° °

આજનું ઇ-પેપર
Thursday, 16 September, 2021


હાઈ કોર્ટની ડિવિઝન બેન્ચ હાથ ધરશે અનિલ દેશમુખની યાચિકાની સુનાવણી

15 September, 2021 08:40 AM IST | Mumbai | Agency

અનિલ દેશમુખે ચાલુ મહિનાના પ્રારંભમાં પિટિશન દાખલ કરીને એન્ફોર્સમેન્ટ ડિરેક્ટરેટ (ઈડી) દ્વારા તેમને જારી કરવામાં આવેલા પાંચ સમન્સ રદ કરવાની માગણી કરી હતી.

અનિલ દેશમુખ

અનિલ દેશમુખ

મુંબઈ : (પીટીઆઇ) બૉમ્બે હાઈ કોર્ટે મંગળવારે જણાવ્યું હતું કે મની લૉન્ડરિંગ કેસમાં એન્ફોર્સમેન્ટ ડિરેક્ટરેટ દ્વારા રાજ્યના ભૂતપૂર્વ ગૃહપ્રધાન અનિલ દેશમુખને જારી કરવામાં આવેલા સમન્સ સામે તેમના દ્વારા દાખલ કરવામાં આવેલી પિટિશનની સુનાવણી સિંગલ જજની બેન્ચના સ્થાને (બે જજોને સમાવતી) એની ડિવિઝન બેન્ચ હાથ ધરશે.
જસ્ટિસ એસ. કે. શિન્દેની સિંગલ બેન્ચે જણાવ્યું હતું કે હાઈ કોર્ટના રજિસ્ટ્રી વિભાગ દ્વારા વાંધો ઉઠાવવામાં આવ્યો હતો કે યાચિકાની સુનાવણી ડિવિઝન બેન્ચ દ્વારા હાથ ધરાય એ ઉચિત છે. જસ્ટિસ એસ. કે. શિન્દેએ રજિસ્ટ્રી ડિપાર્ટમેન્ટને અનિલ દેશમુખની પિટિશન યોગ્ય ડિવિઝન બેન્ચ સમક્ષ સુનાવણી માટે રજૂ કરવાનો આદેશ કર્યો હતો.
અનિલ દેશમુખે ચાલુ મહિનાના પ્રારંભમાં પિટિશન દાખલ કરીને એન્ફોર્સમેન્ટ ડિરેક્ટરેટ (ઈડી) દ્વારા તેમને જારી કરવામાં આવેલા પાંચ સમન્સ રદ કરવાની માગણી કરી હતી.
ગયા સપ્તાહે જ્યારે પિટિશન સુનાવણી માટે જસ્ટિસ એસ. કે. શિન્દે સમક્ષ આવી ત્યારે ઈડી વતી ઉપસ્થિત સૉલિસિટર જનરલ ઑફ ઇન્ડિયા તુષાર મહેતાએ રજિસ્ટ્રી ડિપાર્ટમેન્ટની નોંધ તરફ હાઈ કોર્ટનું ધ્યાન દોર્યું હતું, જેમાં જણાવવામાં આવ્યું હતું કે આ પિટિશનની સુનાવણી ડિવિઝન બેન્ચ દ્વારા થવી જોઈએ.
અનિલ દેશમુખ વતી ઉપસ્થિત સિનિયર કાઉન્સેલ વિક્રમ અને ઍડ્વોકેટ અનિકેત નિકમે જણાવ્યું હતું કે સિંગલ બેન્ચ યાચિકાની સુનાવણી કરવાનું અધિકાર ક્ષેત્ર ધરાવે છે. ત્યારે અદાલતે આ મામલાની વિચારણા કરીને આદેશ પસાર કરવાનું જણાવ્યું હતું.

15 September, 2021 08:40 AM IST | Mumbai | Agency

અન્ય લેખો

મુંબઈ સમાચાર

સાહિલ ખાને મનોજ પાટીલના આત્મહત્યાના પ્રયાસના કેસમાં મૌન તોડ્યું, કહી આ વાત

સાહિલે આ મામલે પોતાનું મૌન તોડ્યું છે અને સત્તાવાર નિવેદન જાહેર કર્યું છે.

16 September, 2021 07:54 IST | Mumbai | Gujarati Mid-day Online Correspondent
મુંબઈ સમાચાર

મહારાષ્ટ્રના પાલઘરમાં પાણીની ડોલમાં પડી જવાથી એક વર્ષની બાળકીનું મોત

મહારાષ્ટ્રના પાલઘર જિલ્લામાં આકસ્મિક રીતે પાણીની ડોલમાં પડી જતાં એક વર્ષની બાળકીનું મોત નીપજ્યું હતું.

16 September, 2021 07:48 IST | mumbai | Gujarati Mid-day Online Correspondent
મુંબઈ સમાચાર

બીજી વાર ઈન્કમ ટેક્સની ટીમ સોનુ સૂદના ઘરે પહોંચી, ખર્ચ-આવકની તપાસ હાથ ધરી

ગુરુવારે સવારે ફરી એક વખત આવકવેરા વિભાગની ટીમ સર્વે માટે સોનુ સૂદના ઘરે પહોંચી હતી.

16 September, 2021 06:34 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK