ટ્રેન ક્રમાંક-૦૨૯૯૬ અજમેર-બાંદરા એક્સપ્રેસના સ્લીપર કૉચમાં બે પ્રવાસીઓ વજનદાર બૅગ સાથે દેખાયા હતા
આરોપીઓ અને તેમની પાસેથી પકડાયેલી છરીઓ
રેલવે પોલીસ દ્વારા પેટ્રોલિંગ કરતી વખતે સામાનમાં ખતરનાક છરીઓ છુપાવીને પ્રવાસ કરનારને ઓન-ડ્યુટી આરપીએફ જવાનોની સતર્કતાથી પકડી લેવાયા છે તેમ જ આગળની કાયદાકીય કાર્યવાહી માટે સુરત જીઆરપીને સોંપી દેવામાં આવ્યા છે. ટ્રેન ક્રમાંક-૦૨૯૯૬ અજમેર-બાંદરા એક્સપ્રેસના સ્લીપર કૉચમાં બે પ્રવાસીઓ વજનદાર બૅગ સાથે દેખાયા હતા. શંકાસ્પદ દેખાતા પોલીસે તેમની પૂછપરછ કરતાં જવાબ સંતોષકારક ન મળતા પોલીસ તેમને આરપીએફ કાર્યાલયમાં લઈ ગયા હતા. બૅગ તપાસ કરતાં પોલીસને એમાંથી ૩૫૦૦ રૂપિયાની ત્રણ છરી, બીજા પ્રવાસીની બૅગમાં આશરે ૪૦૦૦ રૂપિયાની કિંમતની ૩ ધારદાર છરી મળી આવી હતી. બન્ને પાસેથી કુલ ૨૨,૫૦૦ રૂપિયાની છ છરી મળી આવી હતી.
