° °

આજનું ઇ-પેપર
Thursday, 30 June, 2022


પાટીદારો વહાલા ને અમે દવલા?

22 May, 2022 10:10 AM IST | Mumbai
Gujarati Mid-day Correspondent | feedbackgmd@mid-day.com

પાટીદારોની જેમ અન્ય સમાજના કેસ પણ પાછા ખેંચો: કૉન્ગ્રેસના બે વિધાનસભ્ય અને અપક્ષ વિધાનસભ્યે ગુજરાત સરકાર સમક્ષ માગણી કરીને સમગ્ર ગુજરાતમાં આંદોલનની ચેતવણી આપી

પ્રતીકાત્મક તસવીર

પ્રતીકાત્મક તસવીર


અમદાવાદ : પાટીદારો પર થયેલા કેસ પૈકીના કેટલાક કેસ ગુજરાત સરકાર પાછા ખેંચી રહી છે ત્યારે કૉન્ગ્રેસના બે વિધાનસભ્ય અને અપક્ષ વિધાનસભ્યે ગઈ કાલે પાટીદારોની જેમ અન્ય સમાજના કેસ પણ પાછા ખેંચવા માગણી કરી છે અને ગુજરાત સરકારને ચેતવણી આપી છે કે જો કેસ પાછા નહીં ખેંચાય તો બનાસકાંઠા સહિત સમગ્ર ગુજરાતમાં સડકો પર ઊતરી આંદોલન કરીશું.
આજે ઉત્તર ગુજરાતના બનાસકાંઠાના વાવમાં જનવેદના સભાનું આયોજન કરવામાં આવ્યું છે. આ સભાના આયોજનની વિગતો આપવાની સાથે થરાદના કૉન્ગ્રેસના વિધાનસભ્ય ગુલાબસિંહ રાજપૂતે પ્રેસ કૉન્ફરન્સમાં કહ્યું હતું કે ‘પાટીદાર યુવાનો પર ખોટી રીતે કેસ કરવામાં આવ્યા હતા એ કેસ પાછા ખેંચવામાં આવી રહ્યા છે. એવી રીતે સાથે સાથે ક્ષત્રિય સમાજ, દલિત સમાજ, ઠાકોર સમાજ, રબારી સમાજ, બ્રાહ્મણ સમાજ, ચૌધરી સમાજ હોય કે જે લોકો, કે જે સરકાર સામે લડતા ખોટા કેસ કરવામાં આવ્યા છે તે પાછા ખેંચવામાં આવે.’
વાવના કૉન્ગ્રેસનાં વિધાનસભ્ય ગેનીબહેન ઠાકોરે કહ્યું હતું કે ‘કોઈ પક્ષના બેનર હેઠળ આ કાર્યક્રમ નથી કર્યો, જે સમાજના આગેવાનો ઉપર કેસ થયા છે તે પરિવારોને પણ આમંત્રણ આપ્યું છે. આ કોઈ બીજેપી કે કૉન્ગ્રેસ માટે કે ચૂંટણી માટે નહીં પણ અન્યાય સામે ન્યાયની લડાઈનું સંમેલન છે.’
ગુજરાતની વડગામ બેઠકના અપક્ષ વિધાનસભ્ય જિગ્નેશ મેવાણીએ કહ્યું હતું કે ‘એક પ્રકારે આ રાજ્ય સરકારને ચેતવણી આપી રહ્યા છે કે ટૂંક સમયમાં તમામ સમાજ પરના કેસ પાછા ખેંચી લેવાની પ્રક્રિયા હાથ ધરો, નહીં ધરો તો આવનારા દિવસોમાં બનાસકાંઠાની સડકો પર ઊતરી સડકો જૅમ કરી સમગ્ર ગુજરાતમાં ઉગ્ર આંદોલનની ચેતવણી આપીએ છીએ.’

22 May, 2022 10:10 AM IST | Mumbai | Gujarati Mid-day Correspondent

અન્ય લેખો

ગુજરાત સમાચાર

તીસ્તાના મુદ્દે બીજેપી અને કૉન્ગ્રેસ આમને-સામને

નરેન્દ્ર મોદી વિરુદ્ધ તીસ્તાના કૅમ્પેન પાછળ કૉન્ગ્રેસનાં અધ્યક્ષ સોનિયા ગાંધીનો હાથ હોવાનો બીજેપીનો આક્ષેપ

27 June, 2022 11:25 IST | Mumbai | Gujarati Mid-day Correspondent
ગુજરાત સમાચાર

Hardik Patel: એક સમયના ભાજપના કટ્ટર આલોચક હાર્દિક પટેલે બીજેપીને ખેસ કર્યો ધારણ

હાર્દિક પટેલ 2019માં કોંગ્રેસમાં જોડાયા હતા અને બાદમાં તેને રાજ્ય એકમના કાર્યકારી અધ્યક્ષ બનાવવામાં આવ્યા હતા. ગુજરાતમાં આગામી થોડા મહિનામાં ચૂંટણી યોજાવા જઈ રહી છે. 

02 June, 2022 02:20 IST | Mumbai | Gujarati Mid-day Online Correspondent
ગુજરાત સમાચાર

Hardik Patel: કેસરિયા રંગમાં રંગાયા હાર્દિક પટેલ 

હાર્દિક પટેલે કહ્યું કે મેં આજદિન સુધી પદના લોભમાં ક્યાંય પણ કોઈ પ્રકારની માંગણી કરી નથી. મેં કોંગ્રેસ પણ કામ માંગીને છોડી અને ભાજપમાં પણ કામની વ્યાખ્યામાં જોડાઈ રહ્યો છું.

02 June, 2022 02:06 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK