° °

આજનું ઇ-પેપર
Friday, 09 December, 2022


જયશંકરે અમેરિકાને ચોખ્ખું કહ્યું, અમને મૂરખ ન બનાવો

27 September, 2022 09:09 AM IST | Washington
Gujarati Mid-day Correspondent | feedbackgmd@mid-day.com

પાકિસ્તાનને પૅકેજ પૂરું પાડવા બદલ અમેરિકાએ કરેલી દલીલને વિદેશપ્રધાને ફગાવી દીધી  

ફાઇલ તસવીર

ફાઇલ તસવીર

વિદેશપ્રધાન એસ. જયશંકરે અમેરિકા અને પાકિસ્તાન વચ્ચેના સંબંધોની યોગ્યતા સામે સવાલો ઉઠાવ્યા હતા. વૉશિંગ્ટનમાં રવિવારે ભારતીય અમેરિકન સમુદાય દ્વારા આયોજિત એક ઇવેન્ટમાં જયશંકરે કહ્યું હતું કે ‘આ એક એવો સંબંધ છે કે જેનાથી ન તો પાકિસ્તાનને લાભ થશે કે ન તો અમેરિકાના હેતુઓ પાર પડશે.’

થોડાં અઠવાડિયાં પહેલાં જ અમેરિકાએ પાકિસ્તાન ઍરફોર્સના એફ-૧૬ કાફલા માટે ૪૫ કરોડ ડૉલર (૩૬૭૧.૮૧ કરોડ રૂપિયા)ના પૅકેજને મંજૂરી આપી હતી. હવે વૉશિંગ્ટનમાં આયોજિત આ ઇવેન્ટમાં ઑડિયન્સમાંથી એના વિશે સવાલ પૂછવામાં આવતાં જયશંકરે અમેરિકા માટે સ્પષ્ટ શબ્દોમાં જણાવ્યું હતું.

પાકિસ્તાનના એફ-૧૬ના કાફલા માટે પૅકેજ પૂરું પાડવાના અમેરિકાના નિર્ણયને લઈને ભારતે એની ચિંતા અમરિકાના સંરક્ષણપ્રધાન લોયડ ઑસ્ટિન સમક્ષ વ્યક્ત કરી છે. જયશંકરે કહ્યું હતું કે ‘પાકિસ્તાન સાથેના સંબંધોની યોગ્યતા અને એનાથી કયા ફાયદા મેળવી શકાય એના વિશે અમેરિકા વિચાર કરે, એ ખરેખર જરૂરી છે. જ્યારે તમે કહો કે આતંકવાદ વિરોધી પગલાં લેવા માટે તમે આમ કરી રહ્યા છો. (પાકિસ્તાનને પૅકેજ આપી રહ્યા છો) અને જ્યારે તમે એફ-૧૬ જેવી ક્ષમતા ધરાવતા ઍરક્રાફ્ટની વાત કરી રહ્યા છો તો ત્યારે એને ક્યાં તહેનાત કરાશે અને એનો શું ઉપયોગ થશે એ તમને ખબર છે. આવી વાતો કહીને મૂરખ ન બનાવો.’

અમેરિકન મીડિયાની પણ ઝાટકણી કાઢી
અમેરિકન મેઇનસ્ટ્રીમ મીડિયાની ઝાટકણી કાઢતાં જયશંકરે કહ્યું હતું કે ‘હું મીડિયા જોઉં છું. કેટલાંક ન્યુઝપેપર્સ છે કે જેમના વિશે તમને સારી રીતે ખબર હોય છે કે તેઓ શું લખશે. મારો કહેવાનો અર્થ એ છે કે પૂર્વગ્રહો છે. તેઓ નિર્ણયો નક્કી કરવાની કોશિશ કરે છે. તેઓ માને છે કે તેઓ રખેવાળ છે. આવા ગ્રુપ્સની ભારતમાં જીત થઈ રહી નથી.’ 

27 September, 2022 09:09 AM IST | Washington | Gujarati Mid-day Correspondent

અન્ય લેખો

ઈન્ટરનેશનલ સમાચાર

જર્મનીમાં સરકાર ઉથલાવવાનું કાવતરું, ૨૫ લોકોની ધરપકડ

સુરક્ષા અધિકારીએ જણાવ્યું હતું કે પુરાવાઓની સમીક્ષા બાદ અન્ય લોકોની પણ ધરપકડ કરવામાં આવશે

09 December, 2022 09:39 IST | Mumbai | Gujarati Mid-day Correspondent
ઈન્ટરનેશનલ સમાચાર

ગ્રીન કાર્ડ‍્સ માટે દેશદીઠ ક્વોટાને નાબૂદ કરતા અમેરિકન બિલથી ભારતીયોને લાભ થશે

અત્યારની સિસ્ટમના કારણે ભારતીય આઇટી પ્રોફેશનલ્સને નુકસાન થઈ રહ્યું છે

09 December, 2022 09:25 IST | Washington | Gujarati Mid-day Correspondent
ઈન્ટરનેશનલ સમાચાર

ઇલૉન મસ્ક દુનિયાના સૌથી ધનવાન વ્યક્તિનું ટાઇટલ ગુમાવવાના આરે

ફૉર્બ્સના રિયલ ટાઇમ બિલ્યનેર્સના લિસ્ટમાં મસ્ક બુધવારે થોડીક વાર માટે બીજા સ્થાને પહોંચી ગયા હતા

09 December, 2022 09:21 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK