° °

આજનું ઇ-પેપર
Thursday, 13 May, 2021


ગુજરાતમાં કમોસમી વરસાદ, ભરઉનાળે કચ્છમાં કરા પડ્યા

02 May, 2021 01:18 PM IST | Gandhinagar | Gujarati Mid-day Online Correspondent

વાતાવરણમાં ભેજનું પ્રમાણ વધતાં કેરીના પાકને પણ અસર થવાની સંભાવના

પ્રતીકાત્મક તસવીર

પ્રતીકાત્મક તસવીર

ગઈ કાલે ગુજરાતમાં અનેક વિસ્તારોમાં કમોસમી વરસાદ પડ્યા પછી આજે પણ કેટલાક વિસ્તારોમાં કમોસમી વરસાદ પડ્યો હતો. સૌરાષ્ટ્ર-કચ્છમાં સાયક્લોનિક સર્ક્યુલેશન સર્જાતાં અમદાવાદ, ગાંધીનગર સહિત રાજ્યના અનેક જિલ્લાઓમાં બે દિવસ દરમિયાન ગાજવીજ સાથે હળવેથી મધ્યમ વરસાદ પડી શકે છે તેવી હવામાન વિભાગે આગાહી કરી હતી. ત્યારે આજે રવિવારે સવારે અમદાવાદનાં કેટલાક વિસ્તારોમાં નાનું વરસાદી ઝાપટું પડ્યું હતું. તો ગઇકાલે કચ્છમાં કરા સાથે કમોસમી વરસાદ પડ્યો હતો. આ સાથે અમરેલી, જામનગર, જેતપુર, અંબાજીમાં પણ માવઠું પડ્યું હતું. જેના કારણે ખેડૂતોની ચિંતામાં વધારો થયો છે. વાતાવરણમાં ભેજનું પ્રમાણ વધતાં કેરીના પાકને પણ અસર થવાની સંભાવના છે.

શનિવારે રાપર, ભચાઉ અને ભુજ તાલુકામાં કમોસમી વરસાદ વરસ્યો હતો. જેમાં ક્યાંક કરા પણ પડ્યા હતા. બપોર બાદ કાળા ડિંબાંગ વાદળો ઘેરાયા હતા. આ ઉપરાંત સૂસવાટાભેર પવનની સાથે વરસાદ વરસ્યો હતો. ભુજ તાલુકાના બન્ની વિસ્તાર, રાપર અને ભચાઉ તાલુકામાં માવઠાથી અડધાથી દોઢ ઇંચ જેટલો કમોસમી વરસાદ વરસ્યો હતો.

ગઈ કાલે રાતે વડોદરામાં દિવસ દરમિયાનની ગરમી ને ઉકરાટ બાદ કમોસમી વરસાદ પડ્યો હતો. ધીમી ધારે છાંટા પડતા  વતાવરણમાં ઠંડક પ્રસરી હતી. દિવસ દરમિયાન આકાશ વાદળછાયું રહ્યું હતું. આ સિવાય મહેસાણામાં ઊંઝાના વાતાવરણમાં પલટો આવ્યો હતો. એકાએક વાતાવરણમાં પલટો આવ્યો હતો. તેમજ પવન સાથે વરસાદની શરૂઆત થઈ હતી.

નોંધનીય છે કે, હવામાન વિભાગે આગાહી કરી છે કે, રવિવારે વડોદરા, સુરત, ભરૂચ, અમરેલી, ભાવનગરમાં ૩૦થી ૪૦ કિલોમીટરની ગતિએ પવન ફૂંકાવવા ઉપરાંત ગાજવીજ સાથે હળવેથી મધ્યમ વરસાદ પડી શકે છે.

02 May, 2021 01:18 PM IST | Gandhinagar | Gujarati Mid-day Online Correspondent

અન્ય લેખો

ગુજરાત સમાચાર

અમદાવાદ ક્રાઈમ બ્રાન્ચે ૪ દેશી બૉમ્બ સાથે એક શખ્સની ધરપકડ કરી

રિવરફ્રન્ટ વિસ્તારમાંથી પકડાયેલો આરોપી રીઢો ગુનેગાર છે

13 May, 2021 03:45 IST | Ahmedabad | Gujarati Mid-day Online Correspondent
ગુજરાત સમાચાર

ગુજરાતમાં કોરોના યોદ્ધાઓએ જ કરવા પડ્યાં ધરણાં અને પ્રદર્શન

સમાન કામ, સમાન વેતન, પીએફ, મેડિકલ ભથ્થાં, એરિયર્સ સહિતના પ્રશ્નોનો ઉકેલ ન આવતાં વિશ્વ નર્સિસ દિને નર્સોએ અને ડૉક્ટરોએ કર્યા વિરોધી દેખાવો

13 May, 2021 02:02 IST | Ahmedabad | Gujarati Mid-day Correspondent
ગુજરાત સમાચાર

હડતાળ પાછી ખેંચવા રૂપાણીની અપીલ, માગણી મુદ્દે લેવાશે નિર્ણય

ગુજરાતમાં 8 કૉલેજના તબીબો આજથી હડતાળ પર.

12 May, 2021 05:29 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK