Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > ઈન્ટરનેશનલ સમાચાર > આર્ટિકલ્સ > કૅનેડાની આડોડાઈ સામે ભારતે પણ બતાવી આંખ

કૅનેડાની આડોડાઈ સામે ભારતે પણ બતાવી આંખ

20 June, 2024 02:09 PM IST | Ottawa
Gujarati Mid-day Correspondent | feedbackgmd@mid-day.com

ખાલિસ્તાની આતંકવાદીએ ૩૯ વર્ષ પહેલાં પ્લેન પર કરેલા હુમલામાં જીવ ગુમાવનારા ૩૨૯ પ્રવાસીઓને શ્રદ્ધાંજલિ આપવા રવિવારે કાર્યક્રમ

કૅનેડાની પાર્લમેન્ટમાં હરદીપ સિંહ નિજ્જરને શ્રદ્ધાંજલિ

કૅનેડાની પાર્લમેન્ટમાં હરદીપ સિંહ નિજ્જરને શ્રદ્ધાંજલિ


ગયા વર્ષે માર્યા ગયેલા ખાલિસ્તાની આતંકવાદી હરદીપ સિંહ નિજ્જરને પાર્લમેન્ટમાં શ્રદ્ધાંજલિ આપવામાં આવી એટલે કૅનેડામાં ભારતીય દૂતાવાસ પણ ઍક્શનમાં, ખાલિસ્તાની આતંકવાદીએ ૩૯ વર્ષ પહેલાં પ્લેન પર કરેલા હુમલામાં જીવ ગુમાવનારા ૩૨૯ પ્રવાસીઓને શ્રદ્ધાંજલિ આપવા રવિવારે કાર્યક્રમ


ભારતને આંખ બતાવવા ખાલિસ્તાની આતંકવાદી હરદીપ સિંહ નિજ્જરની હત્યાને એક વર્ષ પૂરું થયું એ નિમિત્તે કૅનેડાની પાર્લમેન્ટે એક મિનિટનું ગઈ કાલે મૌન પાળ્યું હતું. જોકે કૅનેડાની આ આડોડાઈનો જડબાતોડ જવાબ આપતાં ભારતીય દૂતાવાસે રવિવારે વૅનકુવરમાં કનિષ્કા બૉમ્બિંગમાં માર્યા ગયેલા ૩૨૯ લોકો માટે શ્રદ્ધાંજલિનો કાર્યક્રમ રાખ્યો છે.



૧૯૮૫ની ૨૩ જૂને ખાલિસ્તાની આતંકવાદીઓએ પોતાની કાયરતાનું પ્રદર્શન કરતાં ઍર ઇન્ડિયાની ફ્લાઇટ પર અટૅક કર્યો હતો, જેમાં ૮૬ બાળકો સહિત કુલ ૩૨૯ લોકો મૃત્યુ પામ્યા હતા. ભારતીય દૂતાવાસે કહ્યું હતું કે વૅનકુવરના સ્ટૅન્લી પાર્કમાં આવેલા પ્લેગ્રાઉન્ડમાં ૨૦૨૪ની ૨૩ જૂને સાંજે સાડાછ વાગ્યે શ્રદ્ધાંજલિ કાર્યક્રમ રાખવામાં આવ્યો છે, જેમાં મોટી સંખ્યામાં ભારતીયોએ હાજર રહીને આતંકવાદની ખિલાફ આપણી એકતા અને શક્તિનું પ્રદર્શન કરવાનું છે.


કૅનેડામાં રહેતા ખાલિસ્તાની આતંકવાદીએ ઍર ઇન્ડિયાની ફ્લાઇટમાં રાખેલો બૉમ્બ ૩૧,૦૦૦ ફુટ ઉપર બ્લાસ્ટ થયો હતો જેમાં ૨૬૮ કૅનેડિયન, ૨૭ બ્રિટિશ અને ૨૪ ભારતીય નાગરિકો મૃત્યુ પામ્યા હતા.

હરદીપ સિંહ નિજ્જરની ગયા વર્ષે હત્યા થયા બાદ ભારત અને કૅનેડાના સંબંધોમાં ખટાશ આવી છે. કૅનેડાનો આરોપ છે કે તેની હત્યામાં ભારતનો હાથ હતો. જોકે ભારતે આ આરોપોને ફગાવીને એને પાયાવિહોણા ગણાવ્યા છે. ત્યારથી બન્ને દેશો વચ્ચેના સંબંધો વધુ ને વધુ બગડી રહ્યા છે. હજી ગયા અઠવાડિયે જ વડા પ્રધાન નરેન્દ્ર મોદી અને કૅનેડાના વડા પ્રધાન જસ્ટિન ટ્રુડો ઇટલીમાં G7 બેઠકમાં મળ્યા હતા, પણ બન્ને નેતાઓએ એકબીજા સાથે ઔપચારિક વાત જ કરી હતી.


Whatsapp-channel Whatsapp-channel

20 June, 2024 02:09 PM IST | Ottawa | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK