નાટો સભ્યપદ માટે અરજી કરશે યુક્રેન: દેશના ચાર ભાગો રશિયામાં જોડાયા બાદ ઝેલેન્સકીનું નિવેદન

યુક્રેનના રાષ્ટ્રપતિ વોલોડીમિર ઝેલેન્સકીએ શુક્રવારે (30 સપ્ટેમ્બર) જણાવ્યું હતું કે કિવ નાટોના ફાસ્ટ ટ્રેક સભ્યપદ માટે વિનંતી કરી રહ્યું છે

ફાઇલ તસવીર

યુક્રેનના રાષ્ટ્રપતિ વોલોડીમિર ઝેલેન્સકીએ કહ્યું છે કે તેમનો દેશ નાટોના સભ્યપદ માટે અરજી કરશે. ઝેલેન્સકીએ કહ્યું કે કિવએ નાટોને તાત્કાલિક સભ્યપદ માટે વિનંતી કરી છે. તેમણે કહ્યું કે જ્યાં સુધી વ્લાદિમીર પુતિન સત્તામાં છે ત્યાં સુધી યુક્રેન રશિયા સાથે વાત નહીં કરે.

યુક્રેનના રાષ્ટ્રપતિ વોલોડીમિર ઝેલેન્સકીએ શુક્રવારે (30 સપ્ટેમ્બર) જણાવ્યું હતું કે કિવ નાટોના ફાસ્ટ ટ્રેક સભ્યપદ માટે વિનંતી કરી રહ્યું છે. નાટોના સભ્યપદ અંગે ઝેલેન્સકીનું નિવેદન રશિયા દ્વારા યુક્રેનના ચાર ભાગો - લુહાન્સ્ક, ડોનેત્સ્ક, ઝાપોરિઝિયા અને ખેરસનના જોડાણની જાહેરાત પછી આવ્યું છે.

ADVERTISEMENT

નાટો સભ્યપદ અરજી પર હસ્તાક્ષર કર્યા

યુક્રેનિયન રાષ્ટ્રપતિ દ્વારા સોશિયલ મીડિયા પર પોસ્ટ કરવામાં આવેલા એક વીડિયોમાં ઝેલેન્સકી કહેતા જોવા મળે છે કે, "અમે ગઠબંધનના ધોરણો સાથે અમારી સુસંગતતા સાબિત કરી દીધી છે. અમે નાટોમાં મળવા માટેની અરજી પર હસ્તાક્ષર કરીને નિર્ણાયક પગલું ભરી રહ્યા છીએ.”

પુતિને શું કહ્યું?

શુક્રવારે જ રશિયાના રાષ્ટ્રપતિ વ્લાદિમીર પુતિને ક્રેમલિનમાં આયોજિત એક કાર્યક્રમમાં યુક્રેનના ચાર ભાગોને રશિયા સાથે વિલીનીકરણની જાહેરાત કરી હતી અને સાથે જ કહ્યું હતું કે કિવ તાત્કાલિક અસરથી સૈન્ય કાર્યવાહી બંધ કરીને વાટાઘાટના ટેબલ પર આવે છે. પુતિને ચારેય ભાગોના લોકોને રશિયન નાગરિક ગણાવ્યા. તેમણે કહ્યું કે “તે ભાગોમાં રહેતા તમામ ભાઈ-બહેનો એક જ લોકો છે. રશિયા સોવિયત સંઘનું પુનઃગઠન કરવા જઈ રહ્યું નથી પરંતુ મર્જ થયેલા ભાગો યુક્રેનને પાછા નહીં આપે.”