વિલુપ્ત પ્રજાતિઓ અને જિનોમ રિસર્ચ ક્ષેત્રમાં કરેલા સંશોધનને મળ્યું સન્માન
સ્વાંતે પાબો
સ્વીડિશ વૈજ્ઞાનિક સ્વાંતે પાબોએ માનવ ઉત્ક્રાન્તિ પરની તેમની શોધ માટે ગઈ કાલે દવામાં નોબેલ પારિતોષિક જીત્યું હતું. તેમણે આપણી રોગપ્રતિકારક શક્તિ અને આપણા લુપ્ત પિતરાઈ ભાઈઓની સરખામણીમાં આપણને શું અજોડ બનાવે છે એ વિશેની માહિતી પ્રદાન કરી હોવાનું પુરસ્કાર આપનારી અવૉર્ડ પૅનલે જણાવ્યું હતું.
પાબોએ નવી ટેક્નિક્સના વિકાસની આગેવાની લીધી છે, જે સંશોધકોને આધુનિક માનવીઓના જિનોમ અને નિએન્ડરથલ્સ અને ડેનિસોવનના અન્ય હોમિનન્સની તુલના કરવાની મંજૂરી આપે છે.
ADVERTISEMENT
જ્યારે નિએન્ડરથલ હાડકાં સૌપ્રથમ ૧૯મી સદીના મધ્યમાં મળી આવ્યાં હતાં ત્યારે જીએનએ તરીકે ઓળખાતા એમના ડીએનએને અનલૉક કરીને વૈજ્ઞાનિકો પ્રજાતિઓ વચ્ચેની કડીઓને સંપૂર્ણ રીતે સમજી શક્યા છે.
આમાં એ સમયનો પણ સમાવેશ થાય છે જ્યારે આધુનિક માનવીઓ અને નિએન્ડરથલ્સ એક પ્રજાતિ તરીકે અલગ થઈ ગયા હતા. આ લગભગ ૮,૦૦,૦૦૦ વર્ષ પહેલાં થયું હોવાનું મનાય છે એમ નોબેલ સમિતિના અધ્યક્ષ અન્ના વેડેલે જણાવ્યું હતું.
પાબો અને તેની ટીમને જાણવા મળ્યું કે જીન્સનો પ્રવાહ નિએન્ડરથલ્સથી હોમો સેપિયન્સમાં થયો હતો, જે દર્શાવે છે કે તેઓ સહઅસ્તિત્વના સમયગાળા દરમિયાન બાળકો હતાં. મેડિકલ ક્ષેત્રમાં નોબેલ પુરસ્કારોની ઘોષણાની શરૂઆત થઈ ગઈ છે. આજે ભૌતિક વિજ્ઞાન, બુધવારે રસાયણ વિજ્ઞાન અને ગુરુવારે સાહિત્યના ક્ષેત્રના નોબેલ અવૉર્ડની ગોષણા થશે. ૨૦૨૨ના શાંતિ પુરસ્કારની ઘોષણા શુક્રવારે અને અર્થશાસ્ત્રના ક્ષેત્રની ઘોષણા ૧૦ ઑક્ટોબરે કરવામાં આવશે.
7.35
વિજેતાઓને સન્માન પેટે આટલા કરોડ રૂપિયા આપવામાં આવે છે.
પિતા બાદ પુત્રને મળ્યો અવૉર્ડ
માનવ વિકાસ સાથેની ઘણી કડીઓને ઉકેલવા બદલ આ અવૉર્ડ તેમને આપવામાં આવ્યો છે. મહત્ત્વની વાત એ છે કે તેમના પિતા સ્યુને બર્ગસ્ટ્રોમને ૪૦ વર્ષ પહેલાં ૧૯૮૨માં મેડિસિનનો જ નોબેલ પુરસ્કાર મળી ચૂક્યો છે. આ વર્ષનો આ પહેલો નોબેલ અવૉર્ડ છે, જેમાં તેમને પુરસ્કાર પેટે ૯ લાખ ડૉલર (અંદાજે ૭.૩૫ કરોડ રૂપિયા) આપવામાં આવે છે. તમામને ૧૦ ડિસેમ્બરના સ્ટૉકહોમમાં એક સમારોહમાં પુરસ્કાર આપવામાં આવશે.
