° °

આજનું ઇ-પેપર
Tuesday, 15 June, 2021


હવે નરેન્દ્ર મોદી ને શ્વેતા ભટ્ટ વચ્ચે સીધી ટક્કર

04 December, 2012 06:35 AM IST |

હવે નરેન્દ્ર મોદી ને શ્વેતા ભટ્ટ વચ્ચે સીધી ટક્કર

હવે નરેન્દ્ર મોદી ને શ્વેતા ભટ્ટ વચ્ચે સીધી ટક્કર




ગુજરાત પરિવર્તન પાર્ટીના ઉમેદવાર પ્રવીણ પટેલે અમદાવાદની મણિનગર બેઠક ઉપરથી પોતાનું ઉમેદવારી પત્રક પાર્ટીના આદેશથી પાછું ખેંચી લેતાં હવે આ બેઠક પર ગુજરાતના મુખ્ય પ્રધાન નરેન્દ્ર મોદી અને કૉન્ગ્રેસનાં મહિલા ઉમેદવાર તથા સસ્પેન્ડેડ આઇપીએસ અધિકારી સંજીવ ભટ્ટનાં પત્ની શ્વેતા ભટ્ટ વચ્ચે સીધી ટક્કર થશે. જોકે મણિનગર બેઠક ઉપર હજી અન્ય પક્ષ અને એક અપક્ષ સહિત ૧૦ ઉમેદવારો ચૂંટણી લડી રહ્યા છે.

રવિવારે શ્વેતા ભટ્ટે ગુજરાત પરિવર્તન પાર્ટીના અધ્યક્ષ કેશુભાઈ પટેલને તેમનો ઉમેદવાર પાછો ખેંચવા અપીલ કરી હતી અને કહ્યું હતું કે ‘આ ચૂંટણી હું મારા માટે નહીં ગુજરાત વતી લડી રહી છું, નરેન્દ્ર મોદી સામેની લડાઈમાં મને સહકાર આપો.’

આ અપીલ કામે લાગી છે અને ગુજરાત પરિવર્તન પાર્ટીએ મણિનગરની બેઠક ઉપરથી તેમના ઉમેદવારનું ફૉર્મ ગઈ કાલે પરત ખેંચાવી લીધું હતું.

ફૉર્મ પાછું ખેંચવાનું કારણ પૂછતાં જીપીપીના ઉમેદવાર પ્રવીણ પટેલે ‘મિડ-ડે’ને કહ્યું કે મારે કૉન્ગ્રેસ સાથે કોઈ લેવા-દેવા નથી, પણ પાર્ટીના આદેશને કારણે ફૉર્મ પાછું ખેંચ્યું છે. જીપીપી માટે ગઈ કાલે શૉકિંગ બાબત એ રહી કે ચાણસ્મા, મહેસાણા, ઊંઝા, બાયડ અને દહેગામની બેઠક ઉપરથી પણ જીપીપીના ઉમેદવારોએ પણ તેમનાં ઉમેદવારી ફૉર્મ પાછાં ખેંચ્યાં હતાં. ઉમેદવારોએ ફૉર્મ પરત કેમ ખેંચ્યાં એ બાબતે જીપીપીના પ્રદેશ મહામંત્રી ગોરધન ઝડફિયા અને પ્રદેશ સિનિયર ઉપાધ્યક્ષ સુરેશ મહેતાનો ‘મિડ-ડે’એ સંપર્ક કર્યો, પણ તેઓ મળી શક્યા નહોતા.

જીપીપી = ગુજરાત પરિવર્તન પાર્ટી

04 December, 2012 06:35 AM IST |

અન્ય લેખો

ગુજરાત સમાચાર

ગુજરાતમાં આગામી પાંચ દિવસ આ રાજ્યોમાં પડશે વરસાદ

હવામાન વિભાગે માછીમારોને પાંચ દિવસ દરિયો ન ખેડવાની સુચના આપી

15 June, 2021 02:08 IST | Gandhinagar | Gujarati Mid-day Online Correspondent
ગુજરાત સમાચાર

ગુજરાતમાં આજથી ‘લવ-જેહાદ કાયદો’ લાગુ, જાણો આ કાયદા અંગેની મહત્વની જોગવાઇ

ગુનો કરનાર, ગુનો કરાવનાર, ગુનામા મદદ કરનાર, ગુનામાં સલાહ આપનાર તમામને સમાન પ્રકારે દોષિત ગણાશે

15 June, 2021 02:50 IST | Gandhinagar | Gujarati Mid-day Online Correspondent
ગુજરાત સમાચાર

કેજરીવાલે અમદાવાદના ધાર્મિક સ્થાનમાં રાજકારણની વાતો છેડતાં ઊઠ્યા સવાલો

ગુજરાતમાં આમ આદમી પાર્ટી (આપ)ના પ્રદેશ કાર્યાલયનું ઉદ્ઘાટન કરવા ગઈ કાલે આવેલા પક્ષના વડા અરવિંદ કેજરીવાલે અમદાવાદમાં આવેલા ધાર્મિક સ્થળ વલ્લભ સદનમાં પ્રેસ કૉન્ફરન્સ યોજીને રાજકારણની વાત કરતાં સવાલો ઊઠ્યા છે.

15 June, 2021 01:20 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK