° °

આજનું ઇ-પેપર
Monday, 29 November, 2021


બુલ્ગેરિયામાં ચાલતી બસમાં ભભૂકી આગ, 45 લોકો બળીને ખાખ

23 November, 2021 06:12 PM IST | mumbai | Gujarati Mid-day Online Correspondent

દક્ષિણ-પૂર્વ યુરોપિયન દેશ બુલ્ગેરિયામાં મંગળવારે એક દુ:ખદ અકસ્માતની ઘટના ઘટી છે.

પ્રતીકાત્મક તસવીર

પ્રતીકાત્મક તસવીર

દક્ષિણ-પૂર્વ યુરોપિયન દેશ બુલ્ગેરિયામાં મંગળવારે એક દુ:ખદ અકસ્માતની ઘટના ઘટી છે. જેમાં 45થી પણ વધુ લોકોના મોત થયા હતા. જ્યારે 47 લોકો ગંભીર રીતે દાઝી ગયા હતા. બસમાં અચાનક આગ લાગવાના કારણે આ અકસ્માત સર્જાયો હતો. મૃતકોમાં 12 બાળકો પણ સામેલ છે. 

આ દુર્ઘટનામાં ગંભીર રીતે દાઝી ગયેલા લોકોને સારવાર માટે હોસ્પિટલમાં દાખલ કરવામાં આવ્યા છે. અધિકારીઓના જણાવ્યા અનુસાર મૃત્યુઆંક વધી શકે છે. અકસ્માતની માહિતી મળતા જ પોલીસ અને ફાયર બ્રિગેડના જવાનો ઘટનાસ્થળે પહોંચી ગયા હતા અને રાહત કાર્ય શરૂ કર્યું હતું. ભારે જહેમત બાદ રાહત અને બચાવ ટીમોએ બસમાં લાગેલી આગને કાબુમાં લીધી હતી.

ગૃહ મંત્રાલયના ફાયર પ્રોટેક્શન વિભાગના વડા નિકોલાઈ નિકોલોવે જણાવ્યું હતું કે મૃત્યુ પામેલા મોટાભાગના લોકો ઉત્તર મેસેડોનિયાના હતા. સ્થળને કોર્ડન કરી દેવામાં આવ્યું છે અને લોકોની અવરજવર પર પ્રતિબંધ મુકવામાં આવ્યો છે. જો કે બસમાં આગ લાગવાનું કારણ હજુ સુધી જાણી શકાયું નથી. ટેકનિકલ ખામીના કારણે બસમાં અચાનક આગ લાગી હોવાની આશંકા છે. હાલ આ ઘટનાની તપાસના આદેશ આપવામાં આવ્યા છે.

આ અકસ્માતમાં 53 મુસાફરો સામેલ હતા

અધિકારીઓએ પુષ્ટિ કરી છે કે મૃતકોમાં ઉત્તર મેસેડોનિયન અને બાળકોનો સમાવેશ થાય છે. આ અકસ્માત સોફિયાથી 45 કિમી પશ્ચિમમાં સ્ટ્રુમા હાઈવે પર થયો હતો. અકસ્માત સમયે બસમાં કુલ 53 મુસાફરો સવાર હતા. સોફિયામાં ઈમરજન્સી હોસ્પિટલના અધિકારીઓએ જણાવ્યું હતું કે દાઝી ગયેલા સાત લોકો સળગતી બસમાંથી કૂદી પડ્યા હતા. તેમણે કહ્યું કે હાલ સાત લોકોની હાલત સ્થિર છે. આ લોકો ખરાબ રીતે દાઝી ગયા છે. દાઝી ગયેલા લોકોને ICUમાં રાખવામાં આવ્યા છે.

 

23 November, 2021 06:12 PM IST | mumbai | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

ડબ્લ્યુએચઓએ પાડ્યું ઓમિક્રોન નામ: શું એનાં કોઈ અલગ લક્ષણો છે?

ઑક્સફર્ડ યુનિવર્સિ​ટીના સ્ટ્રક્ચરલ બાયોલૉજિસ્ટ જેમ્સ નેઇસ્મિથે જણાવ્યું હતું કે આ વેરિઅન્ટમાં મ્યુટેશન્સ પરથી ખ્યાલ આવે છે કે એ કદાચ વધુ ઝડપથી ફેલાય છે.

28 November, 2021 12:22 IST | Geneva | Agency
ઈન્ટરનેશનલ સમાચાર

નવા વેરિઅન્ટ બાદ દુનિયાના અનેક દેશો ઍક્શન મોડમાં

અનેક દેશોએ આફ્રિકન દેશો સાથેની ફ્લાઇટ્સ પર બૅન મૂકી દીધો

27 November, 2021 10:15 IST | Brussels | Gujarati Mid-day Correspondent
ઈન્ટરનેશનલ સમાચાર

૨૬/૧૧ના દોષિતો સામે કાર્યવાહી કરવામાં પાક નિષ્ફળ

ભારતે આ હુમલાના સૂત્રધારોની સંડોવણીના પાકિસ્તાનને સજ્જડ પુરાવાઓ આપ્યા હોવા છતાં પાકિસ્તાને તેમની વિરુદ્ધ પગલાં લીધાં નથી. 

26 November, 2021 01:27 IST | Islamabad | Agency

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK