Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > Coronavirus: ન્યુઝીલેન્ડના વડાપ્રધાન જેસિન્ડા આર્ડર્ન કોરોનાથી સંક્રમિત

Coronavirus: ન્યુઝીલેન્ડના વડાપ્રધાન જેસિન્ડા આર્ડર્ન કોરોનાથી સંક્રમિત

14 May, 2022 02:24 PM IST | Mumbai
Gujarati Mid-day Online Correspondent | gmddigital@mid-day.com

ન્યુઝીલેન્ડના વડાપ્રધાન જેસિન્ડા આર્ડર્ન કોરોના વાયરસથી (New zealand PM Corona Positive)સંક્રમિત થયા છે. આ જાણકારી તેણે પોતાના ઈન્સ્ટાગ્રામ પર આપી છે.

ન્યુઝીલેન્ડના વડાપ્રધાન જેસિન્ડા આર્ડર્ન

ન્યુઝીલેન્ડના વડાપ્રધાન જેસિન્ડા આર્ડર્ન


ન્યુઝીલેન્ડના વડાપ્રધાન જેસિન્ડા આર્ડર્ન કોરોના વાયરસથી (New zealand PM Corona Positive)સંક્રમિત થયા છે. આ જાણકારી તેણે પોતાના ઈન્સ્ટાગ્રામ પર આપી છે. માહિતી શેર કરતા, તેણીએ જણાવ્યું કે તેણીનો ટેસ્ટ પોઝિટિવ આવ્યો છે, પરંતુ આ મહિનાના અંતમાં તેણી બિઝનેસ ટૂર કરવા અને હાર્વર્ડ યુનિવર્સિટીમાં ભાષણ આપવા માટે યુએસ જવાની યોજના બનાવી રહી છે. તેમણે કહ્યું કે તેઓ નિરાશ છે કે તેઓ આવતા અઠવાડિયે થનારી વિવિધ સરકારી યોજનાઓની જાહેરાત સંબંધિત કાર્યક્રમોમાં હાજરી આપી શક્યા નથી. આમાં સરકારના વાર્ષિક બજેટમાંથી ગ્રીનહાઉસ ગેસના ઉત્સર્જનમાં ઘટાડો કરવાની યોજનાનો સમાવેશ થાય છે.

આર્ડર્ને લખ્યું કે, `હું ત્યાં રૂબરૂ નહીં આવી શકું, પરંતુ હું ટીમ સાથે સંપર્કમાં રહીશ અને મારા વિચારો શેર કરીશ.` આર્ડર્ન, જેમને સંપૂર્ણ રસી આપવામાં આવી છે, તે ગયા રવિવારથી તેના વેલિંગ્ટન નિવાસસ્થાને ક્વોરન્ટિન છે. તેના મંગેતર ક્લાર્ક ગેફોર્ડને કોરોના વાયરસનો ચેપ હોવાની પુષ્ટિ થયા બાદ તેણે આઈસોલેશનમાં જવાનું નક્કી કર્યું હતું.




ગયા રવિવારે ગેફોર્ડના ચેપની પુષ્ટિ થઈ હતી. ન્યુઝીલેન્ડમાં જાહેર કરાયેલ નવી આરોગ્ય માર્ગદર્શિકા હેઠળ, જો પરિવારના કોઈ સભ્યને ચેપ લાગે છે, તો તેની સાથે સંકળાયેલા તમામ લોકો માટે સાત દિવસ માટે એકાંતમાં રહેવું ફરજિયાત છે. આર્ડર્ને કહ્યું કે શુક્રવારે રાત્રે કરવામાં આવેલા ઝડપી એન્ટિજેન પરીક્ષણમાં તેમનામાં હળવા ચેપના સંકેતો જોવા મળ્યા હતા. જો કે, આ પછી, જ્યારે શનિવારે સવારે તેમનો ફરીથી ટેસ્ટ થયો, ત્યારે ચેપનું સ્તર ઉપર આવ્યું અને ખબર પડી કે તેઓ સંક્રમિત થયા છે.


આર્ડર્ને એ પણ ખુલાસો કર્યો કે તેની ત્રણ વર્ષની પુત્રી, નેવ, પણ બુધવારે કોરોનાવાયરસથી સંક્રમિત થઈ છે. તેમણે લખ્યું કે, `બચાવના તમામ સંભવિત પ્રયાસો છતાં, હું મારા પરિવારના અન્ય સભ્યોની જેમ કોરોના વાયરસથી સંક્રમિત થઈ ગઈ છું.` આર્ડર્ને ઇન્સ્ટાગ્રામ પોસ્ટમાં તેના લક્ષણો વિશે કોઈ વિગતો આપી નથી. જો કે, તેમની ઓફિસે કહ્યું કે શુક્રવારથી જ વડાપ્રધાનમાં ચેપના લક્ષણો દેખાવા લાગ્યા હતાં.


Whatsapp-channel Whatsapp-channel

14 May, 2022 02:24 PM IST | Mumbai | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK