° °

આજનું ઇ-પેપર
Wednesday, 26 January, 2022


યુએસએના ડેવિડ બેનેટમાં હવે ધડકે છે એક ડૂક્કરનું હ્રદય, થઇ સફળ સર્જરી

11 January, 2022 01:02 PM IST | Washington | Gujarati Mid-day Online Correspondent

આ ટ્રાન્સપ્લાન્ટ કરનાર મેડિકલ ટીમે આ કામ ઘણા વર્ષોના રિસર્ચના આધારે કર્યું છે, જે હવે વિશ્વનાં ઘણાં હાર્ટ પેશન્ટના જીવનને બદલી શકે છે

તસવીર : એ.એફ.પી.

તસવીર : એ.એફ.પી.

યુએસની એક વ્યક્તિ વિશ્વની પ્રથમ વ્યક્તિ બની છે જેના શરીરમાં હવે  જીનેટિકલી મોડિફાઇડ ડુક્કરનું હ્રદય ટ્રાન્સપ્લાન્ટ કરાયું છે. યુએસએના ડૉકટરોએ કહ્યું છે કે 57 વર્ષીય ડેવિડ બેનેટ બાલ્ટીમોરમાં સાત કલાકની શસ્ત્રપ્રક્રિયા પછી ત્રણ દિવસ પછી હાલમાં રિકવર થઇ રહ્યા છે. 

આ ટ્રાન્સપ્લાન્ટ બેનેટની જીવન બચાવવાની છેલ્લી આશા હતી. જો કે, હજુ સુધી એ સ્પષ્ટ નથી થયું કે તેઓના જીવિત રહેવાની શક્યતા ક્યાં સુધી છે. બેનેટે સર્જરીના આગલા દિવસે કહ્યું હતું કે `આ ટ્રાન્સપ્લાન્ટ જીવો કે મરો` જેવું છે. તેમણે કહ્યું, "હું જાણું છું કે તે અંધારામાં તીર મારવા જેવું છે, પરંતુ આ મારી છેલ્લી તક છે."

જો બેનેટની આ સર્જરી ન થઈ હોત તો તે મૃત્યુ પામ્યા હોત, તેના આધારે યુએસ હેલ્થ રેગ્યુલેટર દ્વારા યુનિવર્સિટી ઓફ મેરીલેન્ડ મેડિકલ સેન્ટરના ડોકટરોને આ પ્રક્રિયા માટે વિશેષ છૂટ આપવામાં આવી હતી.

આ ટ્રાન્સપ્લાન્ટ કરનાર મેડિકલ ટીમે આ કામ ઘણા વર્ષોના રિસર્ચના આધારે કર્યું છે, જે હવે વિશ્વનાં ઘણાં હાર્ટ પેશન્ટના જીવનને બદલી શકે છે. યુનિવર્સિટી ઓફ મેરીલેન્ડ સ્કૂલ ઓફ મેડિસિને સર્જન બાર્ટલી પી. ગ્રિફિથને ટાંકીને એક નિવેદનમાં જણાવ્યું હતું કે સર્જરીએ વિશ્વને "અંગોની અછતની કટોકટીના પ્રશ્નને ઉકેલવા જાણે એક પગલું નજીક લાવી દીધા છે."

યુ.એસ.માં, ટ્રાન્સપ્લાન્ટની રાહ જોતાં દરરોજ 17 લોકો મૃત્યુ પામે છે અને 1 લાખથી વધુ લોકો ટ્રાન્સપ્લાન્ટ માટે રાહ જોઈ રહેલાના લિસ્ટમાં છે.

આ ગેપને ભરવા માટે પ્રાણીઓના અંગોનો ઉપયોગ કરવાની શક્યતા લાંબા સમયથી તપાસવામાં આવી રહી હતી અને તેને ઝેનોટ્રાન્સપ્લાન્ટેશન કહેવામાં આવે છે. ડુક્કરના હાર્ટ વાલ્વનો ઉપયોગ હવે સામાન્ય બની ગયો છે.

ઑક્ટોબર 2021 માં, ન્યુ યોર્કના સર્જનોએ જાહેરાત કરી કે તેઓએ એક વ્યક્તિમાં ડુક્કરની કિડની સફળતાપૂર્વક ટ્રાન્સપ્લાન્ટ કરી છે. તે સમયે આ ઓપરેશન આ વિસ્તારમાં સૌથી અદ્યતન પ્રયોગ હતો. જો કે, તે સમયે જે વ્યક્તિમાં તેનું ટ્રાન્સપ્લાન્ટ કરવામાં આવ્યું હતું તે બ્રેઈન ડેડ હતી અને તેના સાજા થવાની કોઈ આશા નહોતી.

11 January, 2022 01:02 PM IST | Washington | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

Viral Video: અરે બાપ રે, અમેરિકન પ્રેસિડન્ટ આ શું બોલી ગયા? પત્રકારને ગાળ આપી?

અમેરિકામાં વધી રહેલી મોંઘવારી પર પ્રશ્ન પૂછાયો અને રાષ્ટ્રપતિ જો બાઇડનની છટકી ગઇ, તેમણે પત્રકારને એક મસ્ત સંભળાવી દીધી

25 January, 2022 01:03 IST | Mumbai | Gujarati Mid-day Online Correspondent
ઈન્ટરનેશનલ સમાચાર

WHOએ ફરી ચેતવ્યા- "એ માનવું જોખમી છે કે ઑમિક્રૉન કોરોનાનો છેલ્લો વેરિએન્ટ હશે"

વિશ્વના અનેક દેશોમાં જાહેર કોરોના સંકટ વચ્ચે ફરી એકવાર વિશ્વ સ્વાસ્થ્ય સંગઠન તરફથી ચેતવણી આપવામાં આવી છે. WHOએ કહ્યું કે હાલ એ માનવું ખૂબ જ જોખમી છે કે ઑમિક્રૉન કોરોના વાયરસનું છેલ્લું વેરિએન્ટ હશે.

24 January, 2022 08:50 IST | Mumbai | Gujarati Mid-day Online Correspondent
ઈન્ટરનેશનલ સમાચાર

ન્યુ ઝીલૅન્ડના વડા પ્રધાને પોતાનાં લગ્ન કૅન્સલ કર્યાં, કારણઃ કોરોનાના નિયમો

બાર અને રેસ્ટોરાં જેવાં ઇનડોર સ્થળો તેમ જ વેડિંગ જેવા પ્રસંગોએ મહત્તમ ૧૦૦ લોકો જ એકત્ર થઈ શકશે

24 January, 2022 10:20 IST | Wellington / Sydney | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK