મસ્કે અફેરના અહેવાલોને નકારી કાઢ્યા છે
ફાઇલ તસવીર
ટેસ્લા કંપનીના સીઈઓ એલન મસ્ક (Elon Musk) હંમેશા ચર્ચામાં રહે છે. ક્યારેક ટ્વિટર સાથેની ડીલ વિશે, જે હવે કેન્સલ થઈ ગઈ છે તો ક્યારેક તેમના અંગત જીવન વિશે. એલન મસ્ક હવે ફરી ચર્ચામાં છે. વાસ્તવમાં, મીડિયા રિપોર્ટ્સમાં દાવો કરવામાં આવી રહ્યો છે કે એલન મસ્કનું ગૂગલના કો-ફાઉન્ડર સર્ગેઈ બ્રિન (Sergey Brin)ની પત્ની નિકોલ શાનાહન (Nicole Shanahan) સાથે અફેર હતું. તે જ સમયે, મસ્કે આ અહેવાલોને નકારી કાઢ્યા છે.
મસ્કે સોમવારે ટ્વીટ કર્યું હતું કે “તે અને સર્ગેઈ મિત્રો છે અને ગઈકાલે રાત્રે સાથે પાર્ટીમાં હતાં. મસ્કએ કહ્યું કે તેણે નિકોલને ત્રણ વર્ષમાં માત્ર બે વાર જ જોઈ છે અને તેમની વચ્ચે એવું કંઈ નથી. રિપોર્ટ્સમાં કહેવામાં આવ્યું છે કે સપ્ટેમ્બર 2021માં બ્રેકઅપ બાદ મસ્કનું તેના પાર્ટનર અને સિંગર ગ્રીમ્સ સાથે અફેર હતું. તે જ સમયે, સર્ગેઈ બ્રિન અને તેની પત્નીએ આ વર્ષની શરૂઆતમાં છૂટાછેડા માટે અરજી કરી હતી.
ADVERTISEMENT
બીજી તરફ, ટેસ્લાના સીઈઓ મસ્કે આ દાવાઓને ફગાવી દેતા કહ્યું કે તેણે લાંબા સમયથી શારીરિક સંબંધ પણ બાંધ્યો નથી. મસ્કે કહ્યું કે “લાંબા સમયથી તેનો કોઈની સાથે સંબંધ નથી. વાસ્તવમાં, મસ્ક કેટલાક ટ્વિટર વપરાશકર્તાઓના પ્રશ્નોના જવાબ આપી રહ્યા હતા. એક યુઝરના સવાલ પર મસ્કએ કહ્યું કે “તેણે રજાઓમાં પણ સેક્સ નથી કર્યું.”
વૉલ સ્ટ્રીટ જર્નલના રિપોર્ટ અનુસાર, એલન મસ્ક અને સર્ગેઈ બ્રિન લાંબા સમયથી મિત્રો હતા. મસ્ક વર્ષોથી નિયમિતપણે બ્રિનના સિલિકોન વેલીના ઘરની મુલાકાત લેતા હતા. આ સમય દરમિયાન જ મસ્ક નિકોલ શાનાહનની નજીક આવ્યા.
