° °

આજનું ઇ-પેપર
Saturday, 13 August, 2022


ઝવાહિરીના ટાર્ગેટ પર અમેરિકનો રહ્યા

03 August, 2022 08:55 AM IST | Mumbai
Gujarati Mid-day Correspondent | feedbackgmd@mid-day.com

૧૯૯૮માં કેન્યા અને ટાન્ઝાનિયામાં અમેરિકન દૂતાવાસો પર સુસાઇડ બૉમ્બિંગ્સથી અમેરિકા પર હુમલાઓની શરૂઆત થઈ હતી. આ હુમલાઓમાં ૨૦૦થી વધુ લોકોનાં મોત નીપજ્યાં હતાં અને પાંચ હજારથી વધુને ઈજા થઈ હતી.

 અલ-જવાહિરી

અલ-જવાહિરી

વૉશિંગ્ટનઃ અલ ઝવાહિરીના ટાર્ગેટ પર અમેરિકનો જ રહ્યા છે. ૧૯૯૮માં કેન્યા અને ટાન્ઝાનિયામાં અમેરિકન દૂતાવાસો પર સુસાઇડ બૉમ્બિંગ્સથી અમેરિકા પર હુમલાઓની શરૂઆત થઈ હતી. આ હુમલાઓમાં ૨૦૦થી વધુ લોકોનાં મોત નીપજ્યાં હતાં અને પાંચ હજારથી વધુને ઈજા થઈ હતી. યમનમાં ઑક્ટોબર ૨૦૦૦માં અમેરિકન સૈનિકો પર ભીષણ હુમલો કરવામાં આવ્યો હતો, જેમાં ૧૭ અમેરિકન સૈનિકોનાં મોત નીપજ્યાં હતાં. 
૧૧ સપ્ટેમ્બર, ૨૦૦૧ના થયેલા આતંકવાદી હુમલાનું કાવતરું ઘડવામાં મુખ્યત્વે ઝવાહિરી સામેલ હતો જેમાં વર્લ્ડ ટ્રેડ સેન્ટરના ટ્વિન ટાવર્સ અને પૅન્ટાગૉન પર હુમલાઓ થયા હતા. આ હુમલાએ સમગ્ર વિશ્વને હચમચાવ્યું હતું. 

ઝવાહિરી ૯/૧૧નું કાવતરું ઘડવામાં સંડોવાયેલો હતો. અમેરિકન ધરતી પર હુમલાઓના દોષિતોમાં તે સામેલ હતો જેમાં ૨૯૭૭ લોકોની હત્યા થઈ હતી. દશકોથી અમેરિકનો પરના હુમલાઓનો તે માસ્ટરમાઇન્ડ હતો. હવે ન્યાય થયો છે. આ આતંકવાદી લીડર હવે રહ્યો નથી. અમે વધુ એક વખત સ્પષ્ટ કર્યું છે કે ભલેને ગમે તેટલો સમય લાગે, ભલેને તમે ગમે ત્યાં છુપાઈ જાઓ; જો તમે અમારા લોકો માટે ખતરો હો તો અમેરિકા શોધીને તમારો ખાતમો બોલાવશે.
જો બાઇડન, અમેરિકન પ્રેસિડન્ટ

2.50 કરોડ ડૉલર
એટલે કે ૧૯૬.૬૩ કરોડ રૂપિયાનું ઇનામ જાહેર કર્યું હતું ઝવાહિરીની માહિતી આપનાર માટે અમેરિકાએ

ઝવાહિરી માટે પાકિસ્તાન અને અમેરિકા વચ્ચે ખાસ ડીલ થઈ હતી?

વૉશિંગ્ટનઃ અલ-કાયદાના લીડર અલ ઝવાહિરીનો ખાતમો બોલાવાયો છે એ અમેરિકા અને પાકિસ્તાન વચ્ચેની એક ડીલનું પરિણામ હોવાનું જણાવાયું છે. પાકિસ્તાનની આર્મીના ચીફ જનરલ કમર જાવેદ બાજવાએ ઇન્ટરનૅશનલ મૉનિટરી ફન્ડ પાસેથી પાકિસ્તાનને ફન્ડ અપાવવાની અમેરિકાને વિનંતી કરી હતી. આ મદદના બદલામાં અમેરિકાને પાકિસ્તાનની આર્મી અને આઇએસઆઇએ કાબુલમાં રહેતા અલ ઝવાહિરીનું સરનામું આપ્યું હતું. આ સમગ્ર ડીલને લઈને અફઘાનિસ્તાનના ભૂતપૂર્વ ઉપરાષ્ટ્રપતિ અમરુલ્લાહ સાલેહે પણ સવાલો કર્યા છે.

હેલફાયરની ખાસિયત જાણો

ડ્રોન વડે હુમલો કરીને અલ ઝવાહિરીનો ખાતમો બોલાવવા અમેરિકાએ હેલફાયર આર૯એક્સ મિસાઇલનો ઉપયોગ કર્યો હતો. આ મિસાઇલની અંદરથી બ્લેડ્સ નીકળે છે જે ટાર્ગેટ પર સચોટ નિશાન લગાવે છે. 

03 August, 2022 08:55 AM IST | Mumbai | Gujarati Mid-day Correspondent

અન્ય લેખો

ઈન્ટરનેશનલ સમાચાર

ચીને ફરી દેખાડ્યો અસલી રંગ, આતંકવાદી પર પ્રતિબંધ મૂકવાના પ્રસ્તાવને અટકાવ્યો

સંયુક્ત રાષ્ટ્ર સુરક્ષા પરિષદના અન્ય તમામ ૧૪ દેશો પાકિસ્તાનસ્થિત જૈશ-એ-મોહમ્મદના આતંકવાદી અબ્દુલ રઉફ અઝહર પર પ્રતિબંધ લાદવા માટે સંમત થયા હતા ત્યારે એકમાત્ર ચીને આતંકવાદીનો બચાવ કરતાં પ્રસ્તાવને અટકાવી દીધો છે

12 August, 2022 08:32 IST | Washington | Gujarati Mid-day Correspondent
ઈન્ટરનેશનલ સમાચાર

પાકિસ્તાનમાં ઓવરટેક બદલ હિન્દુ ફૅમિલી પર હુમલો

પાકિસ્તાનમાં એક રાજકારણીના રિલેટિવ અને તેના સાથીઓએ તેમની કારને ઓવરટેક કરવાની કોશિશ કરનાર એક હિન્દુ પરિવાર પર રવિવારે સાંજે હુમલો કર્યો હતો.

10 August, 2022 07:29 IST | Mumbai | Gujarati Mid-day Correspondent
ઈન્ટરનેશનલ સમાચાર

આ કંપનીને જોઈએ છે સૌથી વધારે ઊંઘ લેનાર કર્મચારી, સાથે મળશે આ ખાસ સુવિધાઓ

કંપનીની જૉબ પોસ્ટિંગ પ્રમાણે, સારા ઉમેદવાર પાસે `અસામાન્ય ઊંઘની ક્ષમતા, જેટલું શક્ય હોય તેટલી ઊંઘ લેવાની ઇચ્છા અને કોઈપણ માધ્યમ દ્વારા ઊંઘવાની ક્ષમતા` હોવી જોઈએ. 

09 August, 2022 03:10 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK