈસા ન આપતાં ઑનલાઇન ઍપના રિકવરી એજન્ટોએ તેની પત્નીના ફોટો મૉર્ફ કરીને વાઇરલ કર્યા

19 August, 2022 09:59 IST | Mumbai | Mehul Jethva
મુંબઈ સમાચાર

સુપારી ફેલ, ડૉગી મળી ગયો

સોસાયટી સાથેના ઋણાનુબંધને લીધે ડૉગી ૧૨ દિવસ પછી પાછો આવ્યો : ભાઈંદરમાંથી ગુમ થયેલા ડૉગીને ઍનિમલ ઍક્ટિવિસ્ટોએ ભારે જહેમત લઈને ૪૭ કિલોમીટર દૂર ગોવંડીમાંથી શોધી કાઢ્યો

19 August, 2022 09:26 IST | Mumbai | Mehul Jethva
મુંબઈ સમાચાર

કેબલમાં લીકેજને લીધે કરન્ટ પાણીમાં પાસ થયો અને ટીનેજરનું થયું મૃત્યુ

વિરારમાં રહેતી ૧૫ વર્ષની તનિષ્કા ક્લાસમાં જવા નીકળી ત્યારે વરસાદ પડી રહ્યો હતો અને બિલ્ડિંગની નીચે પાણી ભરાઈ ગયું હતું જેમાં પગ મૂકતાં જ તેને વીજળીનો કરન્ટ લાગ્યો

18 August, 2022 10:49 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK