આગમાં કોઈની જાનહાનિ કે કોઈના જખમી થવાના અહેવાલ નથી. ફાયર બ્રિગેડના જવાનો ૧૪મા માળની ઉપરના માળે ફસાયેલા ૧૬ જણને બચાવી સુરક્ષિત નીચે લઈ આવ્યા હતા.
બાંદરા-વેસ્ટના બૅન્ડ-સ્ટૅન્ડ પર આવેલા ૨૧ માળના જીવેશ બિલ્ડિંગના ૧૪મા માળે આવેલા ફ્લૅટમાં ગઈ કાલે ભયાનક આગ ફાટી નીકળી હતી.
ADVERTISEMENT
ફાયર બ્રિગેડના ચીફ એચ. બી. પરબે ‘મિડ-ડે’ને કહ્યું હતું કે ‘અમે આગ પર તો કાબૂ મેળવી લીધો હતો. જોકે એમ છતાં બહુ જ હીય હતી અને દીવાલો પણ ગરમ થઈ ગઈ હતી. અંદરની સાઇડમાં ખૂણેખાંચરે ક્યાક પણ આગ ન રહી જાય એ માટે સતત પાણીનો મારો ચલાવવામાં આવ્યો હતો. ૧૩ અને ૧૪ માળે ડુપ્લેક્સ ફ્લૅટ હતો એમાં એ આગ લાગી હતી. એની ઉપરના માળે ફસાયેલા રહેવાસીઓને અમારા જવાનો આગ ઓલવાયા બાદ સ્ટેરકેસ પરથી સુરક્ષિતપણે નીચે લઈ આવ્યા હતા.’