° °

આજનું ઇ-પેપર
Monday, 08 August, 2022


તમારા સંપર્કમાં છે એ વિધાનસભ્યોનાં નામ જાહેર કરો

29 June, 2022 08:00 AM IST | Mumbai
Gujarati Mid-day Correspondent | feedbackgmd@mid-day.com

શિવસેનાના આદિત્ય ઠાકરે સહિતના નેતાઓ વારંવાર કહી રહ્યા છે કે ગુવાહાટીની હોટેલમાં પહોંચેલા ૨૦ વિધાનસભ્યો તેમના સંપર્કમાં છે એનો એકનાથ શિંદેએ જવાબ માગ્યો

તમારા સંપર્કમાં છે એ વિધાનસભ્યોનાં નામ જાહેર કરો

તમારા સંપર્કમાં છે એ વિધાનસભ્યોનાં નામ જાહેર કરો

મુંબઈ : શિવસેનાના આદિત્ય ઠાકરે સહિતના નેતાઓ વારંવાર દાવો કરી રહ્યા છે કે ગુવાહાટીની હોટેલમાં એકનાથ શિંદે સાથેના ૨૦ વિધાનસભ્યો ઉદ્ધવ ઠાકરેની શિવસેનાના સંપર્કમાં છે. એકનાથ શિંદેએ ગુવાહાટીની હોટેલની બહાર પત્રકારોને કહ્યું હતું કે ‘તેમણે આ વિધાનસભ્યોનાં નામ જાહેર કરવા જોઈએ. હોટેલમાં ૫૦ વિધાનસભ્યો છે અને તેઓ તેમની મરજીથી અહીં હિન્દુત્વને આગળ વધારવા અમારી સાથે આવ્યા છે. તેઓ અફવા ફેલાવીને લોકોને ગેરમાર્ગે દોરવાનો પ્રયાસ કરી રહ્યા છે.’
૨૨ જૂનથી ગુવાહાટીની રેડિસન બ્લુ હોટેલમાં રોકાયેલા એકનાથ શિંદેએ કહ્યું હતું કે ‘ઉદ્ધવ ઠાકરે સાથેના નેતાઓ તેમની સાથે હોટેલમાં અમારી સાથે રોકાયેલા પચાસમાંથી વીસ વિધાનસભ્યો સંપર્કમાં હોવાનો સતત દાવો કરી રહ્યા છે. જો તેમની વાતમાં તથ્ય હોય તો તેમણે નામ જાહેર કરવાં જોઈએ. અમે બાળાસાહેબ ઠાકરેના સપનાની શિવસેનાને આગળ વધારવા માટે અહીં એકત્રિત થયા છીએ. હિન્દુત્વતરફી અમારું વલણ રહેશે. આથી ચિંતા કરવાની કોઈ જરૂર નથી. બધા વિધાનસભ્યો ખુશ હોવાની સાથે મજામાં છે. અહીં આવેલા બધા અંગત સ્વાર્થ માટે નહીં, પણ શિવસેનાને બચાવવા માટે આવ્યા છીએ.’
૨૨ જૂને ગુવાહાટીની રેડિસન બ્લુ હોટેલમાં આવ્યા બાદ એકનાથ શિંદેએ ગઈ કાલે પહેલી વખત હોટેલના ગેટ પર આવીને પત્રકારો સાથે વાતચીત કરી હતી. 
ઉદ્ધવ ઠાકરેના પત્રનો શું અર્થ?
ઉદ્ધવ ઠાકરેએ બધા વિધાનસભ્યોને મુંબઈમાં સામે આવીને વાત કરવાનો પત્ર લખ્યા બાદ ગઈ કાલે મોડી સાંજે એકનાથ શિંદેએ ટ્વીટ કરીને આદિત્ય ઠાકરે અને સંજય રાઉતને નિશાના પર લીધા હતા. તેમણે ઉદ્ધવ ઠાકરેને સંબોધીને ટ્વીટમાં લખ્યું હતું કે ‘એક તરફ તમારા પુત્ર અને પ્રવક્તા વંદનીય બાળાસાહેબના શિવસૈનિકોને ડુક્કર, નાળાની ગંદકી, ઘેટાં, કૂતરાં, જાહીલ અને મૃતદેહ કહેવાની સાથે તેમના બાપ પર જાય છે તો બીજી બાજુ માત્ર હિન્દુવિરોધી મહાવિકાસ આઘાડી સરકાર બચાવવા માટે આ જ વિધાનસભ્યોને સુલેહ કરવા માટેનું તમે આહવાન કરો છો. આનો શું અર્થ?’

29 June, 2022 08:00 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

BJP સાથે આવવા માટે તૈયાર હતા ઉદ્ધવ, PM સાથે કરી હતી વાત- શિંદે જૂથના નેતાનો દાવો

દીપક પ્રમાણે આ મામલે ઉદ્ધવ ઠાકરેની પીએમ મોદી સાથે પણ વાતચીત ચાલી હતી. દીપક કેસરકરે શુક્રવારે મુંબઈમાં પ્રેસ કૉન્ફ્રેન્સમાં કહ્યું કે નારાયણ રાણેના કેન્દ્રીય મંત્રીમંડળમાં ગયા પછી આ મામલો અટક્યો.

05 August, 2022 09:19 IST | Mumbai | Gujarati Mid-day Online Correspondent
મુંબઈ સમાચાર

સંજય રાઉતની ધરપકડ બાદ ઉદ્ધવ ઠાકરેએ ફરી સંભાળ્યું `સામના`નાં મુખ્ય સંપાદકનું પદ

ઉદ્ધવ ઠાકરેએ મહારાષ્ટ્રના મુખ્યપ્રધાન તરીકેનો કાર્યભાર સંભાળ્યા બાદ `દૈનિક સામના`ના સંપાદનથી દૂર રહેવાનો નિર્ણય લીધો હતો

05 August, 2022 03:42 IST | Mumbai | Gujarati Mid-day Online Correspondent
મુંબઈ સમાચાર

બળવા બાદ ઠાકરે જીત્યા મહારાષ્ટ્રમાં પહેલી લડાઈ, BJPને ઝટકો, શિંદે પણ ખુશ

શિવસેનાના ઉદ્ધવ ઠાકરેના જૂથે સોલાપુર જિલ્લાની બે ગ્રામ પંચાયતોની ચૂંટણીમાં બીજેપીને મોટો ઝટકો આપ્યો છે.

05 August, 2022 02:55 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK