° °

આજનું ઇ-પેપર
Wednesday, 28 July, 2021


કેશુભાઈને તેમનો ઉમેદવાર પાછો ખેંચવા શ્વેતા ભટ્ટની અપીલ

03 December, 2012 06:45 AM IST |

કેશુભાઈને તેમનો ઉમેદવાર પાછો ખેંચવા શ્વેતા ભટ્ટની અપીલ

કેશુભાઈને તેમનો ઉમેદવાર પાછો ખેંચવા શ્વેતા ભટ્ટની અપીલ




અમદાવાદ: ગુજરાત વિધાનસભાની ચૂંટણીમાં અમદાવાદની મણિનગર બેઠક પરથી ગુજરાતના મુખ્ય પ્રધાન નરેન્દ્ર મોદી સામે કૉન્ગ્રેસનાં ઉમેદવાર તરીકે ચૂંટણી લડવા ઊભાં રહેલાં શ્વેતા ભટ્ટે ગુજરાત પરિવર્તન પાર્ટીના અધ્યક્ષ કેશુભાઈ પટેલને તેમનો ઉમેદવાર પાછો ખેંચવા ગઈ કાલે અપીલ કરી હતી.

પ્રેસ-કૉન્ફરન્સમાં શ્વેતા ભટ્ટે કહ્યું હતું કે ગુજરાતના તમામ વિરોધપક્ષોને અપીલ કરું છું કે નરેન્દ્ર મોદી સામેની લડાઈમાં મને સહકાર આપે. તેમણે ખાસ એમ પણ કહ્યું હતું કે જીપીપીને પણ હું તેમનો ઉમેદવાર પાછો ખેંચવા અપીલ કરું છું. મને વિશ્વાસ છે કે કેશુભાઈ પટેલ મને સર્પોટ કરશે.

વિરોધપક્ષોને અપીલ કરવા પાછળનું કારણ કહેતાં શ્વેતા ભટ્ટે કહ્યું હતું કે આ ચૂંટણી હું મારા માટે નહીં, ગુજરાત વતી લડી રહી છું.

તેમને સવાલ કરવામાં આવ્યો કે કેશુભાઈ પટેલની પાર્ટી પણ નરેન્દ્ર મોદી સામે ચૂંટણીજંગ લડવા ઊતરી છે તો તેઓ આપને અપીલ કરશે તો આપ ચૂંટણીમાંથી હટી જશો? ત્યારે તેમણે આનો ઇન્ાકાર કરીને કોઈ પણ ભોગે ચૂંટણી લડવાની ઇચ્છા દર્શાવી હતી. જોકે તેમણે એવી પણ સ્પષ્ટતા કરી હતી કે મારી આ ડિમાન્ડ રજૂ કરવા માટે હું કેશુભાઈ પટેલને રૂબરૂ મળવા જવાની નથી, પણ મિડિયા દ્વારા જ અપીલ કરું છું.

મણિનગરની બેઠક પરથી ગુજરાત પરિવર્તન પાર્ટી, બહુજન સમાજ પાર્ટી, કૉમ્યુનિસ્ટ પાર્ટી ઑફ ઇન્ડિયા, ભારતીય જનતા દળ અને અખિલ ભારત હિન્દુ મહાસભા પાર્ટીએ તેમના ઉમેદવાર ઊભા રાખ્યા છે અને એક અપક્ષે પણ ઉમેદવારીપત્રક ભર્યું છે. આજે ઉમેદવારી પાછી ખેંચવાનો છેલ્લો દિવસ છે.

જીપીપી = ગુજરાત પરિવર્તન પાર્ટી

03 December, 2012 06:45 AM IST |

અન્ય લેખો

ગુજરાત સમાચાર

સોમનાથ મંદિર પર ધ્વજા ચડાવવાનો લહાવો ભાવિકો જાતે લઈ શકશે

આ સિસ્ટમ પાટીદાર અગ્રણી નરેશ પટેલે સોમનાથ મંદિરને અર્પણ કરી છે અને તેમણે ધ્વજાપૂજા કરીને સોમનાથદાદાને ધ્વજા ચડાવી હતી.

27 July, 2021 03:28 IST | Ahmedabad | Shailesh Nayak
ગુજરાત સમાચાર

હવે ગુજરાતમાં વરસાદ તારાજીના મૂડમાં

વેસ્ટર્ન ડિસ્ટર્બન્સની સાથે મૉન્સૂન સિસ્ટમ ઍક્ટિવ થવાને લીધે ગઈ કાલે રાજકોટ, જામનગર, મહેસાણા, પંચમહાલ અને સુરત જિલ્લામાં ૭થી ૧૮ ઇંચ વરસાદ

27 July, 2021 02:34 IST | Rajkot | Rashmin Shah
ગુજરાત સમાચાર

ગ્રીનમેન વિરલ દેસાઈ દ્વારા અયોધ્યાના મંદિરના માનમાં ભવ્ય રામવન તૈયાર થશે

સુરતનાં હાર્ટ્સ એટ વર્ક ફાઉન્ડેશન દ્વારા આદિવાસી બાળકોના શિક્ષણ માટે કામ કરતી સંસ્થા ‘સરદાર વલ્લભભાઈ પટેલ સ્મૃતિ ટ્રસ્ટ’ સાથે પર્યાવરણીય કાર્યો માટે એમઓયુ થયા છે

26 July, 2021 02:26 IST | Mumbai | Partnered Content

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK