Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > PM મોદીએ સોમનાથમાં સર્કિટ હાઉસનું કર્યું ઉદ્ઘાટન, કહી આ વાત

PM મોદીએ સોમનાથમાં સર્કિટ હાઉસનું કર્યું ઉદ્ઘાટન, કહી આ વાત

21 January, 2022 02:06 PM IST | Somnath
Gujarati Mid-day Online Correspondent | gmddigital@mid-day.com

વડાપ્રધાનએ કહ્યું કે દર વર્ષે લગભગ 1 કરોડ ભક્તો સોમનાથ મંદિરના દર્શન કરવા માટે વિવિધ રાજ્યો, દેશના વિવિધ ખૂણાઓ અને વિશ્વમાંથી આવે છે.

ફાઇલ તસવીર

ફાઇલ તસવીર


વડાપ્રધાન નરેન્દ્ર મોદીએ શુક્રવારે ગુજરાતમાં સોમનાથ મંદિર પાસે સર્કિટ હાઉસનું ઉદ્ઘાટન કર્યું હતું. વીડિયો કોન્ફરન્સિંગ દ્વારા આ કાર્યક્રમમાં પીએમ મોદીએ કહ્યું કે ભગવાન સોમનાથની પૂજામાં આપણા શાસ્ત્રોમાં કહેવામાં આવ્યું છે - ભક્તિપ્રદાય કૃતાવતારમ તન સોમનાથમ શરણમ્ પ્રપદ્યે. એટલે કે ભગવાન સોમનાથની કૃપાથી અવતરિત છે, તેમની કૃપાના ભંડાર ખુલે છે, જે સંજોગોમાં સોમનાથ મંદિરનો નાશ થયો અને પછી જે સંજોગોમાં સરદાર પટેલના પ્રયાસોથી મંદિરનો જીર્ણોદ્ધાર થયો તે બંને આપણા માટે મોટો સંદેશ છે.

વડાપ્રધાનએ કહ્યું કે દર વર્ષે લગભગ 1 કરોડ ભક્તો સોમનાથ મંદિરના દર્શન કરવા માટે વિવિધ રાજ્યો, દેશના વિવિધ ખૂણાઓ અને વિશ્વમાંથી આવે છે. જ્યારે આ ભક્તો અહીંથી પાછા જાય છે, ત્યારે તેઓ પોતાની સાથે ઘણા નવા અનુભવો, ઘણા નવા વિચારો અને નવી વિચારસરણી લઈને જાય છે.



પીએમઓ ઓફિસ દ્વારા આપવામાં આવેલી માહિતી મુજબ 30 કરોડ રૂપિયામાં સર્કિટ હાઉસ તૈયાર થઈ ગયું છે. આ સર્કિટ હાઉસને આધુનિક સુવિધાઓથી સજ્જ કરવામાં આવ્યું છે. VIP અને ડીલક્સ રૂમ પણ અહીં ઉપલબ્ધ છે. એક કોન્ફરન્સ અને ઓડિટોરિયમ હોલ પણ છે.


આ સર્કિટ હાઉસને એવી રીતે ડિઝાઇન કરવામાં આવ્યું છે કે તેમાંના દરેક રૂમને સી ફેસિંગ રાખવામાં આવ્યા છે. એટલે કે તમામ રૂમમાંથી દરિયો દેખાય છે. PMO ઓફિસ દ્વારા કહેવામાં આવ્યું હતું કે સોમનાથ મંદિરની આસપાસ કોઈ સરકારી સુવિધા ઉપલબ્ધ નથી. આ કિસ્સામાં, આ સર્કિટ હાઉસ તમામ જરૂરિયાતોને પૂર્ણ કરશે.


Whatsapp-channel Whatsapp-channel

21 January, 2022 02:06 PM IST | Somnath | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK