° °

આજનું ઇ-પેપર
Monday, 05 December, 2022


ઇન્ડોનેશિયામાં ભૂકંપથી ૪૬નાં મોત, ૭૦૦ ઘાયલ

22 November, 2022 09:47 AM IST | Jakarta
Gujarati Mid-day Correspondent | feedbackgmd@mid-day.com

૫.૬ તીવ્રતાના ધરતીકંપનું કેન્દ્ર જકાર્તાથી ૭૫ કિલોમીટર દૂર આવેલું હતું : સિઅનજૂર શહેરનાં કેટલાંક બિલ્ડિંગ્સ કાટમાળમાં ફેરવાઈ જતાં લોકોમાં ભય ફેલાયો હતો

ભૂકંપને કારણે દબાઈ ગયેલાં વેહિકલને બહાર કાઢતા બચાવ-કર્મચારીઓ

ભૂકંપને કારણે દબાઈ ગયેલાં વેહિકલને બહાર કાઢતા બચાવ-કર્મચારીઓ

ઇન્ડોનેશિયાના પશ્ચિમે જાવા પ્રાંતમાં ગઈ કાલે ૫.૬ મેગ્નિટ્યૂડની તીવ્રતાનો ધરતીકંપ આવતાં ૪૬ જેટલા લોકો મૃત્યુ પામ્યાં હોવાનું એક સ્થાનિક અધિકારીએ જણાવ્યું હતું. પશ્ચિમ જાવાના સિઅનજૂર શહેરના સરકારી અધિકારી હર્મન સુહેરમાને ૪૬ જણનાં મૃત્યુ થવા ઉપરાંત લગભગ ૭૦૦ કરતાં વધુ લોકો ઈજાગ્રસ્ત થયા હોવાનું જણાવતાં ઉમેર્યું હતું કે આ માત્ર એક હૉસ્પિટલના આંકડા છે. સિઅનજૂરમાં લગભગ ચાર હૉસ્પિટલ આવેલી છે, જે ધ્યાનમાં રાખતાં મરણના આંકડાઓ હજી વધી શકે છે. નૅશનલ ડિઝૅસ્ટર એજન્સીએ ૧૪ જણનાં મૃત્યુ થયાં હોવાનું નોંધ્યું છે.  

ગઈ કાલે ઇન્ડોનેશિયાની રાજધાની જાકાર્તાથી ૭૫ કિલોમીટર દૂર સિઅનજૂરમાં ધરતીકંપ થયો હતો, જેની ઊંડાઈ ૧૦ કિલોમીટર (૬.૨ માઇલ) જેટલી હતી. જોકે આ ધરતીકંપ સુનામી લાવવાની ક્ષમતા ધરાવતો ન હોવાનું વેધર ઍન્ડ જીઓફિઝક એજન્સીએ જણાવ્યું હતું.

ભૂકંપને કારણે ઈજાગ્રસ્ત થયેલા લોકોની સારવાર કરી રહેલા તબીબો

નૅશનલ ડિઝૅસ્ટર એજન્સીએ કહ્યું હતું કે ધરતીકંપને કારણે અનેક ઘરો તેમ જ ઇસ્લામિક બૉર્ડિંગ સ્કૂલને નુકસાન પહોંચ્યું હતું. સિઅનજૂર શહેરનાં કેટલાંક બિલ્ડિંગ્સ કાટમાળમાં ફેરવાઈ જતાં લોકોમાં ભય વ્યાપ્યો હતો. ભૂકંપને કારણે ઇન્ડોનેશિયાની રાજધાની જાકાર્તા પણ થોડી ક્ષણો માટે ધમધમી હતી. 

22 November, 2022 09:47 AM IST | Jakarta | Gujarati Mid-day Correspondent

અન્ય લેખો

ઈન્ટરનેશનલ સમાચાર

ગંભીર બીમારીની અટકળો વચ્ચે પગથિયાં પરથી લપસ્યા રશિયાના રાષ્ટ્રપતિ પુતિન

બ્રિટનના ભૂતપૂર્વ જાસૂસે કહ્યું હતું કે પુતિન ગંભીર રીતે બીમાર છે

05 December, 2022 10:33 IST | Moscow | Gujarati Mid-day Correspondent
ઈન્ટરનેશનલ સમાચાર

ચીન ઝીરો કોવિડ પૉલિસી પડતી મૂકશે તો વીસ લાખ લોકોનાં મોત થઈ શકે

વૅક્સિનેશનનું ઓછું પ્રમાણ અને હર્ડ ઇમ્યુનિટીનો અભાવ જેવાં પરિબળોના કારણે ચીન સહિત જુદા-જુદા દેશોના સાયન્ટિસ્ટ્સનો આવો અંદાજ છે

05 December, 2022 10:30 IST | Beijing | Gujarati Mid-day Correspondent
ઈન્ટરનેશનલ સમાચાર

World Soil Day 2022: આજે છે વિશ્વ માટી દિવસ, જાણો થીમ, ઇતિહાસ અને મહત્ત્વ

યુનાઇટેડ નેશન્સ અનુસાર, આ વર્ષની વિશ્વ માટી દિવસની થીમ "સોઇલ્સઃ વ્હેર ફૂડ બિગીન્સ" છે

05 December, 2022 09:26 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK