° °

આજનું ઇ-પેપર
Friday, 30 July, 2021


કોરોના વૅક્સિનના બે ડોઝ વચ્ચેનું અંતર વધારવાથી સંક્રમણનું જોખમ વધી શકે

13 June, 2021 12:45 PM IST | Washington | Agency

અમેરિકાના કોરોના એક્સપર્ટ ડૉ. એન્થની ફાઉચીનું મોટું નિવેદન

ડૉ. એન્થની ફાઉચી

ડૉ. એન્થની ફાઉચી

અમેરિકાના કોરોના એક્સપર્ટ અને રાષ્ટ્રપતિના મેડિકલ એડવાઇઝર ડૉક્ટર એન્થની ફાઉચીએ કહ્યું કે વધુ લોકોને વૅક્સિન ન લાગી હોય તો ડેલ્ટા વેરિઅન્ટવાળા કોઈ પણ દેશમાં ચિંતા થવી વાજબી છે. તેમણે આ વાત એક ન્યુઝ ચૅનલ સાથેની વાતચીત દરમ્યાન કહી છે. તેમણે કહ્યું કે કોરોના વૅક્સિનના બે ડોઝ વચ્ચેનું અંતર વધારવાથી લોકોની વાઇરસના વેરિઅન્ટના સકંજામાં આવવાની સંભાવના વધી શકે છે. ડૉ. ફાઉચીએ અમેરિકામાં કોરોના વૅક્સિન વચ્ચેના અંતરને લઈ પૂછવામાં આવેલા સવાલના જવાબમાં આ વાત કહી.

ઉલ્લેખનીય છે કે ફાઇઝરની વૅક્સિન માટે બે ડોઝ વચ્ચેનું અંતર ૩ અઠવાડિયાં અને મોડર્નાની વૅક્સિન વચ્ચેનું અંતર ૪ અઠવાડિયાંનું છે. જોકે ડૉ. ફાઉચીએ કહ્યું કે કોરોનાની વૅક્સિન વચ્ચેનું અંતર એવી સ્થિતિમાં સારું છે જ્યારે કોઈ દેશ વૅક્સિન પૂરી પાડવાને લઈ મુશ્કેલીનો સામનો કરી રહ્યો હોય. ડૉક્ટર ફાઉચી અમેરિકાના રાષ્ટ્રપતિ જો બાઈડનના મેડિકલ સલાહકાર પણ છે.

જણાવી દઈએ કે ગયા મહિને ભારતની મોદી સરકારે એસ્ટ્રાઝેનેકાની વૅક્સિન કોવિશીલ્ડના બે ડોઝ વચ્ચેનું અંતર ૬-૮ અઠવાડિયાંથી વધારીને ૧૨-૧૬ અઠવાડિયાંનું કર્યું હતું. 

ડૉ. ફાઉચીએ અમેરિકામાં કોરોના વાઇરસની સ્થિતિને લઈ કહ્યું કે કોરોના વાઇરસ વૅક્સિનેશનને લઈ અમેરિકા સારી કામગીરી કરી રહ્યું છે. 
ડેલ્ટા વેરિઅન્ટને લઈ તેમનું કહેવું છે કે આ સ્ટ્રેન ભારતનાં ઘણાં રાજ્યોમાં જોવા મળ્યો છે જે ખૂબ જ ઝડપથી ફેલાઈ રહ્યો છે. જે દેશમાં આ વેરિઅન્ટ છે તેણે આનાથી છુટકારો મેળવવા માટે ખાસ તૈયારી કરવાની જરૂર છે.

13 June, 2021 12:45 PM IST | Washington | Agency

અન્ય લેખો

ઈન્ટરનેશનલ સમાચાર

અમેરિકામાં કોરોના બૉમ્બ ફૂટ્યોઃ ડેલ્ટા વેરિઅન્ટથી ૨૪ કલાકમાં ૬૧,૦૦૦ નવા કેસ

દુનિયાભરમાં મંગળવારે પાંચ લાખ ૭૭ હજાર ૩૪૮ લોકોના કોરોના રિપોર્ટ પૉઝિટિવ આવ્યા હતા. એ દરમિયાન ૪ લાખ ૪૬ હજાર ૫૦૭ દરદી કોરોનાથી સાજા થયા છે. ૯૪૬૦ દરદીનાં કોરોનાને કારણે મોત થયાં છે.

29 July, 2021 12:08 IST | Washington | Agency
ઈન્ટરનેશનલ સમાચાર

ટોક્યોમાં કોરોના કેસમાં ઓચિંતો વધારો : સૌથી મોટો ૨૮૪૮નો દૈનિક આંક

ઑલિમ્પિક્સ થઈ એના ગણતરીના દિવસોમાં નવા કેસની દૈનિક સંખ્યા પોણાત્રણ હજારથી પણ વધી જવી એ જપાન માટે મોટી ચિંતાનો વિષય છે.

28 July, 2021 12:24 IST | Tokyo | Agency
ઈન્ટરનેશનલ સમાચાર

ઇન્ડોનેશિયામાં બાળકો માટે ડેલ્ટા વેરિઅન્ટ ‘કાળ’ : વીકમાં ૧૦૦ મોત

ઇન્ડોનેશિયામાં બાળકોના મોતની ટકાવારી દુનિયાના અન્ય ભાગોની સરખામણીએ ઘણી વધારે છે. અત્યાર સુધી એવું કહેવામાં આવી રહ્યું હતું કે બાળકોને કોરોના મહામારીથી સૌથી ઓછો ખતરો હોય છે.

27 July, 2021 03:37 IST | Jakarta | Agency

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK