° °

આજનું ઇ-પેપર
Tuesday, 27 September, 2022


ડીઆરઆઇએ ઑપરેશન ગોલ્ડ રશ હેઠળ ૬૫.૪૬ કિલો સોનું પકડ્યું

22 September, 2022 10:18 AM IST | Mumbai
Gujarati Mid-day Correspondent | feedbackgmd@mid-day.com

ડીઆરઆઇએ આ કાર્યવાહી હેઠળ વિદેશી બનાવટનાં સોનાનાં ૩૪૯ બિસ્કિટ જપ્ત કર્યાં હતાં

ડીઆરઆઇએ સોનાનાં ૩૪૯ બિસ્કિટ જપ્ત કર્યાં હતાં

ડીઆરઆઇએ સોનાનાં ૩૪૯ બિસ્કિટ જપ્ત કર્યાં હતાં

ડિરેક્ટરેટ ઑફ રેવન્યુ ઇન્ટેલિજન્સ (ડીઆરઆઇ)એ મુંબઈ, દિલ્હી અને પટનાથી ઑપરેશન ગોલ્ડ રશ હેઠળ ૩૩.૪૦ કરોડ રૂપિયાની કિંમતનું  ૬૫.૪૬ કિલો દાણચોરીથી લાવવામાં આવેલું સોનું ઝડપી લીધું હતું. ડીઆરઆઇએ આ કાર્યવાહી હેઠળ વિદેશી બનાવટનાં સોનાનાં ૩૪૯ બિસ્કિટ જપ્ત કર્યાં હતાં. દેશના નાણાં મંત્રાલય દ્વારા એવું જણાવવામાં આવ્યું છે કે પાડોશના ઉત્તર-પૂર્વીય દેશમાંથી આ સોનું દાણચોરીથી દેશમાં ઘુસાડવામાં આવ્યું હતું.  

ગુપ્ત એજન્સીઓને એવી માહિતી મળી હતી કે સોનાની દાણચોરી કરતી એક સિન્ડિકેટ ઍક્ટિવ થઈ છે અને એ મિઝોરમમાંથી સોનું ઘુસાડે છે અને સ્થાનિક કુરિયર દ્વારા લૉજિસ્ટિક કંપની દ્વારા દેશના અન્ય ભાગોમાં સપ્લાય કરાય છે. એથી આ સંદર્ભે ઝીણવટભરી તપાસ હાથ ધરાઈ હતી અને એને ઝડપી લેવા ઑપરેશન ગોલ્ડ રશ હાથ ધરવામાં આવ્યું હતું.  

ઑપરેશન ગોલ્ડ રશ હેઠળ મળેલી માહિતી અંતર્ગત ભિવંડીમાં ‘પર્સનલ ગુડ્સ’ના ઓઠા હેઠળ મોકલવામાં આવેલા એક કન્સાઇન્ટમેન્ટને તપાસવામાં આવતાં એમાંથી ૧૦.૧૮ કરોડ રૂપિયાનાં સોનાનાં ૧૨૦ બિસ્કિટ મળી આવ્યાં હતાં, જેનું કુલ વજન ૧૯.૯૩  કિલો થતું હતું.

એ પછી એ કન્સાઇન્ટમેન્ટની વિગતો તપાસતાં એ જ લૉજિસ્ટિક કંપની દ્વારા એ જ પાર્ટીએ મોકલાવેલાં બે અન્ય કન્સાઇન્મેન્ટની પણ તપાસ હાથ ધરાઈ હતી. એક કન્સાઇન્મેન્ટ પટનાથી રિકવર કરાયું હતું, જેમાં ૧૭૨ સોનાનાં બિસ્કિટ હતાં. એનું વજન ૨૮.૫૭ કિલો હતું અને એની કિંમત ૧૪.૫૦ કરોડ રૂપિયા થતી હતી. એ પ્રમાણે ત્રીજું કન્સાઇન્મેન્ટ દિલ્હીમાં એ લૉજિસ્ટિક કંપનીના મુખ્ય ગોડાઉનમાંથી જપ્ત કરાયું હતું. એમાં સોનાનાં ૧૦૨ બિસ્કિટ હતાં. આમ કુલ મળી ૬૫.૪૬ કિલો દાણચોરીનું સોનું ડીઆરઆઇએ જપ્ત કર્યું હતું. આ સંદર્ભે વધુ તપાસ ચાલી રહી છે. 

22 September, 2022 10:18 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Thane: એક મહિનાની માસૂમ બાળકીને છીનવવા ગયો વાંદરો, માએ બચાવ્યો જીવ

માતાએ બહાદુરી બતાવીને છોકરીને જોઈન્ટથી પકડી લીધી અને છોકરીને વાંદરાના હાથથી બચાવી

26 September, 2022 09:10 IST | Mumbai | Gujarati Mid-day Online Correspondent
મુંબઈ સમાચાર

નાના બાળકોને છે વધારે ઊંઘની જરૂર, પ્રાઇમરી સ્કૂલમાં થશે મોટા ફેરફાર- મહા. સરકાર

પ્રાઈમરી સ્કૂલના બાળકોને વધારે ઊંઘની જરૂર હોય છે તો આ સમય દરમિયાન મગજનો સૌથી વધારે વિકાસ થતો હહોય છે. જેને જોતાં તેમના સ્કૂલના સમયમાં ફેરફાર કરવો જોઈએ. 

26 September, 2022 08:11 IST | Mumbai | Gujarati Mid-day Online Correspondent
મુંબઈ સમાચાર

શિંદે જૂથમાં જોડાયા બાળાસાહેબના સૌથી વિશ્વાસુ સહાયક ચંપાસિંહ થાપા

ઠાકરે પરિવાર માટે આ સૌથી મોટો આઘાત

26 September, 2022 08:04 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK